مەملەكەت باسشىسى الماتىدا جاڭا مەكتەپتى ارالاپ كوردى
ق ر پرەزيدەنتى نۇرسۇلتان نازاربايەۆ الماتى قالاسىندا بيزنەستىڭ الەۋمەتتىك جاۋاپكەرشىلىگى اياسىندا جاڭادان سالىنعان №168 مەكتەپتى ارالاپ كوردى.
ەلباسى ءبىلىم ورداسىنىڭ ماتەريالدىق-تەحنيكالىق جاراقتاندىرىلۋىن كورىپ، مۇعالىمدەرمەن كەزدەستى.
ەسكە سالا كەتەيىك، وسى ورىندا بولعان ەسكى مەكتەپ عيماراتى 2008 جىلى ءسۇرىلىپ، جاڭا مەكتەپ قۇرىلىسى بيىل شىلدە ايىندا باستالعان ەدى.
مەكتەپ قۇرىلىسىنا الدىڭعى قاتارلى قۇرىلىس ماتەريالدارى پايدالانىلدى. ءۇش قاباتتى مەكتەپ التى بلوكتان تۇرادى. وندا 37 وقۋ كابينەتى بار. مەكتەپكە 103 كومپيۋتەر، 31 ينتەراكتيۆتى تاقتا الىنعان، ءبىر مۋلتيمەديالىق كابينەت بار. مەكتەپ سپورت زالى دا جاڭا قۇرىلعىلارمەن جاراقتاندىرىلعان.
مەكتەپ اۋماعىندا دەنە شىنىقتىرۋ-سپورت ايماعى (شاعىن فۋتبول، باسكەتبول، ۇزىندىققا سەكىرۋ الاڭدارى) بار.
مەكتەپ قازاق تىلىندە گۋمانيتارلىق سالانى تەرەڭدەتىپ وقىتادى.
You Might Also Like
-
سول كۇنى ابيتۋريەنتتەردىڭ جازعان شىعارما جۇمىسىنىڭ قورىتىندىسى وتە كەش شىققان ەدى. بۇرىن بۇلاي بولماعان. بۇل كەزدە قاس قارايىپ تا كەتكەن بولاتىن. ال ىشتەن ءالى حابار جوق. وقۋ ورنىنىڭ اۋلاسى قاراقۇرى...
-
XVII رەسپۋبليكالىق اباي وقۋلارىنا قاتىسقان قاراعاندىلىقتاردىڭ جەتىستىگى جايلى وبلىستىق ءبىلىم بەرۋ باسقارماسىنىڭ باسپا ءسوز قىزمەتىندە ايتتى.
