ق ر بعم: جوو-نىڭ وزىندىك ۇلگىدەگى ديپلومدارى 2021 جىلدان باستاپ بەرىلە باستايدى
ق ر ءبىلىم جانە عىلىمي ءمينيسترى ەرلان ساعادييەۆ وزىندىك ۇلگىدەگى ديپلومدار بەرۋ ەلدەگى جوعارى ءبىلىم بەرۋ ساپاسىن ارتتىرۋدىڭ جۇيەلى جۇيەسى بولادى دەپ سانايدى.
بۇل تۋرالى ق ر بعم باسپا ءسوز قىزمەتى حابارلادى.
«ءبىز مەملەكەت اتىن جامىلىپ كەي ءالسىز جوو-لار ديپلومدى ساتىپ جاتاتىنىن بىلەمىز. مەملەكەتتىك ۇلگىدەگى ديپلومدار ءبىرقاتار پوستكەڭەستىك جانە بىرنەشە شىعىس-ەۋروپالىق ەلدەردەن باسقا، الەمدە ەش جەردە جوق. بۇل حالىقارالىق تاجىريبە، ەىدۇ ەلدەرىندە مەملەكەتتىك ۇلگىدەگى ديپلوم جوق، ولار ءوز بىرەگەي ديپلومدارىن تابىس ەتەدى.
ەگەر ديپلومدا مەملەكەتتىك ءمور بولماسا، تالاپكەرلەر مەن اتا-انالار سول ۋنيۆەرسيتەتتى تاڭداۋ كەرەك پە، جوق پا دەگەن ويعا قالۋى مۇمكىن. ولار باسقا وقۋ ورنىن ىزدەي باستاۋى مۇمكىن. باسەكەلەستىك كۇشەيەدى. سول كەزدە لايىقتى وقۋ ورىندارى عانا قالادى. بۇل ماسەلە مەملەكەتتىك جانە جەكە جوو باسشىلارىمەن بىرنەشە رەت كەلىسىلگەن. بۇل - وڭتايلى شارا، الايدا بىردەن ەنگىزۋگە بولمايدى. جوو-لارعا جاڭا جاعدايلارعا بەيىمدەلۋگە ۋاقىت بەرەمىز. بۇل 2021 جىلى ەنگىزىلەدى. ال جاڭا ۇلگىدەگى ديپلومداردى 2017 جىلعى تالاپكەرلەر الاتىن بولادى»، - دەدى ە. ساعادييەۆ.
نازاربايەۆ ۋنيۆەرسيتەتى، ءال-فارابي اتىنداعى قازۇۋ، قمەبۋ، حاتۋ سياقتى ۋنيۆەرسيتەتتەر اكادەميالىق ەركىندىك ءبىلىم ساپاسىنىڭ تومەندەۋىنە اكەلمەيتىنىن دالەلدەدى. سونىمەن قاتار، ولارعا مەملەكەتتىك ۇلگىدەگى ديپلوم بەرىلەتىندىكتەن، ءبىز بارلىعىن ەگجەي-تەگجەيلى رەتتەۋگە ءماجبۇرمىز. اكادەميالىق ەركىندىكتى ەنگىزۋ ءۇشىن ناعىز جاۋاپكەرشىلىك قاجەت. وزىندىك ۇلگىدەگى ديپلوم مۇنداي جاۋاپكەرشىلىكتى جوو-عا جۇكتەيدى. وسى ماسەلە بويىنشا پرەزيدەنتتىڭ ارنايى تاپسىرماسى بولعان، - دەپ اتاپ ءوتتى ق ر بعم ءمينيسترى.
You Might Also Like
-
ءبىرىنشى دۇنيەجۇزىلىك سوعىس پوزيسيالىق شايقاستار دامۋىنىڭ باستاماسى بولدى، ونى بارلىق مايدانداردى ءىس جۇزىندە تىعىرىققا تىرەدى. ورىن العان داعدارىستى جاعدايدىڭ شەشىمىن تابۋدا الدىڭعى قاتارلى اسكەريلە...
