مەن نە ءۇشىن جۋرناليستيكا ماماندىعىن تاڭدادىم؟
ادام ومىرىندەگى ەڭ ماڭىزدىلىعى جوعارى شەشىمدەردىڭ ءبىرى ول – ماماندىق تاڭداۋ. ءوز قىزىعۋشىلىقتارىڭ مەن جۇرەگىڭ قالاعان ىسپەن ءومىرىڭدى بايلانىستىرعانعا نە جەتسىن؟ اباي اتامىز: «سەن دە بۇل كىرپىش دۇنيەدە، كەتىگىڭدى تاپ تا، بار قالان» دەمەكشى، ءار ادام ءوز ومىرىندە وزىنە لايىقتى ورنىن تاۋىپ، مانساپتىق جولىندا، وزگە گە دە قول ۇشىن تيگىزۋى كەرەك. وسىعان بايلانىستى «بولاشاقتا كىم بولامىن؟» دەگەن سۇراققا كوپ تولعانامىن.
«ءتىل جانسىزدى جانداندىرادى، السىزگە كۇش بەرەدى، مىقتىنى ويسىراتادى» دەگەندەي، مەنىڭ بۇل ماماندىقتى تاڭداۋىمنىڭ باستى سەبەبى ءوز ويىمدى ايقىن، ءارى ناقتى جەتكىزە ءبىلۋ. مەكتەپ قابىرعالارىندا بولسىن، ومىردە بولسىن ادىلەتسىزدىكتىڭ ورىن الىپ جاتقانىن كورىپ، شىندىقتى جاقتايتىن ادام تابىلماعانىنا قاپالاناتىنمىن. وسىدان كەيىن وزىمە ماقسات قويدىم: تەك قانا ءوزىمنىڭ ەمەس، حالىقتىڭ، مىقتىلاردىڭ، ياكي السىزدەردىڭ بولسىن ءسوزىن قولداپ، قورعاي ءبىلۋ. الايدا، ارينە مەندە مۇنداي ويعا بىردەن جەتپەدىم. قاتەلەستىم، قۇلاپ، ءسۇرىندىم. ءبىراق وسى جولدا مەنىڭ جانىمدى جىلىتاتىن ءىس - اق قاعاز بەتىنە ءوز ويىمدى جازۋ. اششى بولسا دا، شىندىقتى قولداپ، ادىلەتسىزدىككە جول بەرمەۋ.
تىلشىلەر باسقا ماماندىقتاردان نەسىمەن ەرەكشەلەنەدى دەگەن سۇراققا جاۋاپ بەرەر بولسام، مەنىڭ جاۋابىم مىناداي: مەنىڭشە، تىلشىلەر مەملەكەتتىڭ ساياسي، ەكونوميكالىق، الەۋمەتتىك ءومىرىن تولىقتاي باقىلاپ وتىرعانىنا بايلانىستى حالىق تاراپىنان تۋىندايتىن ءتۇرلى ماسەلەلەر مەن پروبلەمالاردى جوعارىداعى ادامداردىڭ قۇلاقتارىنا «ەلشىسى» رەتىندە جەتكىزە بىلۋىمەن دارا. دەگەنمەن، جۋرناليست تەك پروبلەمالاردى عانا ايتىپ قويماي، جاقسىلىقتىڭ جارشىسىنا اينالادى. ءاردايىم ءتۇرلى تاقىرىپتاردى قوزعاي وتىرىپ، وي ەلەگىنەن وتكىزەدى.
ەندى جۋرناليست ءوز ەڭبەگىن ءسىڭىرۋ ءۇشىن قانداي بولۋ قاجەت؟ قوعامعا كەرەكتى، اتقارعان جۇمىسى ارقىلى وزگەگە ۇلگى بولا بىلەر كاسىبي مامان عانا بولىپ قويماي، شىنشىل، ءادىل، ءارى ساۋاتتى بولۋى كەرەك. سول ءۇشىن، مەنىڭ ويىمشا، تالماي ەڭبەكتەنۋ قاجەت.
ەلباسىمىز ن.ءا.نازاربايەۆ: «جارقىن بولاشاق-جاستاردىڭ قولىندا» دەگەندەي ءبىزدىڭ بولاشاعىمىز ءوز قولىمىزدا. ناعىز ءتىلشى اتانۋ ءۇشىن بۇل جولدا ايانباي تەر توگىپ، تاريحتا ءوز ءىزىمدى قالدىرماسام دا، حالىق جۇرەگىندە ويىپ تۇرىپ ماڭىزدى ورىن الاتىنداي ادام بولۋ ۇلكەن ارمانىم. ال ارمان بولسا، ادامنىڭ جۇرەگىن باۋلىپ، ۇلكەن بەلەستەرگە جەتكىزەدى.
You Might Also Like
-
قازىرگى عىلىم مەن تەحنيكانىڭ دامۋىنداعى جاڭا ەسەپتەر مەن ماسەلەلەر ماتەماتيكالىق ويدىڭ تەرەڭدەپ، ءبىلىمنىڭ كوپتەگەن سالالارىندا جاڭا تەوريا، جاڭا باعىتتىڭ پايدا بولۋىن قاجەت ەتەدى. ناۋقاستىڭ دياگنوز...
