مايلاياق كەتتى دە...
يساتاي — بايسالدى، ۇقىپتى، ءارى ىستە تىڭعىلىقتى جىگىت. ول قاي جاعىنان بولسىن، وزىنە تەڭ ادام الىپ، وتباسىن قۇرۋدى ماقسات ەتتى. ويلاعانى بولدى. ءبىرسىپىرا ۋاقىت ەل-ەلدى ارالاپ ءجۇرىپ، ءوزى سۇيگەن ءبىر جاس ايەلگە ۇيلەندى.
ءسۇيىسىپ قوسىلعان ەكى جاس شارۋاشىلىق قۇراستىرا ءبىلدى، از ۋاقىتتا بايسالدى شارۋالاردىڭ قاتارىنا قوسىلدى. يساتاي سىرتتان قۇراستىرسا، ونىڭ جاس جارى اقساۋساق ءۇيدىڭ ىشكى تۇرمىسىن كەلىسىمدى ۇستاپ وتىردى.
توردەگى جۇكتى، جەردەگى توسەنىشتى، توسەك ورىن مەن كيىم-كەشەكتى جيناستىرىپ، ءتارتىپتى ۇستاۋعا سونشالىقتى ۇقىپتى بولسا دا، اقساۋساق قازان-وشاقپەن، ىدىستارمەن اينالىسۋعا جاس شاعىنان-اق يكەمسىزدەۋ بولاتىن. جەكە ءۇي بولسا دا، سول ادەتى وزگەرمەدى، سۇيرىكتەي اپپاق ساۋساعىن اياق-تاباققا مالىپ، كىرلى ساۋساق بولا المادى. سولاي بولا تۇرسا دا، نەلىكتەن ەكەنى بەلگىسىز، ول ءۇيدىڭ ىدىستارى ۇنەمى تاپ-تازا بولىپ تۇردى.
بۇل قۇپيانىڭ سىرى كەيىنىرەك اشىلدى. مالعا، ۇيگە اباي بولسىن دەپ يساتاي ءبىر كۇشىك اسىراپ وسىرگەن، ونى مايلاياق (مايلى اياق) دەپ اتاعان بولاتىن. مايلاياق يەسى ويلاعانداي سەنىمدى كۇزەتشى بولدى: مال قوراسىنا، ءۇي ماڭىنا بەسەۋبەت ادامداردى جولاتپادى. يت بولسا دا سەنىمدى سەرىك بولعان مايلاياققا كۇندىز دە، تۇندە دە ءۇيدىڭ ەسىكتەرى اشىق تۇردى. اقساۋساق وعان ارناۋلى اس بەرگەن جوق، بوس تۇرعان قازانداعى قالدىقتار مەن اياق-تاباقتاعى سارقىنداردى ىشىپ-جەپ، جالاپ، تويىنىپ جۇرە بەردى، ءتىپتى تۇگىن تارتسا، مايى شىعاتىنداي بولىپ سەمىرىپ الدى.
سول مايلاياق كەنەت اۋىرىپ، ءولدى. اياق-تاباق جۋىلىپ، سۇرتىلمەدى. سوعان نالىعان اقساۋساق: «مايلاياق كەتتى دە، وسى ۇيدەن تازالىق كەتتى»، — دەپتى.
You Might Also Like
-
الكە اۋىلىنىڭ ءبىر جىگىتى كورشىلەس ەلدەن قىز الىپ قاشادى. قىز يەلەرى اشۋلى تۇردە جىگىتتىڭ اۋىلىنا كەلىپ: «قىزىمىزدى بەرىڭدەر، ايتپەسە ونىڭ ورنىنا سەندەردەن ەكى-ۇش قىز الامىز»، — دە...
-
سول ماڭداعى ەلدىڭ بىلىكتى ادامدارىنىڭ ءبىرى ەسەتتىڭ جاز دا، قىس تا ءوزى عانا ءمىنىپ جۇرەتىن قارا الا اتى بولادى. ونىڭ ادەتى — يەسى ارباعا، يا شاناعا وتىرىسىمەن الا جونەلەدى، ەشكىمگە بوي بەرمەيدى.
