ۇبت-نى قايتا تاپسىرۋدىڭ قۇنى بەلگىلى بولدى
2016 جىلى بىتىرۋشىلەر ۇبت-نى بەلگىلەنگەن مەرزىمدە 1-15 ماۋسىم ارالىعىندا تاپسىرادى، دەپ حابارلادى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن.
شەكتى دەڭگەيدى جيناي الماعان بىتىرۋشىلەر ءۇشىن اعىمداعى جىلدىڭ تامىز ايىندا بارلىق وبلىس ورتالىقتارى مەن استانا جانە الماتى قالالارىندا ورنالاسقان بازالىق جوعارى وقۋ ورىندارىندا تەستىلەۋدى قايتا تاپسىرۋ مۇمكىندىگى بەرىلەدى.
ۇبت-نى قايتا تاپسىرۋعا بولاتىن جوعارى وقۋ ورىندارىنىڭ ءتىزىمى ءبىلىم جانە عىلىم مينيسترلىگى تاراپىنان ايقىندالادى. شەكتى دەڭگەيدى جيناي الماعان بىتىرۋشىلەر تەستىلەۋدى ءتورت ءپان بويىنشا قايتا تاپسىرادى: وقىتۋ ءتىلى، قازاقستان تاريحى، ماتەماتيكا جانە تاڭداۋ پانىنەن (بەيىندى).
تەستىلەۋدى ەكىنشى رەت تاپسىرۋ ءۇشىن تالاپكەرگە تەك تۇرعىلىقتى جەر بويىنشا جاقىن ورنالاسقان بازالىق جوو-عا ءوتىنىش، 3ح4 كولەمدەگى 4 سۋرەت، جانە ورتا مەكتەپتى نەمەسە تجكو-نى بىتىرگەندىگى تۋرالى قۇجاتتار تاپسىرۋ قاجەت.
قايتا تەستىلەۋ ءراسىمىنىڭ قۇنى 2242 تەڭگەنى قۇرايدى.
You Might Also Like
-
دارىندى وقۋشىلاردى قولداۋ جانە انىقتاۋ ماقساتىندا «دارىن» رەسپۋبليكالىق عىلىمي-پراكتيكالىق ورتالىعى مەملەكەتتىك ءتىلدى دامىتۋ قورىنىڭ قولداۋىمەن 25-26 ناۋرىز ارالىعىندا استانا قالاسىندا ...
-
قازاقپارات ءتىلشىسىنىڭ ساۋالىنا جاۋاپ بەرۋ كەزىندە مينيسترلىك ماماندارى ءتۇرلى ونەرتابىستار بويىنشا پاتەنتتەر تىركەلگەنىن حابارلادى. ونىڭ ىشىندە WI-FI ارقىلى باسقارىلاتىن شاينەك تە بار كورىنەدى. اتاپ...
