InfoHub Logo

ماحاببات – ءومىر ءنارى
ساباقتىڭ ماقساتى: ادام بويىنداعى ماحاببات سەزىمىن، وزىنە، وزگەگە دەگەن سۇيىسپەنشىلىگىن تانىپ، ونى قۇرمەت تۇتۋعا باۋلۋ.
مىندەتتەرى: ماحابباتتىڭ بار ادامعا ورتاق كوپ قىرلى، ونىڭ تەك قانا ادامعا ءتان ىڭكارلى سەزىم ەكەنىن ءبىلدىرۋ؛ -
ادامدى، تابيعاتتى، ءومىردى سۇيە بىلۋگە ونى قۇرمەتتەپ، ءقادىر تۇتۋعا باۋلۋ؛ -
ادامگەرشىلىككە، سەنىمدىلىككە، سەزىمتالدىققا، نازىكتىككە تاربيەلەۋ؛ -

ساباق بارىسى: 1. ۇيىمداستىرۋ كەزەڭى.
تىنىشتىق ءساتى. مۋزىكا قوسىلادى.
ىڭعايلانىپ وتىرىڭىز، كوزىڭىزدى جۇمىڭىز دەنەڭىزدى بوساتىپ تىنىشتالىڭىز. كوز الدىڭىزعا ەندى اتىپ كەلە جاتقان شۋاقتى تاڭدى ەلەستەتىڭىز. ءسىز تاۋعا الىپ بارار جالعىز اياق جولمەن كەلە جاتىرسىز. تازا اۋا، سالدىرلاعان ءمولدىر بۇلاق سۋى، قۇستاردىڭ سايراعان داۋىسى، ءسىز جەڭىل دەم الۋداسىز، ءسىز كۇش قۋاتقا تولىسىز. جەر اناعا، تابيعاتقا دەگەن ماحاببات، سۇيىسپەنشىلىك بارلىعى وزىڭە دەگەن ماحابباتپەن تىعىز بايلانىستى. كۇن شۋاعى سىزگە ساۋلە شاشۋدا، سامال جەل ءسىزدىڭ شاشىڭىزدى تەربەتىپ سىزگە كورىك بەرۋدە. بۇكىل تابيعات كۇشى سىزگە ءوز ماحابباتىن سىيلاپ، ءسىزدى تاڭ نۇرىمەن قارسى الادى. ال ەندى بۇل كۇش ءسىزدىڭ بۇكىل دەنەڭىزگە ءسىڭىپ، قۋات بەرىپ تۇرعانىن سەزىنىڭىز. بۇل كۇشپەن وزىڭىزگە جاقىن ادامدار مەن دوستارىڭىزبەن ءبولىسىپ جاتقانىڭىزدى ەلەستەتىڭىز، بۇل قۋات ءسىزدىڭ ومىرىڭىزبەن تىعىز بايلانىستى. ءسىز الەمدەگى ەڭ باقىتتى جانسىز.

ءۇي تاپسىرماسىن تەكسەرۋ:
- سەندەردى جاقسى كورەتىن ادامدارعا قالاي جاۋاپ بەرىپ جۇرسىڭدەر.
- انا مەن بالانىڭ اراسىنداعى قانداي ماحاببات.
- قىزبەن جىگىت
- تۋعان جەر، تابيعات قانداي سەزىم تۋدىرادى؟
- ءمولدىر ماحاببات، شىنايى ماحاببات، ۇعىمدارىنا انىقتاما بەرەر ەدىڭدەر.
اڭگىمەلەسۋ:
ەي، پەرزەنتىم، ادامنىڭ تابيعي سۇلۋلىعى(سىپايى، بيازى مىنەزى) بولماسا، عاشىق بولا المايدى، ويتكەنى ماحاببات دەگەننىڭ ءوزى تابيعي سۇلۋلىققا بايلانىستى ەكەنى داۋسىز. تابيعي سۇلۋلىق دەگەنىمىز – ونىڭ ۇنامدىلىعى. ءاربىر ۇنامدى مىنەز - قۇلىق پەن كەلىسىمدى كورىكتەن ادەمىلىك پايدا بولادى. ەگەر سەن عاشىقتىقتى كوڭىلدىڭ ەركىنە بەرسەڭ، لاجسىزدان قۇمارلىقتىڭ ق ۇلى بولاسىڭ.
اباي جولى( ءۇزىندى)
- توعجان سۇلۋ ەتىپ تۇرعان قانداي كۇش؟
- ماحابباتتىڭ ادام ومىرىنە، ونىڭ اينالاسىنداعىلارعا اسەرى قانداي؟

دايەكسوز:
«وزىڭە دەگەن ماحاببات – تاماشا نارسە، وتكەنى ول - ادامنىڭ ءوز قابىلەتىن سەزىنگەننىڭ بەلگىسى» (ت.گوبباس).
- وسى دايەكسوز ءسوزدىڭ ماعىناسىن قالاي اشار ەدىڭىز؟ «وزىڭە دەگەن ماحاببات» دەگەن سويلەمدى قالاي تۇسىنەسىڭدەر؟

شىعارماشىلىق جۇمىس، توپتىق جۇمىس.
وقۋشىلاردى 3 توپقا ءبولۋ.
تۋعان جەر تابيعاتقا دەگەن ماحاببات، وزىڭە دەگەن ماحاببات، العاشقى ماحاببات تاقىرىپتارى بويىنشا ءار توپ پىكىرلەرىمەن اشىپ قورعاۋ.
توپپەن ءان ايتۋ: العاشقى ماحاببات

ءۇي تاپسىرماسى:
1) ءار قايسىمىز وزىمىزگە، ءوز جۇرەگىمىزگە تىلەك كەمەسى ارقىلى حات جازامىز، جسسە جازۋ.
2) «عاشىقتىق عالاماتى» ءماتىنىڭ وقىپ كەلۋ.
ءپوزيتيۆتى كۇيگە كەلۋ: باياۋ اۋەن قويىلادى.
ماحاببات ول – ۇلكەن قۇدىرەتتى كۇش. ماحاببات ول – سەنىمدى دوس، ماحاببات ول – شەكسىز باقىت.
كوزىمىزدى جۇمىپ، ەركىن جايعاسايىق. ەندى، بۇگىنگى وتكەن ساباعىمىزدان نەنى تۇسىندىك، قانداي جاقسى نارسەلەردى ۇيرەندىك، وزىمىزگە نەنى الدىق، سول جونىندە ويلانايىق. وسىنىڭ بارلىعىن جۇرەگىمىزگە سالىپ، كوكەيىمىزگە ءتۇيىپ الايىق. جايلاپ، كوزەرىڭىزدى اشۋعا بولادى.
بۇگىنگى كەرەمەت ساباق ءۇشىن سىزدەرگە كوپ راحمەت!!!!