InfoHub Logo

ءبىلىم بەرۋدىڭ باستى شارتى وقۋ پروسەسىندە وقۋشىلاردىڭ قىزىعۋشىلىعىن ارتتىرا وتىرىپ، وزدىگىنەن ءبىلىم الۋعا تالاپتاندىرۋ بولىپ تابىلادى.
ماتەماتيكا ساباعىندا ويىن ەلەمەنتتەرىن پايدالانۋ وقۋشىلاردىڭ وي - ءورىسىن، تانىمدىلىق بەلسەندىلىگىن ارتتىرادى. وقۋشىلاردى تاپقىرلىققا باۋلىپ، زەيىنىن، ويلاۋ قابىلەتىن دامىتۋدى ماتەماتيكالىق ءسوزجۇمباق شەشۋدىڭ ماڭىزى زور.
وقۋشىلاردىڭ تانىمدىق بەلسەندىلىگىن جەتىلدىرۋدە، ءبىلىم ساپاسىن ارتتىرۋدا توپقا ءبولىپ وقىتۋدىڭ ماڭىزى زور. قازىرگى كەزدەگى عىلىم مەن تەحنيكانىڭ دامۋ دەڭگەيى ءاربىر وقۋشىدا ساپالى جانە تەرەڭ ءبىلىم ىسكەرلىكتىڭ بولۋىن، ولاردىڭ شىعارماشىلىقپەن جۇمىس ىستەۋىن، ويلاۋعا قابىلەتتى بولۋىن تالاپ ەتەدى.
ماتەماتيكا ءپانىن وقۋىتۋ پروسەسىنىڭ نەگىزگى ماقساتى - ارنايى پەداگوگيكالىق ادىستەرمەن ماقساتى جۇيەلى تۇردە پايدالانىپ، وقۋشىلاردىڭ شىعارماشىلىق ويلاۋىن، عىلىمي كوز قاراسى مەن بەلسەندىلىگىن قالىپتاستىرۋ، ءوز بەتىمەن ءبىلىم الۋ داعدىلارىن دامىتۋ بولىپ تابىلادى. وقۋشىلاردىڭ ءوز بەتىمەن جۇمىسىن قالىپتاستىرۋ وقۋشىنىڭ پانگە دەگەن قىزىعۋشىلىعىنان جانە قاجەتتىلىگىنەن تۋادى. ءوز ءبىلىمىن جەتەلەگەن وقۋشىلاردىڭ ءوز بەتىمەن جۇمىس ىستەۋ داعدىسىن دامىتىپ، شىعارماشىلىق بەلسەندىلىگىن ارتتىرادى. وقۋشىلار وقىتۋ بارىسىندا ءبىلىم الادى، ال سودان سوڭ ونى قولدانۋ ءارى قاراي شىعارماشىلىققا ۇيلەسەدى.

الدىمەن ماتەماتيكا ساباعىندا وقۋشىلاردىڭ شىعارماشىلىق قىزمەتىن قالىپتاستىرۋعا باعىت بەرەتىن تاقىرىپتاردى تاڭداپ الۋ قاجەت. ول ءۇشىن الدىمەن وقۋشىنىڭ دەڭگەيىن انىقتاپ، دارىندى وقۋشىنى ءبىلۋ كەرەك. دارىندى وقۋشىنى ءبىلۋ ءۇشىن مىنالاردى ەسكەرۋ كەرەك: وقۋشىنى زەرتتەۋ، وقۋشىنى قىزىقتىراتىن تاقىرىپتار، پانگە دەگەن قىزىعۋشىلىعى. وسى ءۇش ماسەلەنى پايدالانىپ، وقۋشىلارعا انكەتا سۇراعىن قويىپ، ناتيجەسىندە دارىندى وقۋشىنى انىقتاۋ كەرەك.
وقۋ پروسەسىندە وقۋشىنى زەرتتەۋ ادىستەمەسىن قولدانعان ءتيىمدى. بۇل ادىستەمە بويىنشا وقۋشىلارعا ءار ءتۇرلى دەڭگەيدەگى تاپسىرمالار بەرىلەدى. وقۋشىنىڭ قانداي تاپسىرما الۋىنا شەك كەلتىرىلمەيدى. وقۋشىلار ءوزىنىڭ تاپسىرمانى الۋ پوزيسياسىن تومەندەگى سۇراقتارعا جاۋاپ بەرۋ ارقىلى كورسەتەدى.

