InfoHub Logo

ءسىز نەگە قول جەتكىزگىڭىز كەلەتىنىن ناقتى بىلەسىز، الايدا ماقساتىڭىزعا قاراي قادام باسۋدىڭ ورنىنا، ءبارىن كەرىسىنشە جاسايسىز با؟ مىسالى، ءسىزدىڭ ارىقتاعىڭىز كەلەدى، ءبىراق توقاش پەن پەچەنەدەن باس تارتا الماي ءجۇرسىز بە؟ وز-وزىڭىزگە دۇشپان بولۋدى قالاي توقتاتۋعا بولاتىنىن پسيحولوگ بەندجامين حاردي (Benjamin Hardy) ايتىپ بەرەدى.

باقىت دەگەنىمىز – بۇل ءسىزدىڭ ويلاعانىڭىز، ايتقانىڭىز بەن ىستەگەن ءىسىڭىزدىڭ ءوزارا ۇيلەسىمدە بولۋى.

ماحاتما گاندي

گاندي شىن مانىندە دۇرىس ايتقان. ءسىز ءوزىڭىزدىڭ ماقساتتارىڭىز بەن ءوز قۇندىلىقتارىڭىزعا سايكەس ارەكەت ەتپەسەڭىز، ىشكى جان دۇنيەڭىزدە قارسىلىق تۋىندايدى. ءسىز قانداي دا ءبىر ارەكەت جاساۋ كەرەكتىگىن تۇسىنەسىز: ءوز جوباڭىزبەن جۇمىس ىستەۋ، ۋاقىتىڭىزدىڭ كوبىن جاقىن ادامدارىڭىزبەن وتكىزۋ، جاقسىلاپ تاماقتانۋ ت.ب.، – جانە دە ءسىز بىلە تۇرا بارلىعىن كەرىسىنشە ىستەيسىز.

ءسىز ءوزىڭىزدى اقتاپ الاتىن ءتۇرلى سىلتاۋلار ويلاپ تابا الاسىز جانە ءوزىڭىزدىڭ ماقساتىڭىزعا جەتكىزەتىن جولمەن كەلە جاتىرمىن دەپ سەندىرە الاسىز. ءبىراق شىندىققا تۋرا قارايىقشى: ءسىز ءوزىڭىزدى الداپ ءجۇرسىز. ءسىزدىڭ قولجەتكىزەر ناتيجەڭىز مىنەز-قۇلقىڭىزعا، ءجۇرىس-تۇرىسىڭىزعا تىكەلەي بايلانىستى بولادى. ەگەر ءسىز سانالى تۇردە وزىڭىزگە زيان كەلتىرسەڭىز، ەشقاشان ءوز كۇشىڭىزگە سەنىمدى بولا المايسىز. ونىڭ ورنىنا ءسىز ۇنەمى جابىعىپ جۇرەتىن بولاسىز جانە ومىرلىك بولاشاعىڭىز بۇلىڭعىر بولىپ تۇرادى.

ءسىز ءوز ماقساتتارىڭىز بەن قۇندىلىقتارىڭىزعا سايكەس ءومىر سۇرەسىز بە؟ ىشكى جان-دۇنيەڭىزدىڭ قارسىلىعىن سەزىنەسىز بە؟

مۇنداي جاعداي مەنىڭ دە باسىمنان ءوتىپ جاتىر. مەن، ءوزىمنىڭ جۇمىستان باسقاعا كوڭىلىمدى الاڭداتاتىنىنا قاراماستان، Facebook مەن Twitterء-دى ءجيى قارايمىن. مەن Nutella جاعىلعان بۋتەربرودسىز ءومىر سۇرە المايمىن، سونىڭ كەسىرىنەن مەندە ەشقاشان قالىپتى پرەسس بولمايدى. مەن ءوزىمنىڭ ماقساتىما قول جەتكىزەتىن مەزگىلىم بىرنەشە ايلارعا سوزىلىپ كەتەتىنىن تۇسىنسەم دە، كەيدە كۇنى بويى ەشنارسە جازباي قويۋىم مۇمكىن.

شىندىعىن ايتقاندا، مەنىڭ مىنەز-قۇلقىم ءوز قۇندىلىقتارىم مەن ماقساتتارىما ءجيى كەدەرگى كەلتىرەدى. ءبىراق ناق سولار جاقسى ناتيجەگە جەتكىزەتىن قوزعاعىش كۇشتىڭ ءوزى بولۋى مۇمكىن. سونىمەن قاتار باسقا جول جوق تا. ەگەر ءسىز جەتىستىككە قول جەتكىزگىڭىز كەلسە، ءسىزدىڭ مىنەز-قۇلقىڭىز سوعان ساي بولۋى ءتيىس.

سەن دەنەڭدە ەمەس، ءوز امالدارىڭدا ءومىر سۇرەسىڭ.  سەن – ءوز امالدارىڭسىڭ، باسقاسى ەمەس.

انتۋان دە سەنت-ەكزيۋپەري

ءاربىر كۇن ءمىنسىز بولۋى ءتيىس

بارىمىزدە كۇنىنە 24 ساعات ۋاقىتىمىز بار. ەگەر ءسىز وسى ۋاقىتتى قالاي پايدالانۋدى بىلمەسەڭىز، ءسىزدىڭ ومىرىڭىزدە ەشقانداي باعىت-باعدار بولمايدى. ولاي بولماعان جاعدايدا، جەتىستىككە قول جەتكىزۋىڭىز مۇمكىن.

ءسىزدىڭ بۇگىنگى كۇنىڭىز قالاي ءوتتى، ويلاڭىزشى؟ ارتىڭىزعا قاراپ، بۇگىنگى كۇنى نە ىستەگەنىڭىزدىڭ بارلىعىن ەسىڭىزگە ءتۇسىرىڭىز. كەلەسى سۇراقتارعا شىنايى جاۋاپ بەرىڭىزشى:

1 - ءسىز بولعىڭىز كەلگەن ادام ءتارىزدى ارەكەت جاسادىڭىز با؟

2 - ەگەر ءسىز جىلدىڭ بارلىق كۇنىن بۇگىنگىدەي ەتىپ وتكىزسەڭىز، ناتيجەسىندە قاي جەردە بولار ەدىڭىز؟

3 - ەگەر ءسىز ومىرىڭىزدە شىنىمەن دە ءوز ماقساتتارىڭىزدى ىسكە اسىرۋعا تىرىسساڭىز، ءسىزدىڭ ءمىنسىز كۇنىڭىزدىڭ بۇگىنگىدەن قانشالىقتى وزگەشەلىگى بولار ەدى؟

4 - ءوز ارمانىڭىزعا قول جەتكىزۋىڭىز ءۇشىن ءسىزدىڭ قاراپايىم كۇنىڭىز نەگە ۇقساۋى ءتيىس؟

ءوز ءومىرىڭىزدى ءمىنسىز ەتۋدىڭ ەڭ ۇزدىك تاسىلدەردىڭ ءبىرى – ءوزىڭىزدىڭ ءمىنسىز كۇنىڭىزدى كوز الدىڭىزعا ەلەستەتۋ. سىزگە ول كۇن قانداي بولىپ كورىنەدى؟ ءسىز ءوزىڭىز ارمانداعانداي ءومىر سۇرە الۋ ءۇشىن ءاربىر كۇنىڭىزدە قانداي وقيعالار ورىن الۋى ءتيىس؟

ءسىزدىڭ ءمىنسىز كۇنىڭىز جاقسى ءومىر ءسۇرۋ تۋرالى تەك قانا ءوزىڭىزدىڭ جەكە تۇسىنىگىڭىزگە نەگىزدەلۋى ءتيىس. باقىت پەن جەتىستىككە جەتۋدىڭ ءسىز ءۇشىن قانشالىقتى ماڭىزدى ەكەنىن تەك ءسىز ءوزىڭىز عانا انىقتاي الاسىز.

مەنىڭ ءمىنسىز كۇنىم شامامەن مىناداي:

7-8 ساعاتتىق جاقسى، دۇرىس ۇيقى.

دۇرىس تاماقتانۋ، قاراپايىم ءارى پايدالى تاعامدار. فاستفۋد ونىمدەرىنىڭ ەنشىسى كۇنىنە 300 كالوريادان اسپاۋى ءتيىس. تىم بولماعاندا ءبىر رەتكى تاماقتانۋ كەزىندە مەن ايەلىممەن جانە بالالارىممەن اڭگىمەلەسۋدى قالار ەدىم.

30–60 مينۋت دەنە جاتتىعۋلارى.

15-30 مينۋت ويلانۋ، دەمالۋ، تىنىعۋ.

1-2 ساعات وزدىگىنەن ءبىلىم الۋ.

