كوڭىلدەن شىققان كورىكتى ءسوز
1. اناڭنان ايرىلعاندا — جىلا،
انا الدىندا الىپ ازامات تا — بالا.
2. اقشا — ارسىز، ار — اسقاق.
3. ءوز باعاڭنىڭ شاماسىن سالماقتاي ءبىل.
4. سەنىسكەن دوس سەرىگىن ساتپاس.
5. انادان اسقان اسىل جوق،
جاردان اسقان جاقىن جوق،
بالادان اسقان باقىت جوق.
6. ءومىر — كۇرەس، جەڭىلمەي تىرەس.
7. بوركەمىك بولساڭ، بورداي توزاسىڭ،
ەر كوڭىل بولساڭ، سوندا وزاسىڭ.
8. باۋىرعا وكپە جۇرمەيدى.
9. ارامنان ىشكەن اس —
اعىزار كوزدەن جاس.
ادالدان ىشكەن اس —
ومىرگە قىلار ماس...
10. اباي ايتقان: «جينالىپ وڭشەڭ قيقىم»،
«قالاۋلى» بولامىن دەپ سىقتى-اۋ ءبيتىن...
11. جەمقور — جەمتىك (اقشا-قۇلقىن) ىزدەگەن قورقاۋ قاسقىر.
12. دوس! —
دوسقا قولىڭدى سوز!
ءسوز! —
اقيقات بولسا ءتوز!
13. ومىردەن-وي، تىرلىكتەن-تۇيىن.
14. ادىلدىك — ارىڭ، نامىسىڭ — قانىڭ.
15. جىلى ءسوز — جۇرەككە ەمشى.
16. جاناردىڭ جىلتى — جۇرەكتىڭ كىلتى.
17. جاقسىعا جالا جۇقپايدى،
جاماندار ونى ۇقپايدى.
18. اقىماققا — ءسوز شىعىن.
19. جەتەككە ەرمەگەن — جەتەسىز.
20. ءىشتار ءىشقۇسالىقتان ولەدى.
21. الاياقتىڭ ارمانى — الداپ-ارباۋ.
22. ءبارى جاقسى بولادى، ەگەر دەنساۋلىق بولسا، ءبارى جاقسى بولسا ەگەر، دەنساۋلىق تا جاقسى بولادى.
23. قىزىڭ — قاناتىڭ ءارى ءجانناتىڭ.
24. دۇنيەدەگى ەڭ ءتاتتىسى — جان مەن نان.
25. قالتا قامىن عانا ويلاپ، قازىنا قامىن قاپەردەن شىعارگان — قوعامعا ءقاۋىپتى سىلىمتىكتەر.
26. ءومىر — ىرعالىپ ءجۇرۋ ەمەس،
ىرقىلداپ كۇلۋ ەمەس،
وزەگىڭ ەل دەپ تالماسا،
بۇل — ءومىر ءسۇرۋ ەمەس!
27. باستىق بولماساڭ دا، جاستىق بولما.
You Might Also Like
-
دۇنيەگە جاڭادان كەلگەن ءاربىر كىتاپ - اۆتوردىڭ ءتول پەرزەنتى. ال ول كوركەم شىعارما بولسا، ونىڭ ۇستىنە پوەزيالىق تۋىندى بولسا، بۇل جيناقتى پەرىشتە-سابيدى قولعا العانداي ىڭكار كوڭىلمەن، شىنايى تازا كىر...
