InfoHub Logo

سىنىبى: 8
تاقىرىبى: ماماندىقتىڭ ءبارى جاقسى
ماقساتى: وقۋشىلاردىڭ ويلاۋ قابىلەتتەرىن دامىتا وتىرىپ، بولاشاق ماماندىققا بايلانىستى ۇعىمدارىن تەرەڭدەتىپ، قىزىعۋشىلىقتارىن ارتتىرۋ. جۇمىستىڭ مازمۇنىمەن، ماعىناسىمەن ايرىقشالاناتىن ماماندىق الەمىنىڭ تۇرلىلىگى تۋرالى تۇسىنىك قالىپتاستىرۋ. ماماندىقتارعا سيپاتتاما بەرۋ، قىر - سىرىن اشۋ. وقۋشىلاردىڭ بويىنا جاقسى قاسيەتتەردى ءسىڭىرۋ، ماماندىق تاڭدا بىلۋگە، ەڭبەكسۇيگىشتىككە تاربيەلەۋ.
كورنەكىلىك: ماماندىق تۋرالى سۋرەتتەر، ماماندىق اتتارى جازىلعان كارتوچكا، سلايد كورسەتۋ.
ءادىسى: تەست تاپسىرمالارى، كارتوچكالارمەن جۇمىس
ساباقتىڭ بارىسى:
ءى. ۇيىمداستىرۋ
ءىى. ماماندىقتىڭ ءبارى جاقسى
(ويىن، سايىس )
سايىس كەزەڭدەرىمەن تانىستىرۋ.
«ءبىلىمدى مىڭدى، بىلىكتى ءبىردى جىعادى» (ءبىلىم سايىسى)
«تاپقىر بولساڭ تاۋىپ كور» (ماماندىققا سايكەس قاسيەتتەردى تابۋ)
مامان يەسى – پسيحولوگ – وقۋشىنىڭ جان دۇنيەسىن ءتۇسىنۋ
ەگەر وسى مامان يەسى بولسام! (سيتۋاسيالىق شەشۋ)
شىعارماشىلىق جۇمىس «كىم بولامىن؟»
ءىىى. قورىتىندى ءبولىم
ءبىز بۇگىن «ماماندىقتىڭ ءبارى جاقسى» اتتى سايىس جانە ويىن تۇرىندە سىنىپ ساعاتىن جۇرگىزەمىز. بۇل شارادا ءار وقۋشى جەكە ساياحاتقا شىعىپ ومىردەن تۇيگەن ويلارىن، بىلىمدەرىن ورتاعا سالىپ، وي - پىكىرلەرىن ايتادى.
اتابەكوۆا ىڭكاردىڭ پىكىرى:
ماماندىقتىڭ جامانى جوق، ءبىراق قانداي ماماندىق بولماسىن ونىڭ وزىندىك تالاپتارى بولادى. ماماندىقتىڭ كەز - كەلگەنىن يگەرۋگە يكەمدىلىك قاجەت، بۇل جاي كۇنەلتۋ نەمەسە تاماق اسىراۋ ەمەس، ۇلكەن ونەردى، جاقسى شەبەرلىكتى قاجەت ەتەتىن نارسە. مەنىڭشە جاقسى مامان بولۋ ءۇشىن ەڭ الدىمەن ءوزىڭ تاڭداعان ماماندىقتى ءسۇيۋىڭ كەرەك، سول ماماندىقتىڭ قىرى مەن سىرىن جەتە مەڭگەرۋىڭ كەرەك. سونداي - اق ماماندىقتى تاڭداعان كەزدە ءوزىڭنىڭ ىڭعايىڭا قاراي ءوز جولىڭمەن قىزمەت ەتسەڭ ءوز باسىڭا دا، ەلگە دە ۇلكەن پايداڭ تيەرى ءسوزسىز. ءوزىنىڭ بەيىمدىلىگى مەن قابىلەتىنە قاراي مامان بولعان ادامنىڭ جۇمىسى دا ءونىمدى، بەرەكەلى دە بولماق. ج. ايماۋىتوۆ ايتقانداي، ومىردە ءوز ماقساتتارىمىزعا جەتۋ ءۇشىن قابىلەتىمىزگە قاراي ماماندىقتى تاڭداي بىلەيىك.
قالييەۆا جاينار. مەنىڭ اتا - انام قاراپايىم ادامدار. ءبىزدىڭ جانۇيامىزدا جالعاسىن تاپقان وتباسىلىق كاسىپ بار دەپ ايتۋعا بولمايدى. مەن زاڭ قىزمەتكەرى بولۋدى قالايمىن. سەبەبى ەلىمىزدە بولىپ جاتقان كوپتەگەن جاعدايلار مەنىڭ دە جۇرەگىمدى سىزداتادى. اشىلماي جاتقان قىلمىستار، سىبايلاس جەمقورلىق، كەيبىر ادىلەتسىزدىكتەر ت. ب.
