مەن ماماندىق تاڭدايمىن
الماتى وبلىسى
پانفيلوۆ اۋدانى
ۇلكەنشىعان اۋىلى
ۇلكەنشىعان ورتا مەكتەبىنىڭ
وقۋشىسى: تۋردىحانوۆ رايىمبەك اسقار ۇلى
جاسى: 9
جەتەكشىسى: كەنجەبەكوۆا كۇلاش
ماماندىق تاڭداۋ مەكتەپ قابىرعاسىنان باستالادى. ماماندىق تاڭداۋ - ءومىرىڭنىڭ ءبىر كىرپىشىن دۇرىس قالاۋ. ءاربىر ماماندىقتىڭ قىر-سىرىن بىلەتىن ادامدار بار. مىسالى، بىلىكتى دارىگەر ناۋقاس ادامدى اۋرۋىنان ايىقتىرسا، شەبەر قۇرىلىسشى اسەم عيماراتتاردى تۇرعىزىپ، ەل يگىلىگىنە ۇزاق قىزمەت ەتۋگە مۇمكىندىك تۋدىرادى. ءار ادامنىڭ بويىندا ءوزى قالاعان ماماندىققا دەگەن سۇيىسپەنشىلىگى مەن وزىنە دەگەن سەنىم بولۋى قاجەت. ەڭ باستىسى – ادام ەڭبەكتى ءسۇيۋى كەرەك.
مەن ءۇشىنشى سىنىپتا وقيمىن. ارمان-ماقساتىم كوپ. سول سياقتى مەن دە وسكەندە عالىم بولعىم كەلەدى. بۇل ماماندىققا جەتۋ ەكىنىڭ ءبىرىنىڭ قولىنان كەلمەيدى. اسپان الەمىن زەرتتەپ، جەردىڭ يگەرىلمەي قالعان، ءالى زەرتتەلمەگەن تۇستارىن اشىپ، الەمگە جاڭالىق ەنگىزسەم دەيمىن. قانىش اتام سياقتى اسپانعا دا اتىم جازىلسا دەپ ارماندايمىن.
بارلىق ماماندىق يەلەرى مەملەكەتكە ءوز ۇلەستەرىن قوسادى. مەن دە ەلىمنىڭ ءوسىپ، وركەندەۋىنە ءوز ۇلەسىمدى قوسىپ، جاڭا مۇمكىندىكتەرگە جول اشسام دەپ ويلايمىن.
بىلىكتى مامان ء-وز ءىسىنىڭ شەبەرى ەمەس پە؟ ونداي مىسال كوپ. ايتا كەتسەك، ەلباسى نۇرسۇلتان ءابىش ۇلى نازاربايەۆ ءوز ماماندىعىنىڭ ناعىز بىلگىرى. ەڭبەگىنىڭ ارقاسىندا وسىنداي دارەجەگە كوتەرىلىپ وتىر. ەلىنىڭ قامىن ويلاپ، كۇندىز-تۇنى تىنباي ەڭبەك ەتۋدە.
مەنىڭشە، استرونوم-عالىم بولۋ مەنىڭ قولىمنان كەلەدى. ادام ەڭبەگىنەن قۋانىشىن تابا بىلسە، بويىنا جاڭا كۇش قوسىلىپ، ەڭبەككە دەگەن شابىتى ارتا تۇسپەك. مەنىڭ قازىرگى العا قويعان ۇلكەن ماقساتىم - وقۋىمدى ۇزدىك اياقتاۋ.ت ەك ءبىلىم مەن ەڭبەكتىڭ ارقاسىندا اڭساعان ارمانىڭا قول جەتكىزۋگە بولادى.
عالىم بولۋ- ارمانىم،
تەرەڭ ويعا بويلادىم.
قۇپياسىن ۇققىم كەلىپ الەمنىڭ
ءبىلىم مۇحيتىن شارلادىم،-
دەپ، ءوز ويىمدى اباي اتامنىڭ «...ءبىلىم-عىلىمنىڭ وزىنە عانا قۇمار، ىنتىق بولىپ، ءبىر عانا بىلمەكتىڭ ءوزىن داۋلەت بىلسەڭ، ءھام ءار بىلمەگەنىڭدى بىلگەن ۋاقىتتا كوڭىلدە ءبىر راحات حۇزۋر حاسيل بولادى. سول راحات بىلگەنىڭدى بەرىك ۇستاپ، بىلمەگەنىڭدى تاعى دا سونداي بىلسەم ەكەن دەپ ۇمىتتەنگەن قۇمار، ماحاببات پايدا بولادى.» وتىز ەكىنشى قارا سوزىمەن اياقتاي كەلە، ءعىلىم-بىلىمدى ۇيرەنۋدەن ەش جالىقپايىق. العان ءبىلىمىمىزدى ەل يگىلىگىنە جاراتايىق دەگىم كەلەدى.
You Might Also Like
-
2016 جىلى مەكتەپ ءبىتىرۋشى تۇلەكتەرگە ۇبت-نى ەكىنشى رەت تاپسىرۋعا مۇمكىندىك بەرىلەدى. بۇل تۋرالى ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
