مەكتەپتەردە قازاق ءتىلىن وقىتۋ بويىنشا وقۋلىقتار شەت تىلدەرىن وقىتۋ ادىستەمەسىنە نەگىزدەلەدى - ف.ورازبايەۆا
قازاق ءتىلدى ەمەس مەكتەپتەردە قازاق ءتىلىن وقىتۋدىڭ جاڭا باعدارلاماسى شەت تىلدەرىن وقىتۋدىڭ نەگىزگى قاعيدالارىنان تۇرادى.
بۇل تۋرالى پەداگوگيكالىق عىلىم دوكتورى، قازاق ءتىلدى ەمەس مەكتەپتەردىڭ وقۋشىلارىنا ارنالعان وقۋلىق اۆتورلارىنىڭ جەتەكشىسى فاۋزيا ورازبايەۆا قازاقستاندا ءۇش ءتىلدى ءبىلىم بەرۋدى ەنگىزۋگە ارنالعان حالىقىرالىق كونفەرەنسيادا مالىمدەدى.
ول وقىتۋدىڭ جاڭا باعدارلاماسى ەكسپەريمەنتتىك رەجيمدە 2015-2016 وقۋ جىلىنان باستاپ جۇمىس جاسايتىنىن جانە ەلىمىزدىڭ 41 مەكتەبىندە ەنگىزىلگەنىن ايتىپ ءوتتى، دەپ حابارلايدى primeminister.kz.
«ءبىز قازاق ءتىلىن 1-سىنىپتان باستاپ 11 سىنىپقا دەيىن دەڭگەيلى وقىتۋدى ازىرلەدىك. ول وقۋلىقتان عانا ەمەس، سونىمەن قاتار ادىستەمەلىك كەشەننەن تۇرادى: نەگىزگى وقۋلىق، مۇعالىمگە ارنالعان كىتاپ، ديداكتيكالىق ماتەريال، لەكسيكالىق مينيمۋم سوزدىگى جانە جازۋعا ارنالعان كىتاپ. نەىزىگى ادىستەمە - كوممۋنيكاتيۆتىك، كوگنيتيۆتىك وقىتۋ، ول تەك قانا سويلەۋدى عانا ەمەس، سونداي-اق ءوز ويىن ساۋاتتى جەتكىزۋدى جانە ساۋاتتى جازۋدى ۇيرەتەدى. ءار وقۋشىعا قىزىقتى بولۋى ءۇشىن دەڭگەيلى وقىتۋ ءار سىنىپ وقۋشىسىنىڭ پسيحولوگياسىنا ارناپ جاسالعان»، - دەدى ف.ورازبايەۆا.
وقۋ باسىلىمدارى اۆتورىنىڭ ايتۋىنشا، جاڭا وقۋلىقتار شەت تىلدەرىن وقىتۋ قاعيدالارىنا نەگىزدىلگەن.
«ەگەر ەكسپەريمەنت جاقسى وتسە، كەلەسى قىركۇيەكتە (2016 جىلى) وسى وقۋلىقتى ەنگىزۋدى جوسپارلاپ وتىرمىز»، - دەدى ول.
«بۇل 1-سىنىپتان باستاپ 11 سىنىپقا دەيىنگى وقۋلىق كوممۋنيكاتيۆتىك سويلەۋ بويىنشا ماتەريال بەرەدى. گرامماتيكا از، ول سويلەۋگە جانە جازۋعا قىزمەت ەتەدى. سۋرەتتەر مەن شىعارماشىلىق تاپسىرمالاردان قۇرالعان. وقۋلىقتى مەكتەپتەردە ەنگىزۋ وقۋشىلارعا، اتا-انالارعا، مەكتەپتەرگە بايلانىستى. ءقازىر باسەكەلەستىك، كىمگە قانداي وقۋلىق ۇناسا، سونى الادى. اقىر سوڭىندا بۇل وقۋلىق جەڭەدى دەپ ويلايمىن»، - دەگەن پىكىرىمەن ءبولىستى ف.ورازبايەۆا.
You Might Also Like
-
«سانتياگو بەرنابەۋ»، مادريد رەال مادريد كلۋبىنىڭ الاڭى
-
Boston Dynamics ەكى اياقپەن تىك ءجۇرىپ، كەدەرگىلەردەن وتە الاتىن گۋمانويد روبوتتاردى دامىتۋمەن اينالىسىپ كەلەدى. كومپانيا Atlas اتتى جاڭا بۋىن روبوتتارىن جانە الەمدى تاڭ قالدىرعان وزگە ۇلگىلەردى جاسا...
