InfoHub Logo

ساباقتىڭ ماقساتى: جەر، جەر استى، اۋە، سۋ كولىكتەرى تۋرالى تۇسىنىك بەرۋ.
جەر ءۇستى كولىكتەرىنىڭ تۇرلەرى: جولاۋشى، جۇك تاسىمال، ارناۋلى كولىكتەر بولىپ بولىنەتىنىن ءتۇسىندىرۋ.
دامىتۋ مىندەتى: وقۋ، بايلانىستىرىپ سويلەۋ داعدىلارىن جەتىلدىرۋ، كولىك تۇرلەرى تۋرالى تۇسىنىكتەرىن كەڭەيتۋ.
تاربيەلىك مىندەتى: وقۋشىلاردى كوشەدە ءجۇرۋ ەرەجەلەرىمەن، باعدارشام، ونىڭ اتقاراتىن قىزمەتىمەن تانىستىرۋ. كوشەدە ءجۇرۋ ەرەجەلەرىن ساقتاي بىلۋگە، باعدارشامدى پايدالانا بىلۋگە ۇيرەتۋ.
كورنەكىلىگى: جولدا ءجۇرۋ ەرەجەلەرىنە ارنالعان مازمۇندى سۋرەتتەر، باعدارشام ماكەتى، ءتۇرلى ويىنشىق ماشينالار، قازاقستاننىڭ فيزيكالىق كارتاسى.
ساباقتىڭ ءتۇرى: جاڭا ۇعىمدى مەڭگەرتۋ ساباعى.
ساباقتىڭ ءادىسى؛ سۇراق - جاۋاپ، ءوز بەتىمەن جۇمىس، ويىن، كورنەكىلىك.
ساباقتىڭ بارىسى: I. ۇيىمداستىرۋ ءبولىمى.

II. جاڭا ساباق.
1." وي شاقىرۋ". كوشەدە ءجۇرۋ ەرەجەلەرىنە ارنالعان مازمۇندى سۋرەتتەر بويىنشا اڭگىمە قۇراتۋ.
2. قازاقستاننىڭ فيزيكالىق كارتاسىمەن تانىستىرۋ "قازاقستان ەلىنە سيقىرلى ساياحات".
سۇراق - جاۋاپ ادىسىمەن وقۋشىلار ءبىلىمىن تولىقتىرۋ:
- ءبىزدىڭ ەلىمىز قالاي اتالادى؟
- قازاقستان قانداي مەملەكەت؟
- ق ر تۇڭعىش پرەزيدەنتى كىم؟
- قازاقستاننىڭ قانداي قالالارىن بىلەسىڭدەر؟
- سەندەر قاي قالادا تۇراسىڭدار؟

III. ولاي بولسا، ءقازىر "پويىز" ويىنىن ويناپ قازاقستان قالالارىنا ساياحات جاسايمىز.
كانە، كىمنىڭ بويى ۇزىن،
پاروۆوزى ول پويىزدىڭ.
قاتار - قاتار تۇرايىق،
پويىزدى ءبىز قۇرايىق.

ال، پاروۆوز، باستا العا،
ءبارىمىزدى باسقار دا.
پش - پش، پش - پش، ءبىز كەتتىك،
ءجۇرىستى تىم ۇدەتتىك.

گۋ - گۋ، گۋ - گۋ، گۋىلدە،
قالىپ قويما ءبارىڭ دە،
پش - پش، پش - پش، ءبىز كەتىك،
ءجۇرىستى تىم ۇدەتتىك.
ءا. اسىلبەكوۆ

1. بالالار بىرىنەن سوڭ ءبىرى قول ۇستاسىپ، پاروۆوز بولىپ اينالادى، قالالاردىڭ اتىن اتايدى.
- بالالار، ءبىر قالادان ەكىنشى قالاعا قانداي كولىكتەر ارقىلى بارامىز؟
- قالا، اۋىل ىشىندە قانداي كولىكتەر قاتىنايدى؟

IV. وقۋلىقپەن جۇمىس:
1. وقۋشىلارعا ءماتىندى تىزبەكتەي داۋىستاپ وقىتۋ، وندا نە تۋرالى ايتىلعانىن اڭگىمەلەتۋ.
كولىكتەر تۋرالى تۇسىنىك بەرۋ
1. جەر ءۇستى كولىگى: ماشينالار، اۆتوبۋستار، ت. ب.
2. سۋ كولىگى: قايىق، كەمە، كاتەر، تەپلوحود، ت. ب.
3. اۋە كولىگى: ۇشاق، تىك ۇشاق.
4. جەر استى كولىگى: مەترو.
جەر ءۇستى كولىگىنىڭ تۇرلەرى: 1. جولاۋشى
2. جۇك تاسىمال
3. ارناۋلى: جەدەل جاردەم، ءورت ءسوندىرۋ، ماي كولىگى، ت. ب.

V. داپتەرمەن جۇمىس:
1. سۋرەتتەگى باعدارشام كوزدەرىن سايكەس تۇسكە بوياۋ.
VI. جول ەرەجەسى تۋرالى تۇسىنىك بەرۋ. شاعىن كورىنىس.
1 - وقۋشى: جايراڭداعان جاراڭدار
جان - جاققا دا قاراڭدار
2 - وقۋشى: جولدان وتەر كولىك بار
جول بەرەتىن ادام بار
ادەپ، ءتارتىپ ساقتاڭدار.
3 - وقۋشى: (قولىنا قىزىل دوڭگەلەك ۇستاپ )
قىزىل كوزىن اشقاندا
سىنىق سۇيەم باسپا العا.
4 - وقۋشى: (قولىنا سارى دوڭگەلەك ۇستاپ)
سارى كوزىن اشقاندا
قاراپ قالما اسپانعا.
5 - وقۋشى: (قولىنا جاسىل دوڭگەلەك ۇستاپ)
جاسىل كوزىن اشقاندا
وتە بەرشى، جاسقانبا!

VII. ساباقتى قورىتىندىلاۋ، جۇيەلەۋ. كولىك سۋرەتتەرىن ءتيىستى جازباعا سايكەس ءىلۋ.
1. جەر ءۇستى كولىگى
2. سۋ كولىگى
3. اۋە كولىگى
4. جەر استى كولىگى

جەر ءۇستى كولىگىنىڭ تۇرلەرى:
1. جولاۋشى
2. جۇك تاسىمال
3. ارناۋلى

VIII. كولىكتەردە ءجۇرىپ، ءتۇسۋ، ادەپتىلىك ەرەجەلەرى، قوعامدىق كولىكتەگى ءتارتىپ تۋرالى تۇسىنىك بەرۋ.

IX. جۇمباقتار شەشۋ:
1. قازشا قاناتىن جايادى
ۇيرەكشە موينىن سوزادى.
قۇسشا قونادى. (ۇشاق)
2. كۇندىز - ءتۇنى كۇرسىنەدى،
جۇرگەن جەرى سىلكىنەدى. (پويىز)
3. ارقاسىندا اۋىل ءجۇر،
الا تايىم شاۋىپ ءجۇر. (اۆتوبۋس)

X. وقۋشىلار بىلىمدەرىن سالىستىرا باعالاۋ، ماداقتاۋ.
XI. ءبىز بۇگىن نە ۇيرەندىك، نە بىلدىك؟
XII. ۇيگە تاپسىرما: ءتۇسىنىپ وقۋ، جۇمباقتار جاتتاۋ، كولىك سۋرەتتەرىن جيناقتاۋ.