بيلاشيەۆ جانەسەن. مەنىڭ پىكىرىمشە ادام ءوزىن بەلگىلى ءبىر ماماندىققا دايىنداۋدى مىنا ۋاقىتتان باستاۋ كەرەك دەپ اشىپ ايتۋ قيىنداۋ سياقتى. ارينە كەيبىرەۋلەر ەس بىلگەننەن ءبىر ماماندىقتى ۇناتىپ وسى ماماندىقتىڭ يەسى بولامىن دەۋى مۇمكىن، ال ەندى بىرەۋلەر جاعدايىنا قاراي اتا - اناسىنىڭ نەمەسە ءبىر جاناشىرىنىڭ ىقپالىمەن ماماندىق تاڭداۋى مۇمكىن نەمەسە اتا باباسىنان كەلە جاتقان ماماندىقتى تاڭداۋى مۇمكىن عوي. ازىرگە مەن قانداي ماماندىقتى يگەرەتىنىمدى شەشە قويعان جوقپىن.
1، 2، 3 تاپسىرمالاردا وقۋشىلار ءوز بىلىمدەرىن وزدەرى باعالايدى. جاۋابى: تاقتادان كورسەتىلەدى.
قالعان ەكى تاپسىرمانى پىكىر سايىس تۇرىندە وتكىزەمىز.
ءى. تەست
1. جەر بەتىندە قانشا ماماندىق تۇرلەرى بار؟
ا) 3000 ب) 3200 ۆ) 3400
2. ماماندىقتى كليموۆ نەشە تيپكە ءبولدى؟
ا) 2 ب) 3 ۆ) 5
3. ماماندىق تاڭداۋدا ادام ءوز بويىندا قانداي قاسيەتتەردى جەتىلدىرۋ كەرەك؟
ا) تاربيەلىك ب) ءوزىن - ءوزى ۇستاي ءبىلۋ ۆ) شەشىم قابىلداعىش گ) بارلىعى دۇرىس
4. ماماندىقتى مەڭگەرگەن ادامدى قالاي اتايدى؟
ا) مامان ب) ماماندىق ۆ) كاسىپكەر
5. ءمۇعالىم، دارىگەر، تاربيەشى قانداي تيپكە جاتادى؟
ا) ادام - ادام ب) ادام - بەلگى ۆ) ادام - تەحنيكا
6. ادام – تابيعاتقا جاتاتىن ماماندىق
ا) ۇستا ب) تىگىنشى ۆ) اگرونوم
7. ۇستامدىلىق قانداي كاسىپ يەسىنە جاتادى؟
ا) سۋرەتشى ب) ساتۋشى ۆ) ءانشى
8. مالشىعا قانداي تالاپ قويىلادى؟
ا) شەبەر ب) كۇش يەسى ۆ) شىدامدى
9. قورلىق كەلىسىم ساۋدا جانە بيرجالىق كەلىسىم جاساعاندا ارادا جۇرەتىن ادام
ا) ديلەر ب) بروكەر ۆ) موكلەر
10. ماماندىق تاڭداۋدا قانداي جامان ادەتتەردەن اۋلاق بولۋ كەرەك؟
ا) ءۇستىرت قاراۋ ب) ۇساقشىل ۆ) ءالسىز گ) كوپ سوزدىلىك د) ءبارى دۇرىس
ءىى تاپسىرما
تومەندەگى قاسيەتتەر قاي ماماندىققا سايكەس كەلەدى، دۇرىس جاۋاپتى باعىت سىزىعىمەن بايلانىستىر
ترەنەر----------- تاپقىر
دارىگەر---------- ءادىل
ءمۇعالىم--------- وتە اقىلدى
جۋرناليست----- شىدامدىلىق
مەحانيزاتور----وز ماماندىعىن جەتىك ءبىلۋ
قۇرىلىسشى------وي - ءورىسى جوعارى
زاڭ قىزمەتكەرى---مەيىرىمدى
ونەر يەسى-----------مادەنيەتتى
ءىىى. تاپسىرما
ءسىزدىڭ ماماندىعىڭىز پسيحولوگ سىنىپقا كەلدىڭىز. وقۋشىلاردىڭ كوڭىلى كۇيى ءار ءتۇرلى. قالاي اجىراتاسىز؟
