ماماندىعىم - ماقتانىشىم
«ۇستازدىق جولى،بالا تاربيەلەۋ - ارداقتى ءىس»-دەپ مارقۇم اكەم ايتىپ ەدى.»ايتۋشى اقىلدى بولسا،تىڭداۋشى دانا بولادى» -دەپ حالقىمىز تاۋىپ-اق ايتقانداي، مىنە بۇگىنگى تاڭدا اكەمنىڭ ءسوزىن ماڭگى ەسىمە ساقتاپ،ءمۇعالىم ماماندىعىن تاڭداپ تەر توككەنىمە دە بيىل 4 جىل 3اي ءوتىپتى.
ۇستاز بولۋ – جۇرەكتىڭ باتىرلىعى،
ۇستاز بولۋ – سەزىمنىڭ اقىلدىعى.
ۇستاز بولۋ – مىنەزدىڭ كۇن شۋاعى،
ۇستاز بولۋ – ادامنىڭ اسىلدىعى،- دەگەن عافۋ كايىربەكوۆتىڭ ولەڭ جولدارىن وقىعاندا، مەن ءوزىمدى باقىتتى سەزىنەمىن. ۇستاز بولعانىمدى ماقتان ەتەمىن. سەبەبى ۇستاز بولۋ-جاي ماماندىق ەمەس. قيىنى مەن جەڭىلى، قىزىعى مەن قۋانىشى مول بولعان ەڭبەك جولىنداعى پەداگوگيكالىق ۇستانىمىم — ۇنەمى جاڭالىققا ۇمتىلىپ، الدىڭعى قاتاردان كورىنۋ جانە ءار وقۋشىنىڭ بويىنان جاقسىلىق تاۋىپ،بۇلاقتىڭ كوزىن اشۋ ارقىلى بيىك ماقساتتارعا جەتەلەۋ.
ومىردەگى كوپ ماماندىقتاردىڭ ىشىندە جان-جاقتى بىلىمدىلىكتى، يكەمدىلىكتى، شەبەرلىكتى، ەرەكشە شاكىرتجاندىلىقتى، مەيىرىمدىلىكتى قاجەت ەتەتىن ماماندىق تا – ۇستازدىق ماماندىق. ولاي دەيتىنىم، ءمۇعالىمنىڭ بەيىمدىلىگى، دارىندىلىعى كوبىنەسە وقۋشىنىڭ تاعدىرىن شەشەدى. ءمۇعالىم ۇنەمى شاكىرتتەرىمەن قارىم-قاتىناستا بولىپ، ۇيرەنسەم، بىلسەم، تانىسسام دەگەن بالا ارمانى مەن ونىڭ سىرلى تاعدىرىنا باسشىلىق ەتۋدى موينىنا العان مامان. «ۇستازسىز شاكىرت تۇل، شاكىرتسىز ۇستاز تۇل... » دەيدى قازاق. بۇل باسقا ەمەس، ءدال ۇستاز، ءمۇعالىم ماماندىعىنا ارناپ ايتىلعان ماقال.
