مەكتەپ ديرەكتورلارىنا ەڭبەكاقى تولەۋدە وزگەرىستەر ەنگىزىلمەك
مەكتەپ ديرەكتورلارى ءۇشىن ەڭبەكاقىنى سارالانعان تۇردە تولەۋ قاراستىرىلىپ جاتىر. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋمەتتىك كەڭەستىڭ بىرلەسكەن وتىرىسىندا ق ر بعم ۆيسە-مينيسترى اسحات ايماعامبەتوۆ ءمالىم ەتتى.
«مۇعالىمدەردىڭ ەڭبەكاقىسىنا قوسىمشا اقى ەسكەرىلگەن. الايدا مەكتەپ ديرەكتورى مەن ونىڭ ورىنباسارلارىنا، وقۋ ءىسىنىڭ مەڭگەرۋشىلەرىنە قاتىستى پروبلەما بار. ءبىز وسى ماسەلەنى اتتەستاسيا ارقىلى جۇيەلى شەشۋدى كوزدەپ وتىرمىز. قازىرگى كەزدە مەكتەپ ديرەكتورلارى ءۇش جىلدا ءبىر مارتە ازاماتتىق قىزمەتكەرلەر رەتىندە اتتەستاسيادان وتەدى. دەگەنمەن دە ول شاعىن نەمەسە ۇلكەن مەكتەپتىڭ ديرەكتورى بولۋىنا، مەكتەپتىڭ تولىقتىعىنا، سونداي-اق ديرەكتوردىڭ قانشالىقتى ءتيىمدى جۇمىس اتقارۋىنا قاراماستان، ونىڭ ەڭبەكاقىسى وسپەي كەلەدى. ياعني ۇستەمە اقى قاراستىرىلماعان»، - دەدى ايماعامبەتوۆ.
وسى ورايدا ول مينيسترلىك ورتا ءبىلىم بەرۋ ۇيىمدارىنداعى ديرەكتورلارعا جانە ولاردىڭ ورىنباسارلارىنا ەڭبەكاقىنى سارالاۋ تۋرالى ماسەلەنى قاراپ جاتقانىن جەتكىزدى.
بۇدان بولەك، ۆەدومستۆو مەكتەپ ديرەكتورى مەن ورىنباسارلارىنا جارتى ستاۆكاعا ءپان جۇرگىزۋ مۇمكىندىگىن قايتارىپ بەرۋدى ۇسىندى.
ايتا كەتەيىك، بۇگىنگى وتىرىس بارسىندا ءمۇعالىم ماماندىعىنىڭ بەدەلىن كوتەرۋ ماسەلەسى تالقىلاندى.
قازاقپارات
You Might Also Like
-
ەلباسى «قازاق ءتىلى ءالىپبيىن كيريلليسادان لاتىن گرافيكاسىنا كوشىرۋ تۋرالى» قازاقستان رەسپۋبليكاسى پرەزيدەنتىنىڭ 2017 جىلعى 26 قازانداعى №569 جارلىعىنا وزگەرىس ەنگىزدى. بۇل تۋرالى اقوردان...
-
قازاقستاندا مەكتەپتەر مەن اتا-انالار اراسىندا كەلىسىم بەكىتۋ جوسپارلانىپ وتىر. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋم...
