مەملەكەت كوللەدج ستۋدەنتتەرىن تەگىن وقىتۋعا 73 ملرد. تەڭگە جۇمساماق
قازاقستاندا تەگىن تەحنيكالىق جانە كاسىپتىك ءبىلىم بەرۋ باعدارلاماسىنا جەرگىلىكتى بيۋدجەتتەردەن جىل سايىن 73 ملرد. تەڭگە ءبولىنىپ وتىرادى دەپ بولجانۋدا.
بۇل تۋرالى بۇگىن وكق-دا وتكەن باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى بيبىگۇل اسىلوۆا ءمالىم ەتتى.
قازىرگى ۋاقىتتا ءبىلىم مينيسترلىگى تەگىن تەحنيكالىق جانە كاسىپتىك ءبىلىم بەرۋدىڭ جاڭا تەتىكتەرىن جاساقتاعان. 2021 جىلعا دەيىن قازاقستاندا تەگىن ءبىلىم جۇيەسىمەن 671،5 مىڭ ادامدى قامتۋ كوزدەلگەن.
«جەرگىلىكتى بيۋدجەت ەسەبىنەن وقيتىن ستۋدەنتتەرگە كەلەتىن بولساق، بۇل شامامەن جىل سايىن 73 ملرد. تەڭگەنى قۇرايدى»، - دەپ اتاپ ءوتتى اسىلوۆا.
2017 جىلى اتالمىش مودەل بويىنشا، ەڭ كوبى 142 مىڭ ادام قابىلدانادى دەپ جوسپارلانىپ وتىر. ولاردىڭ ىشىندە 40 مىڭ ادام جۇمىسشى ماماندىقتارى بويىنشا، 54 مىڭ ادام - 2 جۇمىسشى بىلىكتىلىگىن الىپ شىعاتىن ورتا بۋىندى ماماندىقتار، 32 مىڭ ادام - ءبىلىم بەرۋ، مەديسينا جانە ونەر ماماندىقتارى، 16 مىڭ ادام - ەكونوميكالىق جانە زاڭگەرلىك ماماندىقتار.
جاڭا باعدارلاما بويىنشا، اسىرەسە، ءبىلىم الۋعا قاراجاتى جوق، از قامتىلعان وتباسىدان شىققان جاستاردى كوپتەپ تارتۋ جوسپارلانعان.
وقىتۋ كوللەدجدەردىڭ بازاسىندا جۇرگىزىلەدى. جەرگىلىكتى اكىمدىكتەردە ەرىكتىلەردىڭ، پوليسيا قىزمەتىنىڭ، جاستار ۇيىمدارىنىڭ، ءبىلىم بەرۋ قىزمەتتەرىنىڭ كۇشىمەن جەدەل توپتار قۇرىلادى. ولار اۋدان، اۋىل مەكتەپتەرىنىڭ تۇلەكتەرى اراسىنان باعدارلاما قاتىسۋشىلارىن تارتۋمەن اينالىسپاق. ستۋدەنتتەردى تاڭداۋ بارىسىندا ولارمەن سۇحبات جۇرگىزىلەدى، ال وقۋعا تۇسىسىمەن ولاردى ىستىق تاماقپەن، شاكىرتاقىمەن جانە تەگىن جول اقىسىمەن قاماتاماسىز ەتۋ كوزدەلىپ وتىر.
باعدارلامانىڭ ەكىنشى باعىتى - ەڭبەكسىز وتىرعان ازاماتتاردى جۇمىسشى ماماندىقتارىنا 1-6 اي كولەمىندە دۋالدى نەگىزدە وقىتۋ. وسىلايشا، جۇمىسسىزدىق دەڭگەيىن تومەندەتۋگە جانە يندۋستريالاندىرۋ باعدارلاماسىنا قاجەتتى سيرەك مامانداردىڭ جاڭا لەگىن قالىپتاستىرۋعا مۇمكىندىك تۋادى.
شالعاي اۋىلداردا تۇراتىن جۇمىسسىز ازاماتتار ءموبيلدى وقىتۋ ورتالىقتارىندا وقىپ ءجۇرىپ، جاڭا ماماندىق الا الادى. مۇنداي ورتالىقتار اقمولا، اقتوبە، شقو، قوستاناي، ماڭعىستاۋ وبلىستارىندا قۇرىلعان. سونىمەن قاتار «باستاۋ بيزنەس» باعدارلاماسى اياسىندا كاسىپكەرلىكتىڭ قىر-سىرىنا وقىتۋ جۇرگىزىلەدى. كاسىپكەرلىككە وقىعان ازاماتتار ميكرونەسيەلەر الىپ، ءوز كاسىبىن اشۋىنا مۇمكىندىك جاسالادى.
You Might Also Like
-
بيسەن جانيكەشيەۆ اتىنداعى ءجوببم-نىڭ مەكتەپالدى دايارلىق سىنىبىنىڭ تاربيەلەنۋشىسى جامبىل ارۋجان
-
"سۇلتان" بالاباقشاسى جانە وقۋ ورتالىعى جۇلدىز توبىنىڭ تاربيەلەنۋشىسى وتەش مەرۋەرت باقىتجان قىزى
