قاراعاندىدا 6 سىنىپ وقۋشىسى اباي مەن شاكارىمنىڭ 300-دەن استام تۋىندىسىن جاتقا بىلەدى
XVII رەسپۋبليكالىق اباي وقۋلارىنا قاتىسقان قاراعاندىلىقتاردىڭ جەتىستىگى جايلى وبلىستىق ءبىلىم بەرۋ باسقارماسىنىڭ باسپا ءسوز قىزمەتىندە ايتتى.
«قاراعاندى وبلىسىنان رەسپۋبليكالىق جارىسقا 6 وقۋشى قاتىستى. ولار «ولەڭ ءسوزدىڭ پاتشاسى، ءسوز ساراسى» - اباي مەن شاكارىم تۋىندىلارىن وقۋ بايقاۋى، «كوڭىلىم ءاندى ۇعادى» - اباي مەن شاكارىم اندەرى مەن كۇيلەرىن ورىنداۋ، «جۇيرىكتەن جۇيرىك وزار جارىسقاندا» - جاس دارىندار بايقاۋى اتتى ءۇش نوميناسيادا ءوتتى. قاتىسۋشىلار ءوز ولەڭدەرىن دە وقىدى. ءبىزدىڭ كوماندا جەڭىسپەن ورالدى»، - دەپ حابارلادى باسقارما باسپا ءسوز قىزمەتى.
ءبىرىنشى ورىندى بۇقار جىراۋ اۋدانىنداعى روستوۆ مەكتەبىنىڭ 6 سىنىپ وقۋشىسى ءنازيرا مەدەت الدى. «ول اباي مەن شاكارىمنىڭ 327 تۋىندىسىن جاتقا بىلەدى: 203 ولەڭ، 3 پوەما، 20 قارا ءسوزى، شاكارىمنىڭ 101 ولەڭى. ول ءادىلقازىلار القاسىن دارىنىمەن، اكتەرلىك شەبەرلىگىمەن تاڭعالدىردى»، - دەپ اتاپ ءوتتى باسپا ءسوز قىزمەتىندە.
جەزقازعاندىق وقۋشى ارايلىم جاكەيەۆا ءوزى شىعارعان ولەڭى ءۇشىن ءۇشىنشى ورىن يەلەندى. بۇدان باسقا، قاراعاندىلىقتار كومانداسىنا انشىلەر بايقاۋىندا ىنتالاندىرۋ جۇلدەسى، قاتىسۋشى سەرتيفيكاتتارى بەرىلدى.
You Might Also Like
-
ق ر پرەزيدەنتى نۇرسۇلتان نازاربايەۆ الماتى قالاسىندا بيزنەستىڭ الەۋمەتتىك جاۋاپكەرشىلىگى اياسىندا جاڭادان سالىنعان №168 مەكتەپتى ارالاپ كوردى.
-
قىزىلوردا 10 مەكتەپ وقۋشىسى استان ۋلانىپ قالدى. بۇل تۋرالى وبلىس پروكۋراتۋراسىنىڭ باسپا ءسوز حاتشىسى بوتاگوز سەيىل حابارلادى.
