ق ر ادىلەت مينيسترلىگى قازاقستاندىق ونەرتاپقىشتاردىڭ پاتەنتتەلگەن قىزىق جوبالارى تۋرالى ايتىپ بەردى.
قازاقپارات ءتىلشىسىنىڭ ساۋالىنا جاۋاپ بەرۋ كەزىندە مينيسترلىك ماماندارى ءتۇرلى ونەرتابىستار بويىنشا پاتەنتتەر تىركەلگەنىن حابارلادى. ونىڭ ىشىندە WI-FI ارقىلى باسقارىلاتىن شاينەك تە بار كورىنەدى. اتاپ ايتقاندا، شاينەكتى قاشىقتىقتان سىمسىز بايلانىس ارقىلى باسقارۋعا مۇمكىندىك جاسالىپ وتىر.
سونىمەن قاتار ەلىمىزدىڭ ونەرتاپقىشتارى كولىك جۇرگىزۋشىسىنىڭ اياق كيىمىن ءبۇلىنىپ قالۋدان قورعايتىن ارنايى قۇرىلعىنى پاتەنتتەدى. ونەرتاپقىشتاردىڭ سوزىنە قاراعاندا، وسى قۇرىلعى ارقىلى جۇرگىزۋشىلەر اياق كيىمدەرىن توزۋدان ساقتاي الادى.
مۇنىمەن قوسا، جولداعى قيىلىستاردا كولىك قۇرالدارىنىڭ اينالۋ مانيەۆرىنە ارنالعان قۇرىلعىنىڭ پاتەنتى تىركەۋگە الىندى.
بۇل پايدالى ءادىس كولىك قوزعالىسىندا قاۋىپسىزدىكتى قامتاماسىز ەتۋ سالاسىنا نەگىزدەلگەن. وسى قۇرىلعى ارقىلى جىلدىڭ كەز كەلگەن مەرزىمىندە كولىكتەر اينالعان كەزدە جولداعى قاۋىپسىزدىككە ءتيىستى ۇلەسىن قوسۋعا قاۋقارلى.
اتاپ ايتقاندا، كولىكتىڭ ارتقى شىنىسىنىڭ سول جاق ىشكى بولىگىنە قوسىمشا قۇرىلعى ورناتىلادى. ياعني، قۇرىلعىنى ىسكە قوسقان كەزدە كولىكتىڭ بۇرىلىپ، اينالاتىندىعى تۋرالى ۇزىك-ۇزىك جارىق بەلگىلەرى كورىنەدى. وسىلايشا بۇل كولىكتىڭ ارتىندا كەلە جاتقان ماشينالارعا ەسكەرتۋ جاسالادى.
اۆتور: رۋسلان عابباسوۆ
You Might Also Like
-
2016 جىلى بىتىرۋشىلەر ۇبت-نى بەلگىلەنگەن مەرزىمدە 1-15 ماۋسىم ارالىعىندا تاپسىرادى، دەپ حابارلادى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن.
-
ۆ.ا.سۋحوملينسكيي بىلاي دەگەن ەكەن «تەك قانا اتا-انالارمەن بىرگە جالپى كۇش – جىگەردى بىرىكتىرۋ ارقاسىندا مۇعالىمدەر بالالارعا ۇلكەن ادامدىق باعىت بەرۋى مۇمكىن»
