كورۇعلى (II نۇسقا)
قازاقتا «اقىل-اۋىس، ىرىس-جۇعىس» دەگەن ادەمى ءسوز بار. بۇل كورشى جاتقان ەلدەردىڭ بىر-بىرىنە رۋحاني ىقپالىنىڭ بولىپ وتىراتىنىن، قوڭسىلىق قايىرىمدى مەڭزەگەن ءسوز.
قازاق پەن تۇركىمەن جاپسار جاتقان ەلدەر. سوندىقتان دا، رۋحاني ورتالىق، ونەر جولىنداعى ءوزارا ىقپال ەتۋشىلىك قاشاننان ورنىققان ءداستۇر. بۇل داستۇردەن داۋلەتكەرەي دە شەت قالماعان. ول تۇركىمەن تاقىرىبىنا ارناپ «نار يگەن»، «ءتاشتيت»، «كورۇعلى» سياقتى كۇيلەر شىعارعان.
داۋلەتكەرەيدىڭ «كورۇعلى» كۇيىنىڭ اڭىز اڭگىمەسى ورتا ازيا حالىقتارىنىڭ اراسىندا كەڭىنەن تاراعان ايگىلى «كورۇعلى» داستانىنىڭ وقيعاسىمەن تامىرلاس بولعانىمەن، كۇيدىڭ شىعۋ سەبەبى كۇيشى ءومىرىنىڭ ءبىر ساتىمەن بايلانىستىرلا ايتىلادى.
...بىردە، اۋىلى ارالاس، قويى قورالاس جاتقان، توسەكتە باسى، توسكەيدە مالى قوسىلعان تۇرىكمەن اعايىنعا داۋلەتكەرەي قوناقتاپ بارىپ قايتىپتى دەيدى. سوندا اۋىلداستارى الدىنان شىعىپ، ابىرويلى ەل اعاسىنىڭ ولجاسىن قىزىقتاماق نيەت بىلدىرسە كەرەك. بۇعان وڭ شىراي تانىتقان داۋلەتكەرەي: «ۋا، اعايىن، سوزىمە قۇلاق سال! — دەپتى. — تۇركىمەن اعايىننىڭ كوڭىلىندە كولەڭكە جوق ەكەن. مال بەرىپ ەدى، «ولەدى» دەپ المادىم، دۇنيە بەرىپ ەدى، «توزادى» دەپ المادىم. ءبىراق قۇر قول قايتقانىم جوق. وسى ساپاردىڭ ءبىر بەلگىسى بولسىن دەپ، ولمەيتىن، توزبايتىن كۇي شىعارىپ قايتتىم!» — دەگەن ەكەن.
سونداعىسى، وسى «كورۇعلى» كۇيى ەدى دەيدى.
You Might Also Like
-
ماسقار رۋىنان شىققان جۇمابيكە دەگەن قىز اسەم داۋىسى سول اتىراپقا ايگىلى، اسقان ءانشى، اقىندىق ونەرى دە بار ادام ەكەن. مالعا ساتىلىپ، سۇيمەگەن ادامىنا كەتىپ بارا جاتقانىن ۋاقىتشا سوۆەت پرەدسەداتەلىنى...
