مۇعالىمدەر جۇمىسقا سيفرلىق الاڭ ارقىلى قابىلدانادى
ەلىمىزدە 1200 پەداگوگ اسيستەنت ءبىلىم ساپاسىن ارتتىرۋعا ۇلەس قوسىپ ءجۇر. بۇل جاڭاشىلدىق تۋرالى ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.
جازبادا مينيستر پەداگوگتەردى جۇمىسقا قابىلداۋ ديرەكتورلاردىڭ جەكە دارا قالاۋى بويىنشا ىسكە اسپايتىنىن ەسكە سالدى.
«ەندى ناقتى كريتەرييلەر بەلگىلەنىپ، مۇعالىمدەر جۇمىسقا قىزمەتىنىڭ ناتيجەسى مەن جەتىستىكتەرى نەگىزىندە كونكۋرس ارقىلى ورنالاسادى. بيىل بۇل ءراسىم سيفرلىق فورماتقا كوشىرىلەدى»، - دەيدى ۆەدومستۆو باسشىسى.
ونىڭ ايتۋىنشا، 2021 جىلى پەداگوگتەردەن باسى ارتىق ەسەپتەر سۇراتىپ، ءمۇعالىمدى كاسىبي مىندەتىنە كىرمەيتىن جۇمىستارعا تارتقان جۇزدەگەن باسشى مەن لاۋازىمدى تۇلعا جازالانعان.
«وتكەن جىلى العاش رەت ەرەكشە قاجەتتىلىكتەرى بار بالالارمەن جۇمىس ىستەيتىن پەداگوگ-اسسيستەنت قىزمەتى ەنگىزىلدى. بۇگىندە ەلىمىزدەگى مەكتەپتەردە وسىنداي 1200 ءمۇعالىم جۇمىس ىستەيدى. بۇل – ينكليۋزيۆتى ءبىلىم بەرۋدى دامىتۋ بويىنشا ماڭىزدى شارا. سونداي-اق 2021 جىلى رەسپۋبليكا بويىنشا 50-گە جۋىق ينكليۋزيانى قولداۋ كابينەتتەرى اشىلدى، پسيحولوگيالىق-مەديسينالىق-پەداگوگيكالىق كابينەتتەر سانى 12 بىرلىككە ءوستى، پسيحولوگيالىق-پەداگوگيكالىق تۇزەتۋ كابينەتتەرىنىڭ سانى 13-گە ءوستى. اۋتيزم ورتالىقتارى نومەنكلاتۋراعا ەنگىزىلدى»، - دەپ جازدى اسحات ايماعامبەتوۆ.
You Might Also Like
-
جاراتىلىستىڭ بىزگە سىيلاعان سەزىمدەرىنىڭ ءبىرى-ماحاببات. ادام ومىرىندە ويدا جوقتا پايدا بولىپ، كەنەتتەن جان-دۇنيەڭدى تۇسىنىكسىز كۇيگە ەنگىزەدى. وزگە الەمگە تاپ بولعانداي وزگەشە سەزىمدە بولاسىڭ. ءبىر ...
-
ءتيىستى ديپلومى باردىڭ ءبارى ءمۇعالىم بولا المايدى. ءبىلىم جانە عىلىم مينيسترلىگى ەنگىزگەن تاۋەلسىز تەستىلەۋ ءادىسى جوو تۇلەكتەرىن ىرىكتەۋ ارقىلى عانا ءبىلىم وشاقتارىنا جىبەرۋگە باعىتتالعان. مينيستر اسحا...
