InfoHub Logo

جاراتىلىستىڭ بىزگە سىيلاعان سەزىمدەرىنىڭ ءبىرى-ماحاببات. ادام ومىرىندە ويدا جوقتا پايدا بولىپ، كەنەتتەن جان-دۇنيەڭدى تۇسىنىكسىز كۇيگە ەنگىزەدى. وزگە الەمگە تاپ بولعانداي وزگەشە سەزىمدە بولاسىڭ. ءبىر جاننان وزگەنى بايقاماي، كوزىڭدى شەل باسادى. ماحاببات سەزىمىن سەزىنىپ، عاشىق جانداردىڭ كوزى بايلاۋلى بولادى. ءمىنسىز ادام بولمايتىنى بارلىعىمىزعا ءمالىم. ال، سەنىڭ سۇيىكتىڭدە ءبىر ءمىن جوقتاي كورىنەدى. ءيا، ءقازىر ەكى جاننىڭ اراسىنداعى ماحابباتتى بايانداماقشىمىن. عاشىق ادام وز-وزىنە ۇكساماي كەتۋى قالىپتى جاعداي. ادام جارىمەن كەزدەسكەندە، ميدىڭ جۇيكە تىزبەكتەرى باسىلادى. سوندىقتان، قابىلدانعان شەشىم قاتە بولۋى مۇمكىن. ءتورت مينۋت-اداممەن قارىم-قاتىناس بولا الاتىنىن تۇسىنۋگە جەتكىلىكتى. سونىمەن قاتار، جاقىنىڭدى قۇشاقتاۋ ارقىلى تابيعي اۋرۋدى باسۋعا بولادى. عاشىق بولۋ كەزىندە ادامنىڭ گورمونىنىڭ دەڭگەيى جوعارىلايدى، سول سەبەپتى قىزعانىش سەزىمى پايدا بولا باستايدى. جالپى، ماحاببات جايلى ۇزدىكسىز ايتا بەرۋگە بولادى. «دۇنيەدە ماحاببات بولماسا، تابيعاتى ساراڭ كىسى بۇرىنعىسىنان دا ساراڭ، ال جاراتىلىسى قاتتى ادام ودان دا قاتۋلانا تۇسەر ەدى»، -دەمەكشى، جۇرەكتەردى جۇمسارتىپ، ادامداردى مەيىرىمدى ەتەتىن وسى –ماحاببات. اقىن-جازۋشىلاردىڭ شىعارمالارى مەن ءان-جىرلاردان تابىلاتىن تىلسىم سەزىمدى سەزىنىپ كورۋ ءبىر باقىت. ماحاببات وتكىنشى ءبىر سەزىم ەمەس. شىن ماحاببات سىيلاستىق، سۇيىسپەنشىلىك، ادالدىقتان تۇرادى. ماحاببات -الەمدەگى ەڭ شىنايى ءارى نازىك سەزىم. قوزى كورپەش بايان سۇلۋ، قىز جىبەك پەن تولەگەن، ەڭلىك كەبەك اراسىنداعى ماحابباتتى ايتا كەتكەن ءجون بولار. ناعىز ماحابباتتىڭ ۇلگىلەرى. ماحابباتتىڭ شىنايىلىعىن ءبىلۋ ءۇشىن جۇرەگىڭنىڭ ۇنىنە ۇڭىلگەن ءجون بولار. ادام بالاسىنىڭ جۇرەگى ەشقاشان الدامايدى.

نۇعىمان ايدانا

---