كوشكەن جۇلدىز
جاز كۇنىندە تۇندە دالادا وتىرعان ادامنىڭ اسپانعا قاراي بەرەتىن ادەتى. جازىق دالاداعى قىرمان باسىنداعى قاراۋىل بەكباي قارت تاڭدى بولجاپ، ۇركەر قاراپ، ودان جەتى قاراقشىنى تۇگەندەيدى. ءسويتىپ دالادا وسكەن قازاقتىڭ الىستى بولجايتىن ءجىتى كوزى اسپان الەمىن تەگىس شولىپ وتىرىپ، تۇستىكتەن تۋىپ كەلە جاتقان ءبىر جارىق جۇلدىزدى بايقايدى.
— ياپىرماۋ، بۇرىن جۇلدىزدار دا. شىعىستان تۋۋشى ەدى، ەندى تۇستىكتەن تۋاتىن بولعان با،— دەي بەرىپ—«ءوزىم شاتاسىپ وتىرمايىن» دەپ ۇركەرگە قارايدى. ۇركەر شىعىس جاقتا، تەمىرقازىق توبەدە، ءبارى ورنىندا. سويتكەنشە بولماي اپساتتە الگى جۇلدىز ارقان بويى كوتەرىلىپ، ودان زاۋلاپ تۇستىكتەن شىعىسقا قاراي توبەگە كەلىپ قالادى. الگى جۇلدىزدىڭ زىمىراپ بارا جاتقانى كورىنە كوزگە بايقالىپ تۇر. سوندا الگى بەكباي قارت وتىرىپ:
— وي، سۇمدىق-اي، زامان وزگەرگەندە اسپان دا وزگەرەدى ەكەن عوي، بۇرىنعى جۇلدىزدار جىمىڭ-جىمىڭ ەتىپ، ءبىر جەردە تۇرىپ الۋشى ەدى، ەندىگى جۇلدىزدار قاس قاققانشا اسپاندى كەزىپ شىعاتىن بولىپتى-اۋ دەپ ويلايدى.
You Might Also Like
-
شاعان بويىنىڭ ءبىر قازاعى ومبى اينالىپ، كوكشەتاۋعا كەلەدى. كوكشەتاۋدا ءبىر ۇيگە ءتۇسىپ قونادى. ءبىر كەزدە قاراس كەرەگەدە قولدان شاپقان قاز مويىن قوڭىر دومبىرا ءىلۋلى تۇر ەكەن.
-
جۋرناليست جاۋاپتى سەكرەتارعا كەش الدىندا شاعىن عانا ماقالا ۇسىندى.