3-5 ساعات ماتىنمەن جۇمىس ىستەۋ.

ەڭ از دەگەندە 2 ساعات بالالارمەن ويىن ويناۋ.

ەڭ از دەگەندە 1 ساعات ايەلىممەن اڭگىمەلەسۋ.

بۇل ىس-ارەكەتتەر قانداي تارتىپپەن، قايسىسى قايسىسىنان كەيىن ورىندالۋ قاجەتتىلىگى ماڭىزدى ەمەس. مۇلدە بىردەي ەكى كۇننىڭ بولۋى مۇمكىن ەمەس. ەگەر دە مەن وسى تىزىمدەگىلەردىڭ بارلىعىن جاسايتىن بولسام، وندا مەندە پوچتامدى تەكسەرۋگە، جەڭىل-جەلپى تاماقتانىپ الۋعا، ءبىر جەرگە بارىپ كەلۋگە، باسقا نارسەگە ويىمدى بولۋگە، دوسىممەن تەلەفون ارقىلى سويلەسۋگە جانە بارلىق اياق استى تۋىنداعان ىستەردى جاساۋعا ءۇش ساعاتتان ارتىق ۋاقىت قالار ەدى.

ارينە، مەنىڭ كۇندەرىمنىڭ بارلىعى ءمىنسىز كۇنگە ۇقساي بەرمەيدى. بالكىم، جارتىسى عانا شىعار. ال ەكىنشى جارتىسى، ءتىپتى ودان دا ازى، ازداعان عانا جەتىستىكتەرمەن وتەدى.

ءبىز، بارلىعىمىز دا ۋاقىتتى قالاي وتكىزەتىنىمىزدى قاداعالاي الامىز. ەگەر دە ونى جاساي الاتىنىمىزعا سەنىمدى بولماساق، وندا ءبىز ءوز ىس-ارەكەتتەرىمىز ءۇشىن وزىمىزگە جاۋاپكەرشىلىك الۋدى ۇيرەنبەي-اق كەتەمىز.

ارەكەت ەتۋگە شاقىرۋ

بىرنەشە مينۋتىڭىزدى ءبولىڭىز جانە ءوزىڭىزدىڭ ءمىنسىز كۇنىڭىزدى ەلەستەتىپ كورىڭىز.

ولارسىز ءمىنسىز كۇنىڭىزدى ەلەستەتۋ مۇمكىن ەمەس بولاتىن ىس-ارەكەتتەر ءتىزىمىن قۇرىڭىز.

ءوز ۋاقىتىڭىزدى قالاي جانە نە نارسەگە جۇمسايتىنىڭىزدى قاداعالاۋدى باستاڭىز. ءسىز وسىلاي جاساي باستاعان ساتتە، وزىڭىزگە قانشالىقتى ءجيى قارسى كەلەتىنىڭىزدى تۇسىنە باستايسىز.

ىس-ارەكەتتى ورىنداۋدان، ايتقان وڭايىراق. ءبىراق ماقساتتى جانە دايەكتى تۇردە ءومىر سۇرۋگە ابدەن بولادى. بالكىم، زياندى ادەتتەردى پايدالى ادەتتەرگە اۋىستىرۋعا بولادى. بالكىم، ءوزىڭىز قالاعان ادام بولۋىڭىزعا بولادى.

ىنتالاندىرۋ جانە ءوزىن-وزى رەتتەۋ تەورياسى

ەگەر سىزگە ىنتالاندىرۋ جەتىسپەسە، وندا ءسىزدىڭ ماقساتىڭىزدىڭ شەشىلمەگەن ماسەلەلەرى بار سياقتى. ءسىز نە وزىڭىزگە ماقساتتى دۇرىس قويماعانسىز، نە ولار ناقتى ەمەس بولىپ تابىلادى، نە بولماسا ءسىز ولارعا قول جەتكىزۋ ءۇشىن جەتكىلىكتى ۋاقىت بولمەگەنسىز.

دۇرىس قويىلعان ماقساتتار بىزگە پسيحولوگيالىق دەڭگەيدە قالاي اسەر ەتەتىنىن كورەيىك. ءوزىن-وزى رەتتەۋ – بۇل پسيحولوگيالىق پروسەسس، ول ءبىزدىڭ ماقساتتارىمىز بەن مىنەز-قۇلقىمىزدىڭ اراسىنداعى سايكەسسىزدىكتى تابادى جانە ىنتالاندىرۋدى ىسكە قوسادى: ول بىزگە ۇمتىلعان دەڭگەيىمىزگە جەتۋىمىز ءۇشىن كومەكتەسۋى ءتيىس.

