لاتىن الىپبيىنە كوشۋ جونىندەگى جۇمىس توبى قۇرىلادى
بۇگىن لاتىن الىپبيىنە كوشۋ جونىندەگى ارنايى جۇمىس توبى قۇرىلادى. بۇل تۋرالى بۇگىن ورتالىق كوممۋنيكاسيالار قىزمەتىندەگى بريفينگتە ق ر ءبىلىم جانە عىلىم مينيسترلىگى عىلىم كوميتەتىنىڭ ءتوراعاسى بولات ءابدىراسىلوۆ ءمالىم ەتتى.
نۇرسۇلتان نازاربايەۆتىڭ «ەگەمەن قازاقستان» گازەتىندە جاريالانعان ماقالاسىنا وراي پىكىر بىلدىرگەن ول بۇل ماسەلە 2012 جىلدان باستاپ جان-جاقتى تالقىلانعاندىعىن باسا ايتتى.
سول كەزدە ارنايى توپ قۇرىلىپ، ونىڭ قۇرامىنا ەلىمىزدىڭ گۋمانيتارلىق ينستيتۋتتارى، ءتىل ءبىلىمى ينستيتۋتى، فيلوسوفيا ينستيتۋتى كىردى. وزبەكستان، ازەربايجان جانە باسقا دا ەلدەردىڭ تاجىريبەسى زەردەلەنىپ، ادىستەرى جاسالدى. ال مەملەكەت باسشىسىنىڭ كەشەگى ماقالاسىندا لاتىن الىپبيىنە كوشۋدىڭ ناقتى مەرزىمى ايقىندالىپ وتىر. بۇل جۇمىستى باستادىق، بۇگىن جۇمىس توبىن قۇرۋ تۋرالى شەشىم قابىلدانادى دەپ ويلايمىن. ونىڭ قۇرامىنا عالىمدارىمىزدى، ءتىل ءبىلىمى سالاسىنداعى مامانداردى شاقىرامىز. تاجىريبە، بەلگىلى ءبىر دەڭگەيدە ازىرلەمەلەر بار. مەنىڭشە، سايكەسىنشە شەشىم دە قابىلداناتىن بولادى»، - دەدى كوميتەت ءتوراعاسى.
ونىڭ اتاپ وتۋىنشە، لاتىن الىپبيىنە كوشۋ مەملەكەتتىك دەڭگەيدەگى وتە اۋقىمدى مىندەت.
«ءبىز كوپتەگەن عىلىمي ساراپتامالار جۇرگىزۋىمىز كەرەك. سەبەبى لاتىن الىپبيىنە كوشۋ بارىسىندا ءارتۇرلى پروبلەمالار شىعادى. ماسەلەن، ءبىرىنشى سىنىپتان باستاپ وقۋلىقتاردى وزگەرتۋ كەرەك. بۇل وتە اۋقىمدى جۇمىس. بىزدە ورىس تىلىندەگى باسىلىمدار كيريليسامەن شىعادى. ال ەندى ءبىز قازاق باسىلىمدارىن لاتىن الىپبيىنە وتكىزسەك قالاي بولماق. حالىقارالىق-ساياسي دا پروبلەمالار بار. دەگەنمەن بولاشاق ءۇشىن لاتىن الىپبيىنە كوشۋىمىز كەرەك»، - دەدى ءابدىراسىلوۆ.
You Might Also Like
-
اقمولا وبلىسى، ستەپنوگورسك قالاسى بەستوبە كەنتى نەگىزگى مەكتەبى ورىنداعان: 7 «ءا» سىنىپ وقۋشىسى حامزينا ءاسيا جەتەكشىسى: قوڭىروۆا رايسا جاسقايرات قىزى
-
زەرتەۋشى عالىمدار ابايدىڭ ۇلگى-ونەگەلىك مەكتەبىن-ادەبيەت مەكتەبى دەپ اتاعانى بەلگىلى. اباي اتامىزدىڭ بالالىق شاعىنان ۇلگى-ونەگە ۇيرەنىپ، وسىپ-ونگەن ورتاسى، ازامات بولىپ، اقىل-ويىنىڭ كەمەلدەنگەن شاع...