سۇراق: نە سەبەپتەن بۇل تاپسىرمانى تاڭداپ الدىڭ؟
ءوزىمدى سىناعىم كەلدى.
ءپان بويىنشا مۇمكىنشىلىگىمدى بىلگىم كەلدى.
پانگە دەگەن قىزىعۋشىلىق.
وسى عىلىم سالاسىندا كوپ بىلگىم كەلدى.
كەلەشەكتەگى ءبىلىم الۋىما وسى ءپان قاجەت.
ءپان بويىنشا جەتىستىككە جەتەتىنىمە سەنەمىن.
وقۋ جەڭىل.
قيىنشىلىقتى جەڭگىم كەلەدى.
مۇعالىمگە ۇناۋ.
كوپ بىلەتىن ءبىلىم ادام بولۋ.
ءوز بەتىمەن ءومىر سۇرۋگە دايىن بولۋ.
مادەنيەتتى، جان دۇنيەسى باي، قوعامعا پايدالى ادام بولۋ.
وقۋشى ماتەماتيكا پانىنەن شىعارماشىلىعىن قالىپتاستىرۋ ءۇشىن مىناداي تالاپتاردى ورىنداۋ قاجەت:
وقۋلىقتاعى ماتەريالدى وقۋ.
تاقىرىپتاعى نەگىزگى تۇسىنىك پەن زاڭدىلىقتى مەڭگەرۋ.
ءبىر تاقىرىپ بويىنشا بايانداما جاساۋ.
باقىلاۋ جۇمىسىنا، سىناققا، ەمتيحانعا جاقسى دايىندالۋ.
تاڭداپ الىنعان تاقىرىپقا ءوز بەتىمەن زەرتتەۋ جۇرگىزۋ.
تاقىرىپتاعى قۇبىلىستاردى ءتۇسىنۋ.
تاقىرىپ بويىنشا ەسەپتەردى نەمەسە پروبلەمالاردى شەشۋ.
سىناقتان جاقسى باعا الۋ.
ماتەماتيكا ساباعىندا وقۋشىلاردىڭ شىعارماشىلىعىن قالىپتاستىرۋ ءۇشىن ساباقتا جاڭا تەحنولوگيا تۇرلەرىن قولدانۋعا بولادى. ولار دەڭگەيلەپ وقىتۋ تەحنولوگياسى، مودۋلدىك وقىتۋ تەحنولوگياسى جانە تاعىدا باسقالار.

وقۋشىلاردىڭ شىعارماشىلىق ىزدەنىستەرىنىڭ دەڭگەيلەرىن كوتەرۋ پروسەسى ءتورت كەزەڭنەن تۇرادى.
ءبىرىنشى كەزەڭ - ءمۇعالىم وقۋشىنىڭ قاراپايىم تانىم ارەكەتىمەن تانىسادى. ۇلى ادامداردىڭ ەسەپتەرىن، تاريحي ەسەپتەردەن، ەرتەگى ەسەپتەردى شىعارۋ ادىستەرى كورسەتىلگەن ەسەپتەردى جيناقتاپ رەفەراتتار دايىنداۋعا ۇيرەتەدى. لوگيكالىق ويلاۋدى قاجەت ەتەتىن قىزىقتى ەسەپتى جەڭىلدەرىنەن باستاپ تاقىرىپقا جەتەلەيتىن ءازىل ەسەپتەردى شىعارۋ بارىسىندا پانگە دەگەن قىزىعۋشىلىعىن ارتتىرىپ، ءوز بەتىمەن جۇمىس ىستەۋگە باۋلۋ كەرەك. وقۋشىنىڭ ءاربىر باسقان قادامىنا كوڭىل ءبولىپ باقىلاپ وتىرعان ءجون. سوندا وقۋشى ءوز مۇمكىندىگىنە سەنىپ، قىزىعۋشىلىعى ارتادى. كەيبىر جەكە ەسەپتەردى شىعارۋ بارىسىندا كىتاپپەن جۇمىس ىستەۋگە، شىعارىلعان ەسەپتەردى وقىپ تۇسىنۋگە، سوعان ۇقساس ەسەپتەردى تاۋىپ شىعارا بىلۋگە كومەكتەسەدى. ەسەپتەردىڭ شىعارىلۋىنا نۇسقاۋ بەرىپ، ءوز بەتىمەن ورىنداۋىنا مۇمكىندىك بەرەدى.

ەكىنشى كەزەڭ - بۇل كەزەڭدە ءمۇعالىم ەسەپ شىعارۋدىڭ ءار ءتۇرلى ءادىس تاسىلدەرىن كورسەتىپ، تالقىلاي وتىرىپ قولايلىسىن، ءتيىمدىسىن تاڭداي بىلۋگە ۇيرەتەدى. بەرىلگەن تاپسىرمالاردىڭ بىرنەشە ادىسپەن شىعارىلۋىن تالاپ ەتەدى. كەيبىر جاڭا ماتەريالدى وقۋشىنىڭ ءوز بەتىمەن وقىپ، ءار ءتۇرلى قيىندىقتاعى تاپسىرمالاردى وقۋ قۇرالدارىن، انىقتامالاردى پايدالانىپ، شىعارۋ كەرەك. ەسەپتەردى شىعارۋدىڭ قالىپتان تىس ادىستەرىن قولدانا بىلۋگە ۇيرەتەدى.

ءۇشىنشى كەزەڭ - بۇل كەزەڭدە وقۋشىعا وتە ۇلكەن جاۋاپكەرشىلىك جۇكتەلەدى. وسى كەزەڭدە وقۋشى نەگىزگى دەڭگەيگە شىعادى. مۇندا وقۋشى سىنىپتان تىس قوسىمشا وقۋعا جالپىلاما قورىتىندى جاساي بىلۋگە ۇيرەنۋ كەرەك. وقۋشىلار ءوز جۇمىسنا اناليز جاساپ، قاتەلەردى بولدىرماۋ ءۇشىن نەنى ءالى جەتىك بىلمەيمىن دەگەن ماقساتتا ءوز جۇمىسىن قورىتىندىلاپ، الداعى جۇمىسىنا جوسپار قۇرا ءبىلۋدى ۇيرەنۋ كەرەك.