سونداي-اق، ءوزىن-وزى رەتتەۋ ءۇش باعىتتا جۇمىس ىستەيدى:

ءوزىن-وزى باقىلاۋ قازىرگى ۋاقىتتا ءبىزدىڭ جاساعاندارىمىزدىڭ قانشالىقتى جاقسى ەكەندىگىن انىقتايدى.

ءوزىن-وزى باعالاۋ ءبىزدىڭ سەزىمدەرىمىز بەن ويلارىمىزدى انىقتايدى.

رەفلەكسيا ءبىزدىڭ ويلارىمىز مەن سەزىمدەرىمىز ماقساتتارىمىزعا ساي كەلە مە، سونى انىقتايدى.

جوسپاردى تەك قانا ورىنداپ قانا قويماي، ارتىعىمەن ورىنداۋ ءۇشىن، العاش ويلاعانداعىڭىزدان دا ارتىعىراق كۇش جۇمساۋ قاجەت. ءمىنسىز شارتتار كۇتۋدىڭ ورنىنا، ودان دا ناشارىن ويلاڭىز. سىزگە قاجەت بولاتىن ۋاقىت پەن شارتتاردىڭ مولشەرىن باعالاماۋدىڭ ورنىنا، ونى ارتىعىمەن باعالاڭىز.

تۇپكى ويدى جۇزەگە اسىرۋ

ارينە، ماقساتقا جەتۋ وڭاي ەمەس. ايتپەسە ءبىزدىڭ اينالامىزدا تەك قانا تابىستى ادامدار قورشاپ جۇرگەن بولار ەدى. ءبىز كوبىنەسە ىشكى جان-دۇنيەمىزدەگى ماسەلەلەردى جەڭە الماي جاتامىز، جانە ءدال وسى نارسە ءوز ارماندارىمىزعا جەتۋ جولىندا بىزگە كەدەرگى بولادى.

كوپتەگەن زەرتتەۋشىلەر، ىنتالاندىرۋمەن قيىندىق تۋىنداعان ساتتە، ادامداردىڭ ماقساتىنا ۇمتىلۋىنا قالاي قولداۋ كورسەتۋگە بولاتىندىعى تۋرالى ماسەلەگە جاۋاپ بەرۋگە تىرىستى. بارلىق ماسەلە، پسيحولوگتاردىڭ وي-پيعىلدى جۇزەگە اسىرۋ دەپ اتايتىندارىندا ەكەن. مىسالى ءۇشىن توزىمدىلىكتى دامىتۋشى مارافونشىلاردى الايىق. ولار جۇگىرۋگە قىيندىق تۋدىراتىن نۇكتەلەردى باعىندىرعاندا، ولار ديستانسيادان شىعىپ كەتكەن كەزدەگى جاعدايلار تۋرالى ويلاي باستايدى: «ەگەر مەن كورۋدى تولىعىمەن جوعالتسام، مەن توقتايمىن».

ەگەر دە ءسىز ويعا العان ناسەڭىزدەن قانداي جاعدايدا باس تارتاتىنىڭىزدى ءالى انىقتاپ الماعان بولساڭىز، وندا ءسىز توزىمدىلىگىڭىز جەتۋى مۇمكىن ۋاقىتتان دا بۇرىن ءبارىن تاستاپ كەتەتىن سياقتىسىز. ادامداردىڭ كوپشىلىگى ءوز كۇشىنىڭ ەڭ از دەگەندە 40%-ى قالعاندا توقتايدى.

ءبىراق، ءوزىڭىز ءۇشىن ويعا العان ماقساتىڭىزدان باس تارتاتىن جاعدايلاردى انىقتاپ الۋ جەتكىلىسىز. سونىمەن قاتار ءسىز، مۇنداي جاعدايلارمەن بەتپە-بەت كەلگەن ساتتەگى ءوزىڭىزدى ىس-ارەكەتىڭىزدى ويلاپ الۋىڭىز قاجەت.

مەنىڭ اعام دجەسسي – بۇعان تاماشا مىسال بولا الادى. ول ونداعان جىلدار بويى بارىپ تۇرعان شىلىمقۇمار بولاتىن، كۇنىنە بىرنەشە قوراپ شىلىم شەگەتىن. ال ءۇش جىل بۇرىن كۇتپەگەن جەردەن شىلىم شەگۋدى تاستادى. جابىققان ساتتەرىندە، نەمەسە اۋىر كۇندى باستان وتكەرگەندە، نەمەسە شىلىم شەگۋگە تۇركى بولاتىن قانداي دا ءبىر تريگگەر پايدا بولعاندا، ول وزىنە: «ەگەر دە مەن شىلىمقۇمار بولسام، ءدال ءقازىر مىندەتتى تۇردە شىلىم شەگەر ەدىم» دەيدى دە، ءارى قاراي ءوزىنىڭ جۇمىسىن جالعاستىرا بەرەدى.

مەن كوڭىلىمدى باسقاعا اۋدارعاندا – بۇل وتە ءجيى بولاتىن جاعداي، – مەن ءوزىمنىڭ كۇندەلىگىمدى الامىن دا، ءوزىمنىڭ ماقساتتارىمدى جازا باستايمىن. بۇل مەندە قايتادان ىنتالانۋدى وياتادى جانە باعىتىمدى رەتتەپ الۋعا كومەكتەسەدى.

جەتىستىككە جەتۋدى قالاعانىڭىز ازدىق ەتەدى. ءسىز جوسپار قۇرۋىڭىز جانە ەڭ ناشار جاعدايعا دا دايىن بولۋىڭىز قاجەت.

ءبىزدىڭ ۇمتىلىسىمىز كوبىنەسە جوق دەگەنگە سايادى. ءسىز ىنتالاندىرۋ دا تاۋسىلاتىن ساتكە دايىن بولۋىڭىز قاجەت. ءسىز وزىڭىزگە ىنتالاندىرۋدى قايتارۋعا كومەكتەسەتىن تريگگەردى جاساپ الۋىڭىز كەرەك.

ارەكەت ەتۋگە شاقىرۋ

ماقساتىڭىزعا برار جولدا الدىڭىزدان شىعۋى بولۋى ماسەلەلەردى ەلەستەتىڭىز (مىسالى، ءسىز قوناققا بارعاندا، سىزگە ءوزىڭىزدىڭ ەڭ سۇيىكتى دەسەرتىڭىزدى ۇسىندى). ءسىز ونى قالاي قابىلدايسىز؟

ءوزىڭىز ەلەستەتە الاتىن بارلىق ماسەلەلەر تۋرالى ويلانىڭىز. ولاردىڭ ءارقايسىسى ءۇشىن لايىقتى شەشىم ويلاپ تابىڭىز.

ول ماسەلەلەردىڭ قانداي بولسىن بىرىمەن شىنىمەن دە بەتپە-بەت كەلگەن ساتتە، ءوزىڭىزدىڭ ويلاعانىڭىزدى جۇزەگە اسىرىڭىز.

قورىتىندى

ءسىزدىڭ بۇگىنگى كۇنىڭىز قالاي ءوتتى؟ ال كەشەگى كۇنىڭىز شە؟

ەگەر دە ءبىز بۇگىننەن باستاپ ارەكەت ەتپەيتىن بولساق، وندا ماقساتىمىزدىڭ ەشقانداي دا ەرتەڭگى كۇنى بولمايدى. ءسىز ءوز كۇنىڭىزدى قالاي وتكىزەتىنىڭىز – ءسىزدىڭ كىم ەكەندىگىڭىزدىڭ جانە الداعى ۋاقىتتا كىم بولاتىندىعىڭىزدىڭ تاماشا كورسەتكىشى.

تەك قانا تاماشا بولاشاعىڭىزدىڭ بولعانىن قالاعانىڭىز جەتكىلىكسىز. ءسىز سول بولاشاقتى قانداي ەتىپ كورگىڭىز كەلەتىنىن، جانە سونداي بولاشاقپەن بۇگىننەن باستاپ ءومىر ءسۇرۋىڭىز كەرەكتىگىن بىلگەنىڭىز ءجون.

جەڭىمپازدار جەڭىسكە قول جەتكىزە باستاردان ازداعان ۋاقىت بۇرىن وزدەرىن جەڭىمپاز رەتىندە ۇستاي باستايدى. ەگەر دە ءسىز جەڭىمپاز رەتىندە ارەكەت ەتۋدى بۇگىن باستاماساڭىز، وندا ەرتەڭ جەڭىسكە جەتە المايسىز.

---