«كولساي كولدەرى» ۇلتتىق ساياباعى
«كولساي كولدەرى» ۇلتتىق ساياباعى الماتى وبلىسىنىڭ رايىمبەك جانە تالعار اۋداندارىندا ورنالاسقان. ساياباق 2007 جىلى ۇيىمداستىرىلعان. اۋماعى — 161،04 مىڭ گەكتار، شىعىستان باتىسقا قاراي 98 شاقىرىمعا، سولتۇستىكتەن وڭتۇستىككە قاراي 23 شاقىرىمعا سوزىلعان اۋماعىنىڭ 22%-ىن ورمان القاپتارى قۇرايدى. ساياباقتى ۇيىمداستىرۋدىڭ نەگىزگى ماقساتى — الماتى وبلىسىنىڭ بيىك تاۋلى القابى مەن كولساي كولىنىڭ تابيعي بايلىقتارىن ساقتاپ قالۋ جانە قورعاۋ.
ساياباقتىڭ قۇرامىنا جالاڭاش، كوكباستاۋ اۋىلىنىڭ وڭتۇستىگىندەگى تاۋلى القاپتار، كوكجازىق، سارناۋا، اقبۇلاق، ۇشكۇل، قىرقوبى، جامانبۇلاق، كولساي ءوڭىرى، تالدى جايلاۋى جانە شەلەك وزەنىنىڭ باستاۋى كىرەدى. ساياباق اۋماعىنداعى قايىڭدى كولى كورىكتى تابيعاتىمەن كوز تارتادى جانە ونىڭ سۋىنىڭ شيپالىق قاسيەتى بار ەكەندىگى ەلگە ءمالىم.
ساياباق اۋماعىندا جوعارى ساتىداعى وسىمدىكتەردىڭ 710-عا جۋىك ءتۇرى وسەدى. ونىڭ 12 ءتۇرى قازاقستاننىڭ «قىزىل كىتابىنا» كىرەدى. ولار كۇنگەي قاۋى، جىلتىر جانارگۇل، تيان-شان جانارگ ۇلى، سەمەنوۆ كورتۋزاسى، ت.ب. نەگىزگى قورعالاتىن نىسان — شرەنك شىرشاسى. بۇل اعاشتى سىمباتتىلىعىنا قاراپ «قىزقاراعاي» دەپ اتايدى.
ساياباق جانۋارلار دۇنيەسىنە دە باي. 1968 جىلى باحتاح بالىعى جەرسىندىرىلگەن. باۋىرىمەن جورعالاۋشىلاردان: التاي جالاڭاش كوزى، ءار ءتۇستى جىلان، قالقانتۇمسىق جىلان، ت.ب. كەزدەسەدى. قۇستاردىڭ 200-گە جۋىق ءتۇرى ساياباق اۋماعىندا ۇيا سالىپ، بالاپان ورگىزەدى. ولاردىڭ ىشىندە سيرەك كەزدەسەتىن تۇرلەرى — كوك كۇس، قۇماي، وراقتۇمسىق، ۇلار، ت.ب. سۇتقورەكتىلەردىڭ 30-عا جۋىق ءتۇرى مەكەندەيدى. سيرەك كەزدەسەتىن تۇرلەرى — بارىس، تيان-شان قوڭىر ايۋى، اركار، سىلەۋسىن، سابانشى، ت.ب. ساياباقتىڭ ءتۋريزمدى دامىتۋداعى ماڭىزى زور.
وقۋعا كەڭەس بەرەمىز:
قازاقستاننىڭ توعايلى ورماندارى
قازاقستاننىڭ تاڭعاجايىپ جەرلەرى
قازاقستاننىڭ كوز تويماس كورىكتى جەرلەرى
You Might Also Like
-
س. امانجولوۆ اتىنداعى شىعىس قازاقستان ۋنيۆەرسيتەتىنىڭ عالىمدارى جاتىر موينى وبىرىن كەشەندى دياگنوستيكالاۋعا ارنالعان ەرىتىندى جاساپ شىعاردى.
-
جەر بەتىندەگى ءار حالىقتىڭ ءوز باسپاناسى بولعان. مىسالى، ورىس حالقىنىڭ اعاش شەبەرلەرى شىرشانىڭ نەمەسە قاراعايدىڭ بورەنەلەرىنەن قيىپ ءۇي سالعان. توبەسىن تەپ-تەگىس تاقتايمەن شاتىرلاپ، وعان اعاش اتتىڭ بە...