جاقسى ۇستاز — بۇل قاي كەزدە دە ەڭ الدىمەن كاسىبي دەڭگەيى جوعارى، ينتەللەكتۋالدىق، شىعارماشىل الەۋەتى مول تۇلعا. ول وقىتۋدىڭ جاڭا تەحنولوگيالارىن ومىرگە ەندىرۋگە دايىن، وقۋ-تاربيە ىسىنە شىنايى جاناشىرلىق تانىتاتىن قوعامنىڭ ەڭ وزىق بولىگىنىڭ ءبىرى دەپ ەسەپتەيمىن جانە سولاي بولۋى ءتيىس.مەن ءۇشىن بۇل مىندەتتەردى ورىنداۋ،وقۋشىنىڭ پانگە دەگەن قىزىعۋشىلىعىن ارتتىرۋ ءۇشىن وقىتۋدىڭ كوپتەگەن ادىس-تاسىلدەرىن الىپ،ءوز تاجىريبەمدە قولدانۋدامىن. قاي زاماننىڭ بولسىن ءمۇعالىمى ۇلى ابايدىڭ «ۇستازدىق ەتكەن جالىقپاس، ۇيرەتۋدەن بالاعا» دەگەنىندەي، ۇستاز دەگەن كيەلى ماماندىقتىڭ سىرىن اشىپ، ءوز ەڭبەگىمنىڭ جەمىسىن كورىپ، مەكتەپ دەگەن ۇلكەن وزەندە ءجۇزىپ كەلە جاتقانىم — ءوز ماماندىعىمدى شەكسىز سۇيۋدەن بولار. بىرىنشىدەن — ءوز ماماندىعىمدى ءسۇيدىم، سول ءوز ماماندىعىمدى ءسۇيۋ ارقىلى ءوز شاكىرتتەرىمنىڭ جۇرەگىنە جول تاۋىپ، ولاردى ءوز ىستەرىمە سۇيسىندىرە ءبىلدىم. بۇل ءمۇعالىم ءۇشىن ۇلكەن قۋانىش.
بۇگىنگى شاكىرت ەرتەڭگى كۇنگى ءار ءتۇرلى سالانىڭ مامان يەسى. ارينە،ءتيىمدى دە ورىندى پايدالانىلعان بالالاردىڭ دارالىق قاسيەتتەرى ءوز ۇستازدارىن باقىتقا جەتكىزەدى. باقىتتىڭ ۇلكەنى ءاربىر بالا ءوزىن-وزى دۇرىس تانۋ. بىزدە بولاشاقتا وقۋشىلارىمىزدىڭ قياعا قانات قاعىپ،ەلىنىڭ سانالى ازاماتى بولعانىن قالايمىز. ەندەشە بۇگىنگى ءبىلىم مەن بىلىك باسەكەلەس زاماندا ۇلاندارىمىزدىڭ بيىكتەن كورىنۋىنە كۇندەلىكتى ىسىمىزدەگى جاڭاشىلدىعىمىز ارقىلى، جان-جاقتى بەرگەن ءبىلىمىمىز بەن تاربيەمىز ارقىلى قول جەتكىزەمىز.
ادام ومىرىندە ماماندىق تاڭداۋدان قاتەلەسپەۋ كەرەك دەگەن ءسوز بار عوي، ول ءسوز شىن ايتىلعان ەكەن. جۇمىسىڭدى اڭساپ بارۋ، قۋانىپ قايتۋ،ءوزىڭنىڭ بۇگىنگى كۇنى نە بىتىرگەنىڭدى،ەندى ەرتەڭگى كۇنگە قانداي جوسپارلارىڭ بارىن ءبىلۋ، بۇل ماماندىعىن سۇيگەن ادامنىڭ ءىسى.
اقتوبە وبلىسى حرومتاۋ اۋدانى
"قارلاۋ باستاۋىش مەكتەبى" كمم-نىڭ ءمۇعالىمى
مۋحامبەتكالييەۆ دۋمان
You Might Also Like
-
ۇلتتىڭ ۇلت ەكەنىن تانىتاتىن ونىڭ ءتىلى، ءدىلى، ءدىنى، ءسالت-داستۇرى، ادەت-عۇرپى، ويىندارى، فولكلورى. قازاق حالقى بۇدان كەندە ەمەس. حالىق اۋزىندا جۇرگەن ءاربىر ماقال-ماتەلدىڭ نەمەسە تىيىمنىڭ ءوز تاربيەلى...
-
قوعامدا، پوەزيادا، مۋزىكادا، ساياسي ومىردە ولمەس، وشپەس ءىز قالدىرعان- اباي قۇنانباي ۇلى.اقىن ابايدىڭ شىعارماشىلىعى مەن ءومىرى- حالقىمىزدىڭ عاسىرلار بويى ماڭىزىن جوعالتپاعان رۋحاني مۇراسى.اباي ءۇنى، ابا...
