ماماندىقتى تاڭداۋ
«مەن ينجەنەر بولامىن،
جەردەن التىن تابامىن.
جولىن قۋام ايگىلى
اكادەميك اعانىڭ»،-
دەپ ارمان ءبىر قۋاندى
سەرگەك، ۇشقىر كوڭىلمەن.
قوشتادىم دا قۇپ الدىم
بۇل تالابىن ونىڭ مەن.
«مەن عارىشكەر بولامىن،
جۇلدىزعا ۇشىپ بارامىن.
جولىن قۋام اتاقتى
توقتار سىندى اعانىڭ»،-
دەپ سەرىك ءبىر قۋاندى
سەرگەك، ۇشقىر كوڭىلمەن.
قوشتادىم دا قۇپ الدىم
بۇل تالابىن ونىڭ مەن.
«مەن دارىگەر بولامىن،
ۇلكەننىڭ دە، بالانىڭ
قينالعاندا قاسىنا
ءبىرىنشى بوپ بارامىن»،-
دەپ بوتام ءبىر قۋاندى
اپپاق، ادال كوڭىلمەن.
قوشتادىم دا قۇپ الدىم
بۇل تالابىن ونىڭ مەن.
«ال مەن اقىن بولامىن،
سۋسىلداعان قالامىم.
ادامداردىڭ جۇرەگىن
جىرمەن جاۋلاپ الامىن»،-
دەدى قامبار قۋانىپ
اڭقىلداعان كوڭىلمەن،
تۇردىم ىشتەي قۇپ الىپ
بۇل تالابىن ونىڭ مەن.
«ءبىرىڭ التىن ىزدەسەڭ،
ءبىرىڭ جازساڭ ولەڭدى،
جۇلدىزداردان بىرەۋىڭ
جولداپ جاتساڭ سالەمدى.
ءبىرىڭ بولىپ دارىگەر،
ەمدەپ جاتساڭ اۋرۋدى،
قۇرمەت تۇتىپ قالىڭ ەل،
سىيلاپ جاتسا بار گۇلدى،
ءبارىمىز دە جەيتۇعىن،
ەڭ الدىمەن نان كەرەك.
كوتەرۋگە ەل تۋىن
قۋات كەرەك، ءال كەرەك.
نان بەرەتىن بارشاعا
جەر مامانى بولام مەن.
بارىپ ءجۇرمىن باقشاعا
اگرونوم اعاممەن.
گۇل ەگەمىن جەرىمە
وسىنداي وي بار مەندە.
جەر جەمىسىن ەلىمە،
سىيلاپ وتسەم ارمان نە»،-
دەدى قۇرمان ويلانىپ.
مەن قۇپ الدىم ايتقانىن.
ال ءوزىم-اق قوي باعىپ
دايىندارمىن ەت جاعىن.
You Might Also Like
-
1. حالىق سانى – 17 202 600 ادام. بۇل الەم بويىنشا 62ء-شى ورىن. 2. قازاقستاندا 1 شارشى كم-گە 6 ادامنان كەلەدى. ال سينگاپۋردا 7437 ادام. 3. قازاقستاندا شامامەن 130 ۇلت وكىلى بار. 4. قازاقستان...
-
ەۋرازيا كوشپەلىلەرى بىرنەشە مىڭ جىلدىق تاريحي جولدان ءوتىپ، ءارتۇرلى مەملەكەتتىك قۇرىلىم تۋعىزىپ بارىپ، قازاق حاندىعىن انىقتادى. قازاق مەملەكەتى ءۇش ەتنواۋماقتىق بىرلەستىك – ۇلى، ورتا جانە...
