مەكتەپ وقۋشىلارىنىڭ اراسىندا سەمىزدىك 15 پايىزعا جەتىپ قالدى
دارىگەرلەر وقۋشىلار اراسىندا سەمىزدىك دەرتىنىڭ جايىلىپ بارا جاتقانىنا الاڭداۋلى. بۇل كورسەتكىش ءقازىر 15 پايىزعا جەتىپ قالعان.
مۇنداي دەرەكتى س. اسفەندياروۆ اتىنداعى قازۇمۋ امبۋلاتوريالىق-پوليكلينيكالىق كافەدراسىنىڭ اسسيستەنتى ۆيكتور شين كەلتىردى.
مامان بۇگىن №11 ەمحانا ۇيىمداستىرعان دەنساۋلىق ساباعى بارىسىندا وقۋشىلارعا كورنەكى قۇرال مەن قاي سۋسىن زياندى ەكەندىگىن، قايسىسىندا قانت كوپ ەكەندىگىن كورسەتتى.
«دۇرىس تاماقتانباۋدىڭ سالدارىنان وقۋشىلاردىڭ اراسىندا ءتۇرلى اۋرۋلار بەلەڭ الىپ بارادى. اتاپ ايتقاندا، حولەسيستيت، پانكرەاتيت، گاستريت، اسقازان جاراسى اۋرۋى ەرەسەك وقۋشىلاردى ايتپاعاندا، باستاۋىش سىنىپ وقۋشىلارى اراسىندا دا كەزدەسەدى. بالالاردىڭ اعزاسىندا دۇرىس تاماقتانباۋدان زات الماسۋ پروسەسى بۇزىلعان. سوندىقتان، سەمىزدىك 1990 جىلدارى 5 پايىز بولسا، ءقازىر 15 پايىزعا ارتتى»، - دەدى ۆيكتور شين.
ونىڭ ايتۋىنشا، قازىرگى تاڭدا مەكتەپتەردەگى تاماقتانۋ راسيونىندا رەگلامەنت جوق. مەكتەپ بۋفەتتەرىندە ءتۇرلى كونسەرۆانتتى سۋسىندار، ءتۇرلى شوكولادتار مەن قۋىرىلعان بالىشتەر، چيپسى، كيريەشكي سياقتى پايداسى از تاعامدار كەدەرگىسىز ساتىلادى.
دارىگەر وقۋشىنىڭ راسيونى قانداي بولۋ كەرەكتىگىن ايتتى.
«تاڭعى اسقا بالا جەڭىل ءارى ءسىڭىمدى تاماق، بوتقا، ءسۇت ءىشۋى ءتيىس. تۇسكى اسقا جەڭىل قورىتىلاتىن كوتلەت، اسىلعان ەت، تەفتەل، پىسكەن جۇمىرتقا، قانتى از نان جەۋى ءتيىس. تاعامدى شايمەن ىشپەگەن ءجون. شاي تاماقتىڭ پايداسىن جويادى. تۇستە جەمىس-جيدەك، ءسۇت ونىمدەرىن ءىشۋى ءتيىس. تاڭعى اسقا كۇندىك راسيوننىڭ 35 پايىزى، تۇسكى اسقا 40 پايىزى، تۇستە 10 پايىزى، كەشكى اسقا 15 پايىزى ءىشىلۋى ءتيىس»، - دەدى مامان.
ايتا كەتۋ كەرەك، بۇگىن №11 ەمحانا ۇجىمى № 87 مەكتەپتە «دەنساۋلىق ساباعىن» وتكىزدى.
1-سىنىپ وقۋشىلارى مەكتەپ الدىندا جول ەرەجەلەرىمەن تانىسسا، جوعارعى سىنىپتار دۇرىس تاماقتانۋ جولىمەن تانىستى.
You Might Also Like
-
ماڭعىستاۋ ءوڭىرى قازاقستانداعى بىردەن ءبىر جەر ءۇستى سۋ كوزدەرى جوق، قاتال تابيعاتىمەن ەرەكشەلەنەتىن، ەكونوميكانىڭ دامۋىنىڭ نەگىزگى سالالارى مۇناي مەن گاز ءوندىرۋ بولىپ تابىلاتىن، ءشول جانە شولەيت ايماق...
-
ۆilim-all.kz الەمدەگى ەڭ ادەمى 5 مەكتەپتى نازارلارىڭىزعا ۇسىنادى. بۇل مەكتەپتەر ءوزىنىڭ تەك بىرەگەي وقىتۋ باعدارلامالارىمەن عانا ەرەكشەلەنىپ قويماي، سونداي‑اق تاڭعاجايىپ ادەمى كورىنىسكە دە يە.