جاۋابى: 1. بەيجاي 2. وشپەندىلىك 3. كوڭىلدى 4. وتە اشۋلى. 5. ۋايىم 6. جاسىرىن قۋانىش 7. ناشار كوڭىل 8. اشۋلى 9. وتە قۋانىشتى 10. تەرەڭ قايعى 11. ۇناتپاۋ 12. قايعى
ءىۇ. تاپسىرما
ەگەر ماماندىق يەسى بولساڭ نە ىستەر ەدىڭ: (سيتۋاسيالىق شەشۋ)
دارىگەر. اۋىرعان ادام سىزگە كەلىپ، قويعان دياگنوزبەن كەلىسپەيتىنىن ايتتى. ءسىزدىڭ شەشىمىڭىز؟
ءمۇعالىم جايلى اڭگىمە «جۇرەكسىز نەنى تۇسىنەمىز؟» ساباققا اتا - انا قاتىسىپ وتىر. ءۇي تاپسىرماسىن سۇرادىڭىز، ەشبىر وقۋشى دايىن ەمەس. نە ىستەر ەدىڭىز؟
ءانشى. ساحنادا ءان سالىپ تۇرسىز، كورەرمەن ۇيىقتاپ وتىر. بۇل سىزگە ۇنامادى. ءسىز نە ىستەيسىز؟
جۋرناليست. جازعان ماقالاڭىز كەيبىر جاندارعا ۇناماي، سىزگە ەسكەرتۋ جاسادى، قورقىتتى. نە ىستەر ەدىڭىز؟
تىگىنشى. سىزگە ءبىر كەنەت جاقسى ماتادان كويلەك تىكتىرۋگە تاپسىرىس بەرەدى. ول ماتانى تىگۋ بارىسىندا دۇرىس بولماي قالدى. تاپسىرىس بەرۋشى سىزگە رەنىشپەن ۇرىسىپ، ماتانى تاۋىپ بەرۋىڭىزدى تالاپ ەتتى. ءسىز قالاي جاۋاپ بەرەر ەدىڭىز؟
اسپازشى. اسحاناعا كەلگەن كەنەت جاسالعان تاعامعا كوڭىلى تولماي قايتارىپ اكەلدى، اقىسىن سۇرادى. ءسىزدىڭ جاۋابىڭىز؟
جۇرگىزۋشى. ءسىز الىس جولدان شارشاپ كەلىپ دەم الىپ جاتىرسىز، دوسىڭىز كەلىپ، سىزگە ءبىر جەرگە الىپ بارۋىڭىزدى ءوتىندى. نە دەپ جاۋاپ بەرەر ەدىڭىز؟
ءۇ. تاپسىرما
«كىم بولامىن؟» تاقىرىبىنا ەسسە جازۋ. ءار وقۋشى ءوزى قالاعان ماماندىعىنا جازادى.
جۇرەكتەن جۇرەككە ج. بالاساعۇن
«ەڭبەك تۋرالى»
باسىم كوككە جەتسىن دەسەڭ ارمانداپ،
ءار جۇمىستى ءبىلىپ ىستە، قارما وڭداپ،
بارلىق ءىستى ساراپقا ساپ ىستەگىن،
قيساپپەنەن قازىناڭدى ۇستەگىن.
كىسى تانىماق بولساڭ، ىسىنە قارا.
ءوز كۇشىڭ جەتكەنشە، ءوزىڭ ءۇشىن ايانبا.
ەرتە تۇرىپ، كەش جات ۇيقىڭ قانادى،
ەرتە تۇرعان ەردىڭ باعى جانادى
سونىمەن وقۋشىلار، بۇگىنگى «ماماندىقتىڭ ءبارى جاقسى» اتتى سايىس تۇرىندەگى سىنىپ ساعاتىمىزدا جاقسى مامان يەسى بولۋ كوپ وقىپ، ونى كەلەشەكتە ماماندىق تاڭداۋدا دۇرىس شەشىم جاساۋعا پايدالانۋعا وي تۇيدىك. ساباعىمىزدىڭ سوڭىندا بارلىعىمىز بىرگە ءبىر - بىرىمىزگە ساتتىلىك تىلەي وتىرىپ، «الاقان سيپاۋ» ويىنىن ويناساق. سول جاعىمىزدا وتىرعان ادامنىڭ الاقانىن سيپاپ ءبىر ماقتاۋ ءسوز جانە ءبىر تىلەك ايتىپ سىنىپ ساعاتىمىزدى اياقتايمىز.
بۇل سىنىپتاعى بارلىعىمىزدىڭ تاتۋلىعىمىزدى ارتتىرۋعا ارنالعان جاتتىعۋ.