InfoHub Logo

قازاق ادەبيەتى ساباعى 8 سىنىپ
ساباقتىڭ تاقىرىبى: م. جۇمابايەۆ «باتىر بايان» پوەماسى
ساباقتىڭ ماقساتى:
1. بىلىمدىلىك ماقساتى: م. جۇمابايەۆتىڭ «باتىر بايان» پوەماسىنان الىنعان ۇزىندىدەگى ادەبيەت پەن تاريحتىڭ ءوزارا ۇندەستىگىن زەرتتەۋ ارقىلى وقۋشىلاردىڭ ءبىلىمىن تەرەڭدەتە ءتۇسۋ؛
2. دامىتۋشىلىق ماقساتى: وقۋشىلاردىڭ زەرتتەۋشىلىك قابىلەتتەرىن دامىتۋ، ەركىن ويلاۋ جانە ەركىن سويلەي ءبىلۋ قابىلەتتەرىن ارتتىرۋ، وزدىگىنەن ارتتىرۋ، وزدىگىنشە جۇمىس ىستەۋگە داعدىلاندىرۋ؛
3. تاربيەلىك ماقساتى: تۋعان ءتىلىن، ەلىن، جەرىن، حالقىن، تاريحىن سۇيۋگە، جاس ۇرپاقتى ەلجاندىلىققا تاربيەلەۋ.
ساباقتىڭ ءتۇرى: ساراپتاما جاساۋ ساباعى
ساباقتىڭ ءادىس - ءتاسىلى: زەرتتەۋ، زەردەلەۋ، تۇيىندەۋ.
ءپانارالىق بايلانىس: تاريح، ءوزىن - ءوزى تانۋ
ساباقتىڭ كورنەكىلىگى: م. جۇمابايەۆتىڭ شىعارمالار جيناعى، ينتەراكتيۆتى تاقتامەن جۇمىس: سلايد، كەستەلەر، سىزبالار.

ساباق بارىسى:
ءى ۇيىمداستىرۋ كەزەڭى
1. سالەمدەسۋ
2. ساباق ماقساتىمەن تانىستىرۋ
ءىى جاڭا ساباق
ەسكەرتۋ: وقۋشىلارعا جازۋشىنىڭ ءومىرى مەن شىعارماشىلىعى تۋرالى مالىمەتتەر جيناۋ، ونى كەستەگە ءتۇسىرۋ الدىن - الا تاپسىرىلادى.

ماعجان، ەڭ الدىمەن، سىرشىل اقىن. ول جۇرەكتىڭ قوبىزىن شەرتە بىلەدى، ونىڭ جۇرەگىنەن جاس پەن قان ارالاس شىققان ءتاتتى سوزدەرى وزگەنىڭ جۇرەگىنە ءتاتتى ۋ سەبەدى. ماعجان نە جازسا، سىرلى، كوركەم، ءساندى جازادى.
وقۋشىنىڭ جۇرەگىنە اسەر بەرە المايتىن قۇرعاق ولەڭدى، جابايى جىردى ماعجاننان تابا المايسىز.
جۇسىپبەك ايماۋىتوۆ

ماعجاندى سۇيەمىن. ەۋروپالىعىن، جارقىراعان اشەكەيىن سۇيەمىن. قازاق اقىن - دارىنىڭ قارا قوردالى اۋىلىندا تۋىپ، ەۋروپاداعى مادەنيەت پەن سۇلۋلىق سارايىنا بارىپ، جايلاۋى جاراسقان ارقا قىزىن كورىپ - سەزگەندەي بولامىن.
ماعجان – مادەنيەتى زور اقىن... بۇگىنگى كۇننىڭ بار جازۋشىسىنىڭ ىشىنەن كەلەشەككە بوي ۇرىپ، ارتقى كۇنگە انىق قالۋعا جارايتىن ءسوز – ماعجاننىڭ ءسوزى.
(مۇحتار اۋەزوۆ)

ماعجان
↓
اقىن
پسيحولوگ
ليريك
الاشتىڭ ارداعى
ۇلت ماقتانىشى
ۇستاز
دالا ۇلى
ازامات

ومىردەرەك
ءومىرى مەن شىعارماشىلىق جولى
1893 جىل 25 ماۋسىم. سولتۇستىك قازاقستان وبلىسى قازىرگى م. جۇمابايەۆ اۋدانىنىڭ ماعجان اۋىلىندا دۇنيەگە كەلگەن.
1897 جىل. اكەسى بەكەننىڭ اۋىل بالالارىنا ارناپ اشقان مەكتەبىندە 4 جاسىنان باستاپ وقىپ، ءبىلىم الادى. سودان سوڭ قىزىلجار مەدرەسەسىندە 4 جىل وقيدى، اراب، پارسى، تۇرىك تىلدەرىن ۇيرەنەدى.
1910 - 1912 جىلدار. ۋفاداعى مەدرەسە - عالياعا ءتۇسىپ، وندا ۇستازدىق ەتەتىن اتاقتى تاتار جازۋشىسى عالىمجان يبراگيموۆپەن، مەدرەسە شاكىرتى بەيىمبەت مايلينمەن تانىسادى، ءوزارا پىكىرلەس، ماقساتتاس، مۇددەلەس تىرشىلىك ەتىپ، عۇمىر كەشەدى.
1912 جىل. قازان قالاسىندا «شولپان» اتتى تۇڭعىش جيناعى جارىق كورەدى.
1913 - 1917 جىلدار. ومبى قالاسىنداعى ءسىبىر ۋنيۆەرسيتەتى اتانعان ومبى مۇعالىمدەر سەمينارياسىندا وقيدى.
1917 جىل. «الاشوردا» پارتياسىنىڭ قۇرىلتاي سەزىنە قاتىسىپ، ومبىدا قۇرىلعان اقمولا وبلىستىق ۇكىمەتىنە، ونىڭ وقۋ كوميسسياسىنا مۇشە بولىپ سايلانادى،
1919 جىل. قىزىلجارداعى «بوستاندىق» گازەتىندە رەداكتور بولىپ قىزمەت ەتەدى.
1922 جىل. تاشكەنتكە كەلىپ، «اق جول» گازەتىنىڭ، «شولپان»، «سانا» جۋرنالدارىنىڭ جۇمىسىنا بەلسەنە ارالاسادى، بۇل جىلدار اقىن شىعارماشىلىعىنىڭ جەمىستى جىلدارى بولادى. تاشكەنتتەگى قازاق - قىرعىز ينستيتۋتىندا ساباق بەرەدى
ماسكەۋدە وقيتىن قازاق جاستارى اقىن ولەڭدەرىن تالقىلاپ، وعان «ۇلتشىل، تۇرىكشىل، ەسكى ءومىردى كوكسەيدى، ت. ب. ايىپتار تاعادى.
1924 جىل. باسىنا تاعى دا قاتەردىڭ قارا بۇلتى تونگەن ماعجان امالسىز تاشكەنتتەن ماسكەۋگە كەلەدى، «كۇنشىعىس» باسپاسىندا اۋدارماشى بولىپ قىزمەت ەتەدى.
1924 - 1927 جج. ماسكەۋدەگى ۆ. بريۋسوۆ اتىنداعى كوركەم ادەبيەت ينستيتۋتىندا وقيدى.

م. جۇمابايەۆ «باتىر بايان» پوەماسى. جۇكتەۋ