InfoHub Logo

كۇندەلىكتى ساباق جوسپارى، قازاق ادەبيەتى 10 سىنىپ.
تاقىرىپتار:
1. ءحىح عاسىر ادەبيەتى
2. دۋلات باباتاي ۇلى
3. ماحامبەت وتەمىس ۇلى
4. ابىل تىلەۋ ۇلى
5. مايلىقوجا سۇلتانقوجا ۇلى

ساباقتىڭ تاقىرىبى: مايلىقوجا سۇلتانقوجا ۇلى
ساباقتىڭ ماقساتى: ا) مايلىقوجا سۇلتانقوجا ۇلىنىڭ شىعارمالارى تاعلىمدىق شىعارما ەكەنىن ءتۇسىندىرۋ؛
ءا) وقۋشىلاردىڭ سويلەۋ ءتىلىن جەتىلدىرە وتىرىپ، شەشەندىك ونەرگە باۋلۋ؛
ب) وقۋشىلاردىڭ ءبىلىمىن باقىلاۋ ارقىلى مانەرلەپ وقۋعا داعدىلاندىرۋ؛
ساباقتىڭ ءتۇرى: ارالاس ساباق
ساباقتىڭ ءادىسى: سۇراق - جاۋاپ، دامىتا وقىتۋ.
ساباقتىڭ كورنەكىلىگى: كىتاپتار، سلايدتار
ءپانارالىق بايلانىس: تاريح

ساباقتىڭ بارىسى:
ا) ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋ قۇرالدارىن تەكسەرۋ. سىنىپتىڭ تازالىعىنا كوڭىل ءبولۋ. وقۋشىلاردىڭ زەيىنىن ساباققا اۋدارۋ.
ءا) ءۇي تاپسىرماسىن پىسىقتاۋ:
ۇيگە بەرىلگەن تاپسىرمانى سۇرايمىن. وقۋشىلارعا وتكەن تاپسىرما بويىنشا بىرنەشە سۇراقتار قويامىن.
1. ابىل تىلەۋ ۇلىنىڭ جيناقتارى قانداي اتپەن جارىق كوردى؟
2. قانداي ايتىستارىن بىلەسىڭدەر؟
3. قانداي جىرلاردى جىرلاپ جەتكىزگەن؟
ب) جاڭا ساباقتى ءتۇسىندىرۋ.
شىمكەنت وبلىسى، سارىاعاش اۋدانىندا 1835 جىلى دۇنيەگە كەلگەن. اكەسىنەن 14 جاسىندا جەتىم قالعان ول جوقشىلىق - مۇقتاجدىقتى كوپ كورەدى. جاستايىنان ولەڭ شىرقاۋدى ماشىق ەتەدى. ول قاراپايىم حالىقتىڭ كۇيزەلىسىن، ماحاببات بوستاندىعىن جىرلاپ، ادال ەڭبەككە ۇندەگەن كوپتەگەن ولەڭدەرىن جازادى. "جىگىتتىڭ كوركى - ونەرى"، "جاقسىلاردان شىققان ءسوز" شىعارمالارىندا تەرەڭ ويشىلدىڭ، سىن كوزبەن قاراۋشىلىق باسىم.
مايلىقوجا قازاق اقىندارىنىڭ ءداستۇرىن جالعاستىرعان. شىعىس ادەبيەتىنىڭ ۇلگىلەرىمەن جاقسى تانىس بولعاندىقتان، ءوز شىعارماشىلىعىنىڭ ءورىسىن كەڭەيتۋگە، ولارعا ەلىكتەپ، مول اسەر العانىن بايقاۋعا بولادى.
اقىن:
... ءمالىم بولعان حالىققا،
وتىرىك ەمەس انىق تا،
ونەر الدى — ءتىل ەدى.
سارتتان وتكەن ناۋاي
ءتىلدىڭ كاۋسار گ ۇلى ەدى.
پارسىدا ەتكەن فيردوۋسي،
زامانىندا ءدۇر ەدى.

نە جۇيرىك كەلىپ دۇنيەگە،
اياقتارىن تىرەدى.
قارسىلاسقان حاندارعا
ۇزەڭگىسىن شىرەدى...
ءبارى دە ءوتتى دۇنيەدەن،
ءبارى دە ءوتتى دۇنيەدەن،
ادام بار ما ولاردى
ەسىتكەندە كۇيمەگەن، -

دەپ، ولارعا ەرەكشە دەن قويىپ قۇرمەتپەن قاراعانىن، وزىنە ۇلگى تۇتاتىنىن ماقتانىشپەن ايتادى.

كىتاپپەن جۇمىس: مايلىقوجا سۇلتانقوجا ۇلىنىڭ تولعاۋلارىن مانەرلەپ، ناقىشىنا كەلتىرە وقيدى.
ءبىلىمدى بەكىتۋ: وتىلگەن تاقىرىپقا بايلانىستى بىرنەشە سۇراقتار قويامىن.
1. مايلىقوجا قاي جىلى دۇنيەگە كەلگەن؟
2. قانداي تولعاۋلارىن بىلەسىڭدەر؟
ءبىلىمدى باعالاۋ: وقۋشىلاردىڭ جاۋاپتارىنا، ساباققا بەلسەنە قاتىسىپ وتىرعاندارىنا قاراي بىلىمدەرى باعالانادى.
ۇيگە تاپسىرما: مايلىقوجا سۇلتانقوجا ۇلىنىڭ ءومىرى مەن شىعارمالارىن وقىپ كەلۋ.



6، 7، 8، 9، 10 ساباقتاردى قاراۋ
11، 12، 13، 14، 15 ساباقتاردى قاراۋ
16، 17، 18، 19، 20 ساباقتاردى قاراۋ