ماۋقاي قۋ تۋرالى
ەل راسىندا ماۋقاي توعايباي ۇلى دەگەن ادام بولعان. ونى «ماۋقاي قۋ» دەپ اتايدى. ءوزىنىڭ قۋلىعىمەن وسى وڭىرگە اتاعى شىققان ادام ەدى. جاس كەزىمدە تالاي كورگەنبىز. ءبىزدىڭ ۇيگە دە كەلىپ، تالاي قوناق بولعان ادام. ول كەزدەرى جاس بولىپ تالاي ايتىلعان سوزدەرگە نازار اۋدارماپپىز عوي...
جارىقتىق وتە شەشەن ادام ەدى. بۇل ماۋقايدىڭ اتاسى كەلدىبەكتەن تاراعانى التاۋ ەدى. ەڭ ۇلكەنى قازىبەك، ودان كەيىنگىلەر: سادىبەك، بودەنە باتىر، اسان، بالاپان، ۇسەن. ال ماۋقايدىڭ اتا-تەگى وسى — اسان. ەندى ماۋقاي قۋ تۋرالى بۇرىندارى ايتىلاتىن اڭگىمەلەر وتە كوپ ەدى. ءقازىر قارتايعاندىكى مە، كوبىن ۇمىتىپ قالعان ەكەم. سەندەرگە بىلەتىنىمدى ايتىپ كورەيىن.
«ءبىر جولى ماۋقاي اباي اۋلىنا كەلەدى ەكەن. ول كەزدە ماۋقايدىڭ ورتا جاسقا كەلىپ، اقىل توقتاتقان كەزى ەكەن. سودان اباي ءۇيىنىڭ الدىنا كەلىپ، ات باسىن تىرەيدى. ۇيدەن قىزمەتكەرلەرى شىعىپ، اتتىڭ باسىن بايلاپ، ءوزىن اتتان ءتۇسىرىپ الادى. قىزمەتشىلەردىڭ بىرەۋى جۇگىرىپ كەلىپ، ابايعا ماۋقايدىڭ كەلگەنىن ايتادى ەكەن. سوندا اباي ماۋقايدىڭ جاسى كىشى ەكەنىن ەسكەرىپ، سىرتقا شىعۋدى ءجون كورمەي، تەرىس قاراپ جاتادى ەكەن.
ەندى ۇيگە كىرە بەرگەن كەزدە، ماۋقاي كىلت تۇرا قالادى دا:
— ەي، اباي! سەنىڭ العاشىندا ازان شاقىرىپ قويعان اتىڭ ىبىراحىم ەدى. دۇنيەنىڭ ءتورت بۇرىشىن ابايلاپ تۇرسىن دەپ اباي قويعان ەكەن. ال سەن بولساڭ وسكەنباي مەن قۇنانبايدان اسا الماي قالعان ەكەنسىڭ»، — دەپ ايتىپتى-مىس دەگەن اڭگىمە بار.
You Might Also Like
-
اۋىلدا، بولىستا قىزىلبورىك بولىپ ىستەيتىن اپەرباقان ءبىر شابارمان اۋىلعا ءجيى كەلىپ، كەزدەسكەن ادامداردىڭ ءبارىن جازىقسىز جازعىرىپ، ەلدىڭ مازاسىن الا بەرىپتى. سول اۋىلدا بىرىمەن-بىرى قاتتى وينايتىن ەك...
-
مايدان دالاسىنا جاڭا كەلگەن سولدات تالاي-تالاي شايقاسقا ءتۇسىپ شىققان ەفرەيتوردان قالاي سوعىسىپ جۇرگەنىن سۇرايدى. سوندا ەفرەيتور وعان باسىنان كەشكەن بار وقيعانى ايتىپ بەرەدى.
