InfoHub Logo

قارالى قاڭتار وقيعاسى بارلىعىمىزدى سەلت ەتكەنى راس. «كۇشىمىز بىرلىكتە» ۇرانىن ۇستانىپ، بۇل كۇندەردى دە ارتتا قالدىردىق. وسى جاعدايدان كەيىن اتا-بابالارىمىزدىڭ «بىرلىك بار جەردە-تىرلىك بار» دەگەن ءسوزىنىڭ ءمانىن تەرەڭىرەك ۇعىنعان سياقتىمىز.

تاريحتىڭ قاي كەزەڭىندە بولماسىن بىرلىك دەگەن ۇعىم ءاردايىم ماڭىزدى بولعانىن كورەمىز. بىرلىكسىز ەشكىمنىڭ دە، ەشبىر ەلدىڭ دە ەشقاشان اسىعى الشاسىنان تۇسپەگەن. ادامزات ءومىرى تۋعاننان باستاپ كۇرەس، ءبىراق بىرلەسكەن كۇش-جىگەر، ءوزارا ءىلتيپات، باۋىرمالدىق پەن دوستىق دەگەن كيەلى تۇسىنىكتەر ەرلىككە دە، جەڭىسكە دە، ءسان-سالتاناتقا دا، ماڭگىلىككە دە باستايدى.

«بىرلەسكەن بىتىرەدى، ۇيىمداسقان ۇتادى» دەسەك، تاۋەلسىز قازاق ەلىنىڭ كوك بايراعى جەلبىرەپ، الەمدىك ساحنادا ازيانىڭ بارىسى ىسپەتتى نىق قادام باسىپ كەلۋى-بىرلىك ءمانىن تەرەڭ ۇعىنۋىنان.

ەل بىرلىگى دەگەندە ەل قامىن جەپ، كۇڭىرەنە وي تولعاعان اسان قايعى، جيەمبەت، قازتۋعان، بۇقارلار باستاعان تەرەڭنەن تولعاعان جىراۋلار ەسكە تۇسەدى. «بىرلىگىڭنەن ايرىلما، بىرلىكتە بار قاسيەت»-دەگەن اقتامبەردى سوزىندە ۇلكەن ءمان جاتىر.

«بولىنگەندى ءبورى الار» دەگەن ماقال بار.  ءبىر كەزدەرى اتى شۋلى، داڭقى اسقان مەملەكەتتەر نەلىكتەن تاريح ساحناسىنان جوعالدى دەسەك، جاۋابىن ارازدىق، كۇنشىلدىك، بيلىككە تالاس دەگەن سوزدەردەن تابامىز. ەندەشە، بەيبىت كۇن استىندا ءبىر انانىڭ بالاسىنداي وتانى، جۇرەگى، تىلەگى ءبىر بارلىق قازاقستاندىقتاردىڭ تۇرىنە، تۇسىنە، ۇلتىنا قاراماي ءتاتۋ-تاتتى ءومىر ءسۇرۋى ءۇشىن بىزگە بىرلىك اۋاداي قاجەت. كۇشىمىز بىرلىكتە ەكەنىن ۇمىتپايىق!

ايىم تلەكتەس

---