ساعادييەۆ مەكتەپ پسيحولوگتارىنىڭ ايلىعىن كوتەرمەك
ءبىلىم جانە عىلىم مينيسترلىگى مەكتەپ پسيحولوگتارىنىڭ جالاقىسىن كوتەرۋ ماسەلەسى قاراستىرۋدا. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ حابارلايدى قازاقپارات.
«مينيسترلىك تاراپىنان اتقارىلىپ جاتقان جۇمىستارعا قاراماستان ءالى دە كوپتەگەن پروبلەما بار. قازىرگى ۋاقىتتا ايلىقتارى از بولعاندىقتان پسيحولوگتار مەن الەۋمەتتىك پەداگوگتار مەكتەپتەردە ءجيى اۋىسادى. مەكتەپتەردى پسيحولوگتارمەن قامتاماسىز ەتۋ ورتا ەسەپپەن 98 پايىزدى، الەۋمەتتىك پەداگوگتار 80 پايىزدى قۇرايدى. جالپى پسيحولوگتار بار، ءبىراق، ولاردىڭ ايلىقتارىنىڭ كولەمىن قاراستىرۋ كەرەك. وسىعان وراي ءتيىستى ۇسىنىستاردى دايىنداپ وتىرمىز، سودان كەيىن ەنگىزەتىن بولامىز»، - دەدى مينيستر.
سونىمەن قاتار ول مەكتەپتەردە پوليسيا ينسپەكتورلارى جەتىسپەيدتىندىگىن، ولار تەك 46 پايىزعا قامتىلعاندىعىن اتاپ ءوتتى.
«قالىپتاسقان پروبلەمانى شەشۋ ءۇشىن ءبىر ينسپەكتور بىرنەشە مەكتەپكە بەكىتىلگەن كۇننىڭ وزىندە، ولار مەكتەپتەرگە بارىپ جۇمىستارىن جاساپ، مينيسترلىككە قوسىمشا ەسەپ بەرۋى قاجەت دەپ سانايمىز. ءبىز ماسەلەنى ارى قاراي ىشكى ىستەر مينيسترلىگىمەن بىرگە قاراستىراتىن بولامىز»، - دەلدى ساعادييەۆ.
You Might Also Like
-
- ءوز ۇيىمە قايتامىن! - دەدى بالا. اينالا تۇرعاندار بالانىڭ سوزىنە جامىراي كۇلىستى. - ءاي، ءوز ۇيىڭدە نە بار؟! - دەدى كۇلىپ وسى جەردە تۇرعان ۇلكەن اپايلاردىڭ ءبىرى بالاعا. - نە بار ءوز ۇيىڭدە؟! ...
-
جەرگىلىكتى ورگاندار مەكتەپتەردى بەينەكامەرالارمەن جابىقتاۋ ءۇشىن ارنايى باعدارلاما ازىرلەۋى قاجەت. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتت...
