تۋعان جەر
بار قازاقتىڭ قان تامىرى اۋىلدا،
سول اۋىلدان شىقتى اقىن، عالىم دا.
سول اۋىلدى كوركەيتۋدى ماقسات قىپ،
ەلباسى دا جارلىق ەتتى قاۋىمعا.
تۋعان جەر - ادام ومىرىندە كيەلى ورىن الادى. ناقتى وسى جەر ونى ەلىمەن، وتكەنىمەن، بولاشاعىمەن بايلانىستىرادى. مىنە، سوندىقتان دا ءتىپتى بالالىق شاقتان باستاپ - اق ءاربىر جەكە تۇلعا ادامدا وتانعا دەگەن ماحاببات سەزىمى ويانادى. مەنىڭ وتانىم كىشكەنە بولسا دا، مەن ءۇشىن اسا قىمبات جەر حرومتاۋ اۋدانى، بوگەتساي اۋىلىنان باستاۋ الادى. ءدال وسى جەردە مەنىڭ كوڭىلدى دە، شاتتىقتى، ۋايىمسىز بالالىق شاعىم ءوتتى. تۋعان جەردىڭ ءقادىرىن ۇياسىنان ۇزاققا كەتكەن ادام عانا تۇسىنەدى. تۋعان جەردىڭ توپىراعى، سۋى مەن اۋاسى، ءتۇتىنى دە قىمبات. ونىڭ تاۋى مەن تاسىنان دا، وزەن كولىنەن دە، ءتىپتى قۇمى مەن شولىنەن دە اسەم اۋەن ەستۋگە بولادى.
التىن بەسىك - اۋىلىم! ونىڭ بويىندا كۇرەتامىر بولعان ور وزەنى. ور - ءبىر عانا سۇلۋلىق كورىنىسى عانا ەمەس، ور - الىستان وي ارعىتقان جولاۋشىنىڭ ايالدار، قوناقتار مەكەنى. باسىن مۇعالجار تاۋىنان الىپ، اياعىن اقجايىققا تىرەيتىن ەركەلەي اققان ور وزەنىنىڭ بويىندا الىستان مەن مۇڭدالاپ تۇرعان بوگەتساي اۋىلى ورنالاسقان. بوگەتساي - سەلولىق وكرۋگ ورتالىعى، ەلدى مەكەن. اۋىل تۇسىنداعى اعىپ جاتقان ور وزەنىنىڭ ۇستىنەن ۇلكەن بوگەت سالىنعان. سوعان بايلانىستى وسىلاي اتالعان. اۋىلىمىزعا جاقىن جەردە تالدىبۇلاق دەپ اتالاتىن تابيعي اسەم جەر بار. ول جەرگە جازدى كۇندەرى دەمالۋشىلار جان – جاقتان كوپتەپ كەلىپ دەمالادى. سۋعا شومىلىپ، بالىق اۋلايدى.
اۋىلدا ءۇش قاباتتى مەكتەپ، ەكى قاباتتى مادەنيەت ءۇيى، ەمحانا، اكىمشىلىك، «اقنۇر» مەشىتى، شاعىن ماركەت، تويحانا سياقتى اسەم عيماراتتار بار. مەكتەبىمىزدىڭ 80 جىلدىق تاريحى بار. وسى ۋاقىتتار ارالىعىندا كوپتەگەن شاكىرتتەر ءبىلىم الىپ، ەلىمىزدىڭ تۇكپىر – تۇكپىرىندە قىزمەت ەتۋدە. مەكتەپتىڭ ابىرويى اسقاق، دارەجەسى جوعارى. وعان دالەل قازاقستان جازۋشىلار وداعىنىڭ مۇشەسى بولعان اقىن قىزمەت نۇرالين، جۇمابايەۆا مىرزابيكە الماتى قالاسىنداعى حالىقارالىق بيزنەس اكادەمياسىنىڭ پروفەسسورى، ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى. ەلۋبايەۆا ۆەنەرا مەديسينا عىلىمدارىنىڭ دوسەنتى، دەربىسالين امانقوس اۋىل شارۋاشىلىعى سالاسىنداعى عالىم جانە تاعى باسقالارى.
ءيا... تۋعان جەر ۇزاققا قيىپ جىبەرمەيتىن، سەن ءارقاشان ءوزىڭ بارماساڭ دا، ويمەن قيالداپ تۋعان كوشەنى، ەسىكتىڭ الدىن، «قىزىم، ۇيگە كىر...» دەگەن انانىڭ سوزدەرىن ەسكە تۇسىرەسىڭ. جۇرەكتىڭ ءالسىز ءدۇرسىلى ەستىلەدى. مەن ءوز اۋىلىمدى، ءبىلىم العان التىن ۇيا مەكتەبىمدى جانىمداي جاقسى كورەمىن.
ءقازىر بويجەتتىپ،ءوز ۇيامنان، تۋعان جەرىمنەن جىراق كەتسەمدە، تۋعان جەر ءومىر بويى مەن ءۇشىن بالالىق شاقتاعى تۋعان اۋلا مەن كوشە – مەنىڭ كىشكەنتاي وتانىم. سونىمەن بىرگە مەن ەلىمنىڭ ءبىر بولشەگىمىن، ونىڭ بۇگىنى مەن بولاشاعىمىن.
You Might Also Like
-
قازاقتا «اقىل-اۋىس، ىرىس-جۇعىس» دەگەن ادەمى ءسوز بار. بۇل كورشى جاتقان ەلدەردىڭ بىر-بىرىنە رۋحاني ىقپالىنىڭ بولىپ وتىراتىنىن، قوڭسىلىق قايىرىمدى مەڭزەگەن ءسوز.
