InfoHub Logo

ساحناعا باستاۋشىلار اڭگىمەلەسىپ شىعادى.
1 – باستاۋشى:
- كۇز قانداي كەرەمەت مەزگىل! قازان تولىپ، ەڭبەگىنىڭ جەمىسىن جەپ، ادامزاتتىڭ دا ناعىز توي تويلار شاعى ەمەس پە؟!
2- باستاۋشى:
- ءيا، قازەكەم بۇرىنىراق پىشەن شابىلىپ، استىق ورىلىپ، مال جايلاۋدان تۇسكەننەن سوڭ، شارۋانىڭ رەتتەلگەنىنە قۋانىپ، كۇزدە سابان توي جاساپ جاتپاۋشى ما ەدى؟
1-باستاۋشى:
- دۇرىس ايتاسىڭ! سول ىزگى ءداستۇر ءبىزدىڭ شاعىن ورتالىقتا دا جالعاسىن تاۋىپ جاتىر.
- 2-باستاۋشى:
- ونداي بولسا، جۇرتتى تويعا شاقىرايىق!
1-باستاۋشى:
- ارمىسىزدار، اعايىن، قوش كەلدىڭىزدەر!
كۇن سۋىتىپ، ىزعارلانىپ،
اڭىزاقتا قاڭباق ءجۇر.
سابان تويدى باستاڭدار دا،
التىن كۇزدى تاڭ قالدىر!
2- باستاۋشى:
قىزىل قىرمان،
قىزىقتىرعان.
قايتادان ءبىر جاندانسىن.
ساعىمدايىن ءجۇزىپ قىردا،
ساعىندىرعان ءان قالسىن.
«كۇز جومارت » ءانىن قازاقتىڭ ۇلتتىق كيىمىن كيگەن سابيلەر توبى ورىندايدى.
ساحناعا توپتار ءتۇرلى ۇلتتىق كيىمدەرمەن شىعادى.
1- باستاۋشى:
- ادەمى ءان اۋەنىن ەستىپ، ەل دە جينالىپ جاتىر.
- ءيا،سولاي.ءتىپتى شەت ەلدىك قوناقتار دا بار سياقتى. وڭدەرى دە بوتەن ،كيىم كيىستەرى دە وزگەشە.
- بالدىرعان:
- سىزدەر قالاي بايقاماعانسىزدار؟ ولار ءبىزدىڭ كەشىمىزگە قاتىسۋى ءۇشىن كەلگەن مەيماندارىمىز!
- 2-باستاۋشى:
- ەندەشە ورتاعا مەيماندارىمىزدى شاقىرايىق.
- 1- باستاۋشى
- وزبەك ءوز اعامىز دەمەي مە، قازەكەم. وزبەكستاننان كەلگەن مەيمانداردى قارسى الايىق!
سابيلەر توبى وزبەكتىڭ ۇلتتىق كيىمىمەن شىعادى.
2- باستاۋشى
- شەكارالاس كورشىمىز رەسەيدەن كەلگەن قوناقتاردى قارسى الايىق
- سابيلەر توبى ورىستىڭ ۇلتتىق كيىمىمەن شىعادى.
- 1- باستاۋشى:
- بۇگىن كەرەمەت ءبىر سايىستىڭ بولاتىن ءتۇرى بار.ەندەشە ورتاعا ءادىل قازىلار القاسىن شاقىرايىق.( ءادىل القالار القاسىمەن تانىستىرۋ )
- 2- باستاۋشى:
- ونەر قۋىپ قوناقتار وتەر دەيمىن،
- ءبىر باسىنا ونەرى جەتەر دەيمىن.
- باسكەگە ءتۇس، ال كانەكي، كەزەكتەسىپ،
- تانىستىرىپ وزدەرىن وتەر دەيمىن.
- تانىستىرۋ. 1- كەزەڭ.ءادىل قازىلار القاسى باعالايدى
- مىنەكي، قوناقتارمەن تانىستىق. ايتپاقشى تويباستار، قوناق كادە دەگەن بولماۋشى ما ەدى؟ قانە، توي باستاردى باستايىق.

- ءان سايىسى. 2-كەزەڭ. ءادىل قازىلار القاسى باعالايدى
- تويباستاردى قازاقتىڭ ۇلتتىق كيىمىن كيگەن توپ باستايدى.
- توي باستار ايتىلدى، قوناق كادە قايدا؟
- وزبەكتىڭ، ورىستىڭ ۇلتتىق كيىمىن كيگەن توپتار قوناق كادەنى ورىندايدى
- باستاۋشى:
- ءان تىڭداپ سەرگىپ قالعان سەكىلدىمىز.ءدال وسىنداي توي كۇنى اسەم اۋەن قۇشاعىندا تەربەلىپ بي بيلەگەنگە نە جەتسىن!
- ەندەشە، ءوز ونەرىمىزدى ورتاعا سالايىق.
- بي سايىسى.3- كەزەڭ . ءادىل قازىلار القاسى باعالايدى
- 1- باستاۋشى:
- توي بولعان سوڭ داستارحان ءمازىرىنسىز بولمايدى عوي.
- 2- باستاۋشى:
- تويعا ارنالعان داستارحان ءمازىرى دايىن. قوناقتار دا قۇر قول كەلمەپتى.ۇلتتىق داستارحاننان ءدام تاتسىن دەگەن نيەتپەن سىباعا دا الا كەلىپتى.
- داستارحان ءمازىرى.4- كەزەڭ. ءادىل قازىلار القاسى باعالايدى
- 1- باستاۋشى:
- كۇز ايىندا دەنساۋلىعىمىزدى نىعايتۋعا كوپ مۇمكىندىكتەر بار. ويتكەنى، دەنساۋلىقتىڭ ەڭ جاقىن كومەكشىلەرى دارۋمەندەر، داستارحانعا كەپ تۇسكەن جەمىس-جيدەك، كوكونىستەردە وتە كوپ. ول قانداي جەمىس، كوكونىس؟ ويلانىپ كورەيىكشى؟
- جۇمباقتار شەشۋ. 5- كەزەڭ. . ءادىل قازىلار القاسى باعالايدى.
- 2- باستاۋشى:
- كۇزدىڭ تويى – سابان توي دا مارەسىنە جەتتى. كەشىمىزدىڭ قورىتىندىلاۋ ءۇشىن ءادىل قازىلار القاسىنا ءسوز بەرەمىز.
- قورىتىندىلاۋ.
- ماراپاتتاۋ.