InfoHub Logo

ءبىلىم بەرۋ سالاسى: «قاتىناس». «الەۋمەتتىك ورتا».
ءبولىمى: ءتىل دامىتۋ. قورشاعان ورتامەن تانىستىرۋ.
تاقىرىبى: كوكتەم كەلدى
ماقساتى:
بىلىمدىلىگى: كوكتەم مەزگىلىندەگى تابيعي قۇبىلىستار، وسىمدىكتەر مەن جانۋارلارداعى ماۋسىمدىق وزگەرىستەر، ادامداردىڭ كوكتەمدەگى پايدالى ءىس - ارەكەتتەرى تۋرالى ماعلۇمات بەرۋ. سۋرەت ارقىلى اڭگىمە قۇراتا بىلۋگە ۇيرەتۋ.
دامىتۋشىلىعى: بىلۋگە قۇمارلىعىن دامىتۋ.
تاربيەلىلىگى: تابيعاتتاعى قۇبىلىستاردى باقىلاي وتىرىپ، سۇيىسپەنشىلىككە، تابيعاتتى ايالاۋعا تاربيەلەۋ.
قاجەتتى كورنەكى قۇرالدار: كوكتەم كورىنىسى سۋرەتى، قۇم سالىنعان ىدىس، بيداي.
ءادىس - تاسىلدەرى: عاجايىپ ءسات، جۇمباقتار، سەرگىتۋ ءساتى، قيمىلدى ويىن: «كوكتەم الاڭى» تاجىريبە جاساۋ.
سوزدىك جۇمىس: كوكتەم، بۇرشىك، بايشەشەك.
بيلينگۆالدى كومپونەنت: كوكتەم - ۆەسنا، بايشەشەك - پودسنەجنيك.

موتيۆاسيالىق قوزعاۋشىلىق
شاتتىق شەڭبەرى.
«قۇلىنشاق» ءبىزدىڭ ءۇيىمىز،
«قۇلىنشاق» توبىنىڭ،
ۇلى مەنەن قىزىمىز.
اينالا بيلەپ، ءان ايتىپ
كوڭىلدى بولىپ جۇرەمىز.

ۇيىمداستىرۋشىلىق – ىزدەنۋشىلىك
ۇيىمداستىرىلعان وقۋ ءىس - ارەكەتى پسيحولوگيالىق كەزەڭنەن (كوكتەم مەزگىلىنىڭ تابيعات قۇبىلىستارى دىبىستارى: قۇستار، جىلعادا اققان سۋ دىبىسى) باستالادى.
- بالالار، بۇل نەنىڭ دىبىستارى؟
- ءيا، بالالار بۇل – تابيعات قۇبىلىستارىنىڭ دىبىسى.
- بالالار، ءقازىر قانداي جىل مەزگىلى؟
جاڭا ساباق
- بالالار، كوكتەمدە كۇن شۋاعىن شاشىپ، قار ەرىپ، ساي - سالا سۋعا تولىپ، جىرالاردان سۋ اعادى. اعاشتار بۇرشىك جارادى، جاپىراقتار شىعىپ، اعاشتار جاسىل جەلەككە ورانادى. ەڭ العاشقى بايشەشەكتەر پايدا بولادى، قىزعالداقتار شىعا باستايدى. قۇستار جىلى جاقتان ۇشىپ كەلەدى. ەگىستىكتە جەر جىرتىلىپ ەگىن ەگىلەدى. ال جايلاۋدا قوي قوزداپ، سيىر بۇزاۋلايدى. كوكتەم – تاماشا جىل مەزگىلى! (بەينەلەر سلايدتا كورسەتىلەدى)

بۇگىن جۇمباق شەشۋ ارقىلى، سۋرەت قۇراستىرايىق.
- بالالار مىنا سۋرەت ادەمى مە؟
- ەندەشە، وسى سۋرەتتى ادەمىلەپ، تۇرلەندىرىپ جىبەرەيىك.
- مەن جۇمباق وقيىن سەندەر شەشىڭدەر.
جۇمباقتار: اق ساندىعىم اشىلدى،
ىشىنەن جىبەك شاشىلدى.
* * * * * *
اسپانداعى كولەڭكە،
جەرگە سۋسىن سەبەدى.
* * * * * * جازدا جاينايدى،
كۇزدە جايرايدى.
* * * * * *
ءوزى سونداي نازىك،
سۋ قۇيساڭ كەتەدى،
الاقانىڭ جازىپ.
* * * * * *
شارلاپ كەلىپ دالانى،
ۇيىمە - ءۇيىن سالادى.
* * * * * *
ايت دەسە جۇگىرمەس،
سۋ تيسە سىلكىنبەس.
- بالالار سۋرەت ادەمى بولدى ما؟
- بۇل سۋرەتتە قانداي جىل مەزگىلى بەينەلەنگەن؟
- كوكتەم مەزگىلىندە نەشە اي بار؟
- قانداي ايلارى بار؟
سوزدىك جۇمىس: كوكتەم، بۇرشىك، بايشەشەك. بيلينگۆالدى كومپونەنت: كوكتەم - ۆەسنا، بايشەشەك - پودسنەجنيك ءتىل ۇستارتۋ جاتتىعۋلارى:
1. تەم – تەم – تەم،
كەلدى كوكتەم.
2. شەك – شەك، — شەك
شىعادى بايشەشەك.
عاجايىپ ءسات.
قوناققا كوكتەم كەلەدى.
بالالاردان كوكتەم، قۇستار، تۋرالى تاقپاقتار سۇرالادى.

سەرگىتۋ ءساتى:
مىناۋ مەنىڭ جۇرەگىم،
ءبارى وسىدان باستالادى.
مىنا باسىم اقىلدى،
ءبارىن وسى باسقارادى.
مىناۋ مەنىڭ وڭ قولىم،
مىناۋ مەنىڭ سول قولىم،
ءبارىن وسى اتقارادى.
كوكتەم بالالارعا ويىن الا كەلەدى.
قيمىلدى ويىن: «كوكتەم الاڭى»
شارتى: سۋرەتتەردى قىستىرعىش جانە قاقپاقپەن ساندەپ ورنىنا ورنالاستىرۋ.
تاجىريبە جاساۋ.
بالالاردىڭ نازارىن ۇستەل ۇستىندەگى نان تاعامدارىنا اۋدارۋ.
- ۇستەل ۇستىندەگى قانداي تاعامدار؟
- دۇرىس، نان تاعامدارى.
- بالالار، نان تاعامدارى ۇننان جاسالادى. ۇن بيداي تۇقىمىنان پايدا بولادى. ال، بيداي كوكتەم مەزگىلىندە جەرگە ەگىلىپ، كوپتەگەن ەڭبەكتەن سوڭ ۇن پايدا بولادى. ۇننان ءار ءتۇرلى ءتاتتى نان تاعامدارى ءپىسىرىلىپ، ءبىزدىڭ داستارحانىمىزعا كەلەدى.
- بالالار، بىزدەر بيداي تۇقىمىن ەگىپ تاجىريبە جاساپ قارايمىز.
توپىراق سالىنعان ىدىستى الىپ، ورتاسىن تاياقشامەن شۇڭقىرلاپ، بيداي تۇقىمىن سالىپ، بەتىن تەگىستەيمىز. ۇستىنە سۋ قۇيامىز.
كوكتەم بالالارمەن قوش ايتىسادى.

اتىراۋ وبلىسى، جىلىوي اۋدانى، قۇلسارى قالاسى
“قۇلىنشاق” ياسلي بالاباقشاسى
تاربيەشى: كەۋەلوۆا باقتىگۇل سۇلتانبەك قىزى