بولدى، شىراعىم، بولدى
شاعان بويىنىڭ ءبىر قازاعى ومبى اينالىپ، كوكشەتاۋعا كەلەدى. كوكشەتاۋدا ءبىر ۇيگە ءتۇسىپ قونادى. ءبىر كەزدە قاراس كەرەگەدە قولدان شاپقان قاز مويىن قوڭىر دومبىرا ءىلۋلى تۇر ەكەن.
— مىنا دومبىرانى تارتىپ كورۋگە بولا ما؟—دەپ سۇرايدى الگى كىسى ءۇي يەسىنەن.
— ە، نەگە بولماسىن، يەسىندەي تارتساڭ بەرىپ تە جىبەرەر ەدىم،— دەپتى.
الگى جىگىت دومبىرانى شالقىتىپ تارتىپ وتىرىپ، ءبىر كەزدە ءبىرجاننىڭ «ايتبايىنا» باسىپ كەتەدى. ونى بولا بەرىپ «جامباس سيپاردى» ۇزىلتەدى. ءۇي يەسى قارت ۇيىپ تىڭداپ قالىپتى. مۇنى بايقاعان الگى جىگىت:
— ءبىزدىڭ اۋىلدىڭ ءبىرجان دەگەن قازاعى وسىلاي شىرقاعان ەكەن،— دەيدى.
— سەنىڭ اسىلىن قاي اۋىل، قاراعىم؟— دەپ سۇرايدى قارت.
— ءبىز شاعان بويىنىكىمىز.
باعانادان بەرى ۇيىپ وتىرعان قارت، بالقىپ وتىرعان بويىن جيناپ:
— بولدى شىراعىم، بولدى، ەندى ايتپاي-اق قوي،— دەپ ورنىنان تۇرىپ كەتىپتى. سويتسە ءتۇپسىز ماقتانشاق ءبوسىپ وتىرىپ، ءوزىنىڭ ءبىرجاننىڭ اعايىندارىنىڭ اۋىلىندا وتىرعانىن، قولىنداعى قوڭىر دومبىرا ءبىرجان بالاسى اسىلدان قالعانىن سەزبەگەن ەكەن...
You Might Also Like
-
ساۋلەت ونەرىنىڭ ءبىر مامانى ساپاق ايىپكەر ورىندىعىندا وسىمەن توعىزىنشى رەت وتىر. ول بىرەۋدىڭ باسىن جارىپ، كوزىن شىعارىپ شەكتەن شىققان قىلمىسپەن نەمەسە مەملەكەتكە قانداي بولسىن ءبىر زيان كەلتىرگەندىكت...
-
جاز كۇنىندە تۇندە دالادا وتىرعان ادامنىڭ اسپانعا قاراي بەرەتىن ادەتى. جازىق دالاداعى قىرمان باسىنداعى قاراۋىل بەكباي قارت تاڭدى بولجاپ، ۇركەر قاراپ، ودان جەتى قاراقشىنى تۇگەندەيدى. ءسويتىپ دالادا ءوس...
