InfoHub Logo

تاقىرىبى: «مەن - ءوز وتانىمنىڭ پاتريوتىمىن»
ماقساتى:
1) وقۋشىلاردى وتاندى سۇيۋگە، قۇرمەتتەپ قاستەرلەۋگە، ءوز ەلىن، تەگىن تاريحىن بىلۋگە تاربيەلەۋ.
2) وقۋشىلاردىڭ تانىم بەلسەندىلىكتەرىن، قىزىعۋشىلىقتارىن دامىتۋ.
3) وقۋشىلارعا پاتريوتتىق، ەستەتيكالىق، ادامگەرشىلىك تاربيە بەرۋ، ءوز وي - پىكىرىن بىلدىرە الاتىن وقۋشىلاردى تاربيەلەۋ.
كورنەكىلىگى: ينتەربەلسەندى تاقتا
بارىسى:
ۇيىمداستىرۋ.
- امانداسۋ. قۇرمەتتى وقۋشىلار سەندەردى ءبىلىم كۇنى مەرەكەسىمەن قۇتتىقتايمىن. كەشە عانا كىپ - كىشكەنتاي ءبۇلدىرشىن ەدىڭدەر، ەندى مىنە كىشكەنە بولسا دا اقىلدارىڭ تولىپ، بويلارىڭ ءوسىپ قالىپتى. بيىل باستاۋىش سىنىپتىڭ سوڭعى جىلىنا اياق باستىڭدار. سەندەرگە وسى جاڭا وقۋ جىلىندا وزدەرىڭدى ءبىلىم، ونەر، تاربيە جاعىنان ياعني تەك جاقسى قىرلارىڭنان كورىنۋلەرىڭە تىلەكتەسپىن. جاقسى تاربيەلى، ءوز ەلىن وتانىن ءسۇيۋ ءۇشىن ادامنىڭ بويىندا قانداي قاسيەتتەر بولۋ. ءقازىر مەن سەندەرگە ارىپتەر كورسەتەمىن سەندەر سول ارىپتەن باستالاتىن جاقسى ادام بويىنان تابىلاتىن قاسيەتتەردى ايتاسىڭدار.
پ - اتريوت، پاراساتتى
ا - قىلدى،
ت - تالانتتى
ر - رۋحى بيىك، راقىمشىل
ي - ناباتتى، يبالى،
و - تانسۇيگىش
ت - اربيەلى
- بالالار، قانداي ءسوز شىقتى؟ بۇگىنگى ءبىزدىڭ تاربيە ساعاتىمىزدىڭ تاقىرىبى «مەن - ءوز وتانىمنىڭ پاتريوتىمىن» - دەپ اتالادى
ءمۇعالىمنىڭ كىرىسپە ءسوزى:
- وتان – ءار ادامنىڭ جۇرەگىنە جىلى تيەر قاسيەتتى ءسوز. وتان – سەنىڭ تۋعان ەلىڭ، تۋعان جەرىڭ، دوس – جاراندارىڭ، تۋعان تۋىسقانىڭ. وتان - بۇل ءوزىڭنىڭ تۇراتىن، ءومىر سۇرەتىن، قىزمەت ەتەتىن جەرىڭ. وتان ادام ءۇشىن بىرەۋ عانا. وتاندى اناعا تەڭەيدى. سەبەبى، وتان سەندەردى اناڭداي قورعايدى، كومەكتەسەدى، كۇش بەرەدى. ءبىز وتانىمىزدى، ەلىمىزدى سۇيەمىز.
نەگىزگى ءبولىم:
- ال ونداي بولسا وتان تۋرالى ادەمى ولەڭ شۋماقتارىمىزدى تىڭداپ وتەيىك.
ولجاس: اسپانى اشىق ەلىمىزدىڭ،
كوركى سۇلۋ جەرىمىزدىڭ،
ءبىز - باقىتتى بالامىز!
اقپىز، قارا، سارىمىز،
اعايىنبىز ءبارىمىز!
ديانا: وتان دەگەن نە، كىم قالاي تۇسىنەدى؟
كوپ اۋزىنان تۇسپەيتىن،
وتان دەگەن نەمەنە؟
ونىڭ تۇلعا ءتۇس كەيپىن،
دوستىم بىلگىڭ كەلە مە؟
كاجاكبار: وتان دەيمىز وت جاققان جەرىمىزدى،
وتان دەيمىز وسىرگەن ەلىمىزدى.
وتان دەيمىز تۋعان جەر، اتامەكەن –
بيىك تاۋ، ورمان، توعاي كولىمىزدى.
ايدانا: وتان دەيمىز كەڭ - بايتاق استانانى،
جاسىل جايلاۋ، جاڭا جول، جاس قالانى.
وتاننىڭ شەتى دە جوق، شەگى دە جوق،
ول ءبىراق ءوز ۇيىڭنەن باستالادى.
مالىك: وتان - تاريح، وتان – