InfoHub Logo

تاقىرىبى: «كويلەكتى اشەكەيلەۋ»
ماقساتى: سۋرەت سالۋدا، بايلانىستىرىپ سويلەۋدە، بىلىمدىلىگىن ارتتىرۋ. تەلەارنادا كورسەتىلگەن باعدارلاما ارقىلى بالالاردىڭ ەستەتيكالىق، ادامگەرشىلىك سەزىمدەرىنە سىن كوزبەن قاراۋعا تاربيەلەۋ. ۇقىپتىلىققا، ادەمىلىككە تاربيەلەۋ. بالالاردىڭ جەكە قابىلەتىن، شىعارماشىلىق قابىلەتىن، وي-ورىستەرىن، ەستە ساقتاۋ، سەزىم، تانىمدىق قابىلەتتەرىن ارتتىرۋ.
ادىس-تاسىلدەرى: ءتۇسىندىرۋ، كورسەتۋ، سۇراق-جاۋاپ، تەلەباعدارلاما كورسەتۋ.
كورنەكىلىگى: «ەركەتاي» باعدارلاماسىنا ساي بولمە بەزەندىرىلگەن، دايىن كويلەكتىڭ جوباسى، گۋاش، ءسان ۇلگىلەرى، بالالاردىڭ قىزىقتى ساتتەگى سۋرەتتەرى.
تەلەديداردان «ەركەتاي» تەلەباعدارلاماسى كورسەتىلەدى.

سالەم دوستار! بۇگىنگى «ەركەتاي» تەلەباعدارلاماسىندا ءار ەلدى مەكەننەن كوپتەگەن حاتتار كەلۋدە. وندا ءار بالانىڭ وزدەرى سالعان سۋرەتتەرى جىبەرىلگەن. مىنا ءبىر حاتتى وقىپ جىبەرەيىن. قىزىلوردا وبلىسى، ايتەكە بي كەنتى №7 «بالدىرعان» بالاباقشاسىنىڭ ەرەسەك توبىندا پەريزات، ازامات، جۇلدىزحانىم اتتى بۇلدىرشىندەردىڭ سۋرەتتەرى جىبەرىلگەن.
مىنا سۋرەتتى ازامات دەگەن ءبۇلدىرشىن جىبەرگەن. جۇلدىزحانىم شىرشانىڭ سۋرەتىن سالىپ جىبەرگەن ەكەن. ال مىنا كويلەكتىڭ سۋرەتىن پەريزات ەسىمدى قىز جىبەرىپتى. مەن بۇل بالالاردىڭ سۋرەتتەرىن «ەركەتاي» باعدارلاماسىنىڭ جەڭىمپازى بولعانىن ايتقىم كەلەدى، سىزدەردىڭ سۋرەتتەرىڭىزدى اسىعا كۇتەمىز.

تاربيەشى: مىنە، تاماشا! جارايسىڭدار، بالالار! سەندەردىڭ سالعان سۋرەتتەرىڭ «ەركەتاي» باعدارلاماسىنىڭ جەڭىمپازى بولىپ جاتىر.
بالالار: الاقاي، الاقاي! ءبىز جەڭىمپاز اتاندىق!
(وسى كەزدە ەسىك قاعىلادى. )
سالاماتسىزدار ما، بالالار! مەن «ەركەتاي» باعدارلاماسىنان كەلىپ وتىرمىن. وتكەن اپتانىڭ قورىتىندىسى بويىنشا وسى بالاباقشانىڭ بۇلدىرشىندەرى جەڭىمپاز اتانعان ەدى. وسى بۇلدىرشىندەردى «ەركەتاي» باعدارلاماسىنىڭ دايىنداعان العىس حاتىن ءوز قولىممەن تاپسىرۋعا كەلدىم. تاعى دا ادەمى سالىنعان سۋرەتتەرىڭىزدى اسىعا كۇتەمىز. ءاردايىم بيىكتەردەن كورىنە بەرۋلەرىڭىزگە تىلەكتەسپىن!
تاربيەشى: راحمەت، سىزگە ميرا الدامجار قىزى، ءبىزدىڭ قۇرمەتتى قوناعىمىز بولىڭىز!
ال ەندى، جەڭىمپازدارىمىزعا ءسوز بەرەيىك. ال، ازامات سەن سالىپ جىبەرگەن سۋرەتىڭ تۋرالى نە ايتاسىڭ؟
ازامات: مەن زىمىراننىڭ سۋرەتىن سالىپ جىبەردىم. ويتكەنى مەن وسكەندە ۇشقىش، عارىشكەر بولعىم كەلەدى. زىمىرانمەن ايعا بارعىم كەلەدى. مەن عارىشكەر تۋرالى تاقپاق تا بىلەمىن.

اسپان، اسپان، ارايلىم
ساعان ءجيى قارايمىن.
سەنى كوزبەن شولامىن،
مەن عارىشكەر بولامىن!
سوندىقتان زىمىراننىڭ سۋرەتىن سالىپ ەركەتايعا جىبەردىم.

