InfoHub Logo

قىزىلوردا وبلىسى، شيەلى كەنتى،
№48 ءا. قوڭىراتبايەۆ اتىنداعى ورتا مەكتەپ
ماتەماتيكا - ينفورماتيكا ءپانى ءمۇعالىمى
ۋاشيەۆ مىرزاعالي

ساباقتىڭ تاقىرىبى: ماتەماتيكالىق ەستافەتا
ماقساتى: بىلىمدىلىك: وقۋشىلاردىڭ ويلاۋ قابىلەتىن، وي ۇشقىرلىعىن، وقۋعا ىنتاسىن ارتتىرۋ؛
دامىتۋشىلىق: ۇيىمداستىرۋشىلىق قابىلەتىن دامىتۋ؛
تاربيەلىك: وقۋشىلاردى ۇيىمشىلدىققا، ناقتى پانگە قىزىعۋشىلىققا، جاۋاپكەرشىلىككە، ءوزىن - ءوزى تاربيەلەۋگە تاربيەلەۋ؛
كورنەكىلىگى: بەزەندىرىلگەن زال، ناقىل سوزدەر، كارتوچكالىق تاپسىرمالار، لوگيكالىق ەسەپتەر، ءار توپقا دايارلانعان ۇستەل.
ءتۇرى: توپتىق سايىس ساعاتى
ءتيپى: ويىن تۇرىندە

جوسپارى:
1. ماتەماتيكالىق ەستافەتا
2. قاتەلەسپە
3. جۇمباقتار
4. شىرپىمەن ويىن
5. “سيقىرلى كۆادرات”
6. كوڭىلدى ساناۋ
7. بىردەن سىزىپ شىق
8. قورىتىندى

قايىرلى كۇن ءقادىرلى كورەرمەندەر! بارشاڭىزعا «ماتەماتيكالىق ەستافەتا» اتتى ماتەماتيكالىق سايىسىنا قوش كەلدىڭىزدەر! (بۇگىنگى ويىن توپتىق سايىس تۇرىندە وتەدى.).«جالىن» توبى مەن «تۇلپار» توپتارىن ورتاعا شاقىرۋ.
ويىن - تولقىن، اينالعان قاتتى اعىسقا،
تابىلعانداي تانىم دا، جات داۋىس تا.
بىرەۋ وزىپ كەلەدى قاتارىنان،
بىرەۋ ءمىنىپ جاتقاندا اپتىعىستا.
ويىن - تولقىن، جاتقانداي اسىپ، تاسىپ،
بىرەۋ مىعىم، بىرەۋلەر شالىس باسىپ.
بۇل ويىننان وتەدى عۇلاما ويلار،
جەڭسەڭ دە، جەڭىلسەڭ دە قالما جاسىپ.

ءى ءبولىم. ماتەماتيكالىق ەستافەتا
1. ەڭ ۇلكەن ءۇش تاڭبالى سان؟ (999)
2. جۇلدىزدار جۇيەسىن قالاي اتايدى؟ (گالاكتيكا)
3. ديامەتردىڭ جارتىسى؟ (راديۋس)
4. بولگىشتەرىنىڭ سانى ەكىدەن كوپ ناتۋرال ساندار (قۇراما ساندار)
5. الىمى بولىمىنەن كىشى بولشەك /دۇرىس بولشەك/
6. ساننىڭ ەڭ كىشى ورتاق ەسەلىگىن قالاي تابامىز؟
7. وڭ جانە تەرىس سانداردى قالاي اجىراتامىز؟
8. المانىڭ جارتىسى نەگە ۇقسايدى؟ (ءوزىنىڭ جارتىسىنا)
9. ءۇش سىزىقتان پايدا بولعان فيگۋرا؟(ءۇشبۇرىش)
10. 1/10 سانىنىڭ كەرى سانى؟ (10)
11. بەس جارىم تاياقتىڭ نەشە ۇشى بار؟(12)
12. شاحمات ويىنىنىڭ وتانى
13. كومپيۋتەردىڭ نەگىزگى قۇرىلعىلارىن اتا
14.“ميلليون” دەگەن ءسوزدى قازاق اراسىنا جەتكىزگەن اعارتۋشى؟

جۇرگىزۋشى: كەلەسى «قاتەلەسپە!» دەپ اتالادى. بۇل بولىمدە تاڭداپ العان فيگۋرالارىڭىزداعى ءۇشبۇرىشتاردىڭ سانى قانشا ەكەنىن ايتاسىزدار.

 جارىس زاڭى ەجەلدەن،
 جەڭىمپازدى انىقتاۋ.
 جەڭىمپاز بولۋ شارتى سول،
 ەڭبەكتەنۋ جالىقپاۋ - جەكە – جەكە سۇراقتار قويىلادى، جىلدام تەز جاۋاپ بەرۋى قاجەت.

جۇرگىزۋشى: IV ءبولىم. «ويلانىپ كور» دەپ اتالادى. جۇمباقتار وقىلادى، سول جۇمباقتاردىڭ دۇرىس جاۋاپتارىن جازۋ كەرەك. ءار دۇرىس جاۋاپ 30 ۇپاي.

1. ءوزى ءتورت قاناتتى جانە التى اياقتى،
سويتسە دە تىكۇشاقتىڭ كوشىرمەسى سياقتى. (ينەلىك)

2. ەكى اعايىندى،
ەكەۋى دە ءبىر ۇيدە
ءبىرىن - ءبىرى كورمەيدى. (كوز)

3. بەس ءىن، بەس ءىننىڭ اۋزى ءبىر ءىن. (قولعاپ)

4. ون ءبىر تۇيە، بەس جىلقى،
ەكى سيىر بەس ەشكى
ەكى قويان، ءۇش تۇلكە
تابا الماساڭ بوس كۇلكى. (28)

5. ءبىر - بىرىمەن جارىسقان
ءتورت ايۋ، ءبىر ارىستان،
ەكى قوي مەن ءبىر تۇلكى
ءبارى نەشەۋ كىم ءبىلدى؟ (8)

6. تۇيە، بوتا اڭ باسقان
ءتورت اياعىن تەڭ باسقان
شۇناق قۇلاق بەس ەشكى
قوس لاقتى قوس ەشكى
ءتورت قوزىلى ەكى قوي،
ءبارىن بىرگە ساناپ قوي. (15)

7. نارسەلەردى ساناعاندا
كەرەك ول بىزگە اۋاداي،
ايتىڭدارشى بۇل قانداي سان،
جان - جاعىنا قاراماي. (ناتۋرال سان)

8. ءبۇتىن، بولشەك بولىكتەردەن،
بارلىعىدا بار وندا
بۇل قانداي سان ايتىڭدارشى
وڭ، تەرىس سان ءبارى سوندا. (وندىق بولشەك)