ونلاين جانە وففلاين فورماتتاعى وقۋدىڭ وڭ جانە تەرىس جاقتارى
2019 جىلدىڭ اياعى 2020 جىلدىڭ باسى، ادامزات جاڭا ونجىلدىق قۇتتى بولسىن دەپ ءبىر-بىرىن قۇتتىقتاپ جاتقاندا، قىتايدا جاڭا ۆيرۋس تاراپ كەتكەنى ءسوز ەتىلىپ جۇرگەن بولاتىن. سول كەزدە، نە ءبارى 2-3 ايدىڭ ىشىندە ءومىرىمىز كۇرت وزگەرەرىن كىم بىلگەن؟ بۇل ۆيرۋستىڭ سوڭى پاندەمياعا ۇلاسىپ، «ۇيدە قالىڭىزدار!»دەگەن حەشتەگتىڭ تاراۋى، قالىپتاسىپ قالعان ءومىر سالتىنىڭ وزگەرۋىنە اكەلىپ سوقتى. ەندەشە، بۇگىنگى ماقالادا ءبىلىم سالاسى جايلى، ياعني ءبىلىم الۋ فورماتىنىڭ وسى پاندەميا اسەرىنەن وزگەرىپ، وقۋ فورماتىنىڭ الما كەزەك اۋىسىپ وتىرۋى جايلى ءسوز ەتپەكشىمىن.
وففلاين وقۋ فورماتى دەگەنىمىز نە؟
- وقىتۋدىڭ ءداستۇرلى فورماسى، ياعني مەكتەپكە نەمەسە كوللەدجگە/ۋنيۆەرسيتەتكە بارىپ وقۋ. ەگەر دە قوسىمشا ساباققا قاتىسىپ جۇرسەڭىز، رەپەتيتورمەن بەتپە-بەت كەزدەسۋىڭىز وففلاين فورماتتىڭ مىسالى.
- ءداستۇرلى وقۋدىڭ وڭ تۇستارى وتە كوپ. سونىڭ ىشىندە، ەڭ باستىلارىن اتاپ وتسەم.
الەۋمەتتىك قارىم-قاتىناسقا ءتۇسۋى (ساباق بارىسىندا توپپەن جۇمىس ىستەي الۋ، قوڭىراۋ ۋاقىتىندا سويلەسۋ، اڭگىمەلەسۋ، دوسىڭمەن بىرگە وتىرۋ)
ءتارتىپ نەمەسە ءقاداعالاۋ-مۇعالىم شاكىرتتىڭ ساباققا ىنتاسىن، جۇمىس ورىنداۋ بارىسىن قاداعالاي وتىرىپ، وقۋعا سالعىرت قاراۋىنا، ەركىنسىنىپ كەتۋ مۇمكىندىگىن ازايتادى.
وقۋ پروسەسسىنىڭ ءجۇرىپ جاتقانىن سەزىنۋ، وففلاين فورمات بارىسىندا وقۋ پروسەسسى بەلسەندى تۇردە وتەتىنىن ايتىپ وتۋگە بولادى. كامەرانى ءوشىرىپ، ينتەرنەتىم ناشار دەپ ۇيىقتاپ قالۋ، داۋىسىن ءوشىرىپ تاستاۋ سياقتى مىسالدار وقۋ پروسەسسىنىڭ جۇرۋىنە كەدەرگى كەلتىرەدى.
ارينە، ءداستۇرلى وقۋ فورماسىنىڭ تەرىس تۇستارى دا بار.
- سترەسس. ءمۇعالىم سىنىپتى اينالىپ، بارلىعىنان قاسىنا جاقىنداپ، ەمتيحاننىڭ ادال ءوتۋىن قاداعالاۋى ويىڭىزدىڭ جيناقتالۋىنا كەدەرگى بولۋى مۇمكىن. كەيبىر وقۋشىلار تاقتاعا شىعىپ ساباق ايتۋدان قىسىلادى، ءتىپتى فوبياسى بولۋى دا ىقتيمال. نەمەسە كوزگە تىك قاراپ سويلەۋدەن سەسكەنەتىن جانداردىڭ بارىن دا ەسكەرگەن ءجون. بۇل تۇستا، ونلاين فورمات وتە ىڭعايلى.
- ۋاقىت. مەكتەپكە جينالۋ، بارۋ، قايتۋ بارلىعى دا ۋاقىتتى تالاپ ەتەدى. وففلاين فورمات ۋاقىتتى ۇنەمدەۋگە كومەكتەسەتىنى ءسوزسىز.
ونلاين نەمەسە سينحروندى وقۋ فورماتىنىڭ وڭ تۇستارى قانداي؟
- ۋاقىت ۇنەمدەۋ.
- سترەسستى ازايتۋ.
- ساباق بارىسىندا ويىن پلاتفورمالارىن، ۆيدەو، اۋديو ماتەريالداردى ەركىن قولدانۋ.
- وقۋشىلاردى تارتىپكە شاقىرىپ، تىنىش وتىرۋىنا ۋاقىت پەن ەنەرگيانى قۇرتپاۋعا بولادى.
- ساباقتى جازىپ الىپ، قايتا تىڭداۋعا نەمەسە قاراپ شىعۋعا بولادى.
- قاشىقتىقتان وقي الۋ. الىستا بولساڭىز دا، ساباققا قاتىسۋعا بولادى.
تەرىس تۇستارى:
- كەرى بايلانىستىڭ بولماۋى وقۋ پروسەسسىنە كەدەرگى بولادى. تىنىش وتىرعان وقۋشىلار ءسىزدى تىڭداپ وتىر ما، الدە ۇيىقتاپ جاتىر ما ءبىلۋ قيىن.
- ينتەرەنەتتەن الىنعان ماتەريالدى وقىپ بەرۋ، كوشىرۋ، ءمۇعالىمدى الداۋ. قىسقاشا ايتقاندا وقۋعا سالعىرتتىق.
- دەنساۋلىققا زيان بولۋى. كومپيۋتەر الدىندا ساعاتتاپ وتىرۋ كوزىڭىزگە دە، بۇكىرەيىپ وتىرۋ ءجۇرۋ قالىبىڭىزدى وزەرتۋى مۇمكىن.
قورىتىندىلاي كەلە، وقىتۋدىڭ ونلاين جانە وففلاين فورماتتارىنىڭ قانداي پايداسى جانە زيانى بار ەكەنىن ايتىلىپ ءوتتى. قانداي فورماتتا وقىساڭىز دا، ءبىلىم سىزگە كەرەك ەكەنىن ۇمىتپاعان ءجون. ءوزىڭىز ىزدەنىپ، ءبىلىم الۋعا قۇشتار بولساڭىز، ەشقاشان دا ارتتا قالمايتىنىڭىزدى ەستە ساقتاعان ءجون.
اۆتورى: تەميركۋلوۆا اقەركە جەتەكشى: ءال-فارابي اتىنداعى قازاق ۇلتتىق ۋنيۆەرسيتەتىنىڭ دوسەنتى جاناتايەۆ دانات جاناتاي ۇلى
You Might Also Like
-
تىلسىم تابيعاتتىڭ ادام بالاسىنا سىيلاعان باعا جەتپە بايلىعى – حالقىمىزبەن بىرگە تۋىپ، بىتە قايناسىپ كەلە جاتقان ۇلتىمىزدىڭ ءتولقۇجاتى، رامىزدىك بەلگىسى، مادەنيەتىمىزدىڭ مايەگى، رۋح...
-
باستاۋىش سىنىپتان بالدارعا شەت ءتىلىن وقىتۋ قازىرگى كۇنگى ەڭ كوكەيكەستى ماسەلەلەردىڭ ءبىرى. بۇل تاقىرىپقا كەلگەندە قوعاداعى ويلاردا ەكىگە بولىنەتىنى راس. كەيبىرى باستاۋىش سىنىپتان شەت ءتىلىن ۇيرەتۋگە ...