تاربيەشى: جارايسىڭ، ازامات! ەندى جۇلدىزحانىمعا ءسوز بەرەيىك.
جۇلدىزحانىم: ماعان جاڭا جىل مەرەكەسى وتە قاتتى ۇنايدى. شىرشانىڭ ءارتۇرلى شامدارى، ادەمى كيىنگەن بالالار، اياز اتا، اقشاقاردى ۇناتامىن. مەن جاڭا جىلدى جىل سايىن اسىعا كۇتەمىن. سول ءۇشىن دە، جاڭا جىلدىڭ سۋرەتىن سالىپ ەركەتايعا جىبەردىم.
تاربيەشى: جارايسىڭ، جۇلدىزحانىم! ەندى پەريزات نە دەيدى ەكەن؟
پەريزات: مەن انامدى وتە قاتتى جاقسى كورەمىن. انام ماعان ادەمى كويلەك، ۇلكەن قۋىرشاق الىپ بەردى. جاقىندا انامنىڭ تۋعان كۇنى بولدى. وسى سۋرەتتى سالىپ تۋعان كۇنىنە سىيلادىم. انام قاتتى قۋاندى. وسى سۋرەتتى ەركەتايعا جىبەردىم. مەن ءوزىم كويلەكتى ادەمىلەگەندى جاقسى كورەمىن. وسكەندە ديزاينەر بولعىم كەلەدى.
تاربيەشى: راحمەت، پەريزات! سەن ديزاينەر دەگەندى قالاي تۇسىنەسىڭ؟
پەريزات: ديزاينەر دەگەن كويلەكتى ادەمىلەۋ.
تاربيەشى: جارايسىڭ، پەريزات! تالابىڭ ورلەي بەرسىن!
- بالالار، ديزاينەر دەگەن كويلەك تىگۋ ءۇشىن جوبا جاسايتىن ادام. ديزاينەر كويلەكتى تىكپەس بۇرىن، كويلەكتىڭ جوباسىن قاعاز بەتىنە تۇسىرەدى. سول جوبا بويىنشا تىگىنشىلەر كويلەكتى تىگەدى. بالالار سەندەر تىگىنشى تۋرالى نە بىلەسىڭدەر؟
جانسايا: ءاليا كينوسىنداعى ءاليا كويلەكتى ادەمى تىگەدى.
تاربيەشى: ءاليا قايدا جۇمىس ىستەيدى؟
جانسايا: ءاليا تىگىن شەبەرحاناسىندا جۇمىس ىستەيدى.
تاربيەشى: ەندەشە، بالالار، ءبىزدىڭ قالامىزدا دا تىگىن شەبەرحانالارى بار. «اياجان»، «اسەم-اي» «ادەمى» سالوندارى جۇمىس جاسايدى. بالالار ءبىزدىڭ بۇگىن بىزگە «اسەم-اي» تىگىن سالونىنان تاپسىرىس كەلىپتى. بىزگە كويلەكتىڭ جوباسىن بەرىپ جىبەرىپتى. بالالار كويلەكتىڭ جوباسىن قالاي اسەمدەۋگە بولادى؟
ۋاليحان: اكۆارەل بوياۋمەن ادەمى گۇل، پىشىندەرمەن ادەمىلەۋگە بولادى
تاربيەشى: ۋاليحان سەن وتە دۇرىس ايتتىڭ. ال، بالالار، بۇگىنگى سۋرەت وقۋ ىس-ارەكەتىمىزدە سۋرەت سالۋدىڭ جاڭا جولىمەن تانىسامىز. ءبىز بۇگىن گۋاشپەن، كارتوپپەن جۇمىس جاسايمىز. ءبىزدىڭ الدىمىزدا ءارتۇرلى پىشىندەگى كارتوپ پەن گۋاش بار. وسى دايىن كارتوپتى گۋاشقا باتىرىپ، مىنا كويلەكتىڭ جوباسىنا باسىپ ادەمىلەيمىز. (سالۋ جولدارىن ءتۇسىندىرۋ)
ەندى ءبارىمىز كويلەكتى اسەمدەيىك. ( بالالاردىڭ جۇمىسى)

بوي سەرگىتۋ جاتتىعۋى:
بويدى بۇكپەي تىك ۇستا،
ەركىن تۇرىپ تىنىستا،
جاي وڭ قولدى وڭ جاققا
جاي سول قولدى سول جاققا
قولدى اينالدىر بۇلدانباي
ەكى شەڭبەر سىزعانداي
ءسال تىنىعىپ بايقا دا،
ون شاقتى رەت قايتالا
بالالاردىڭ جۇمىسىن تالداۋ:

تاربيەشى: ميرا الدامجار قىزى، بالالاردىڭ جۇمىسىنان وزىڭىزگە ۇناعان كويلەكتى تاڭداپ الىڭىز.
- بالالار، بارىڭدە كويلەكتى اسەمدەدىڭدەر، وتە قىزىقتى بولدى. ەندى، ميرا اپايلارىڭ سەندەرگە مۋلتفيلم الىپ كەلگەن ەكەن، سونى تاماشالايىق.
(بالالار مۋلتيك تاماشالايدى)
ميرا: بالالار، سەندەرگە مۋلتيك ۇنادى ما؟
بالالار: ۇنادى.
ميرا: ەندەشە، كەلەسى كەزدەسكەنشە ساۋ بولىڭدار! سۋرەتتەرىڭدى اسىعا كۇتەمىز.