قازاقستاندا مەكتەپتەر مەن اتا-انالار اراسىندا شارت بەكىتىلەدى
قازاقستاندا مەكتەپتەر مەن اتا-انالار اراسىندا كەلىسىم بەكىتۋ جوسپارلانىپ وتىر. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋمەتتىك كەڭەستىڭ بىرلەسكەن وتىرىسىندا ق ر بعم ۆيسە-مينيسترى اسحات ايماعامبەتوۆ ءمالىم ەتتى.
«پەداگوگتاردى قورعاۋ وتە ماڭىزدى ماسەلە. بۇگىندە ءبىز ۇكىمەت قاۋلىسىنا وزگەرىس ەنگىزۋدەمىز، ياعني بۇل ءبىلىم بەرۋ ۇيىمدارىنا قابىلداۋدىڭ ۇلگىلىك ەرەجەسىنە قاتىستى. وسى ۇلگىلىك ەرەجەلەردە «كەلىسىمشارت» دەگەن جاڭا تۇسىنىكتى ەنگىزۋدەمىز. اتاپ ايتقاندا، بىزدە بالاباقشالاردا، ۋنيۆەرسيتەتتەردە كەلىسىمشارتتار بار. الايدا وسىنداي قۇجاتتار مەكتەپتەردە، مەكتەپ پەن اتا-انالار اراسىندا بۇگىنگە دەيىن بولعان ەمەس. سوندىقتان ءبىزدىڭ پەداگوگتاردى قورعاۋ ماقساتىندا، سونداي-اق ءار تاراپتىڭ قۇقىعى مەن مىندەتتەمەلەرىن رەگلامەنتتەۋ ءۇشىن مەكتەپتەردە مىندەتتى تۇردە كەلىسىمشارتتاردى بەكىتۋدى ەنگىزۋ تۋرالى شەشىم قابىلدادىق. بۇل تۇرعىدا كىم نە ءۇشىن جاۋاپتى ەكەندىگى ايقىندالادى. بىزدىڭشە، بۇل قادام بۇگىندە بايقالعان پروبلەمالارعا ءوز اسەرىن تيگىزەتىن بولادى»، - دەدى ايماعامبەتوۆ.
بۇدان بولەك ول مەكتەپتەردى قاجەتتى جابدىقتارمەن قامتۋ ماسەلەسىنە توقتالا كەلە، ول ءۇشىن مينيسترلىك ماقساتتى ترانسفەرت ءبولىپ جاتقانىن جەتكىزدى. بۇل باعىتتا كومپتەرلەرمەن جانە وزگە دە جابدىقتارمەن قامتاماسىز ەتۋ ماسەلەسى دە ەسكەرىلگەن. جالپى، بارلىق 7100 مەملەكەتتىك مەكتەپ سيفرلىق ءبىلىم بەرۋ رەسۋرستارىمەن قامتىلعان.
«ءبىزدىڭ ويىمىزشا وسى شارالار مۇعالىمدەرگە ەلەۋلى قولداۋ بولادى. سەبەبى بۇل قۇرالدار مەن جابدىقتاردا قاجەتتى ادىستەمەلىك ماتەريالدار قامتىلعان»، - دەدى ۆيسە-مينيستر.
قازاقپارات
You Might Also Like
-
مەكتەپ ديرەكتورلارى ءۇشىن ەڭبەكاقىنى سارالانعان تۇردە تولەۋ قاراستىرىلىپ جاتىر. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋم...
-
قازاقستان مۇعالىمدەرىنە پايىزسىز نەسيە بەرۋ ماسەلەسىن پىسىقتاۋ كەرەك. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋمەتتىك كەڭ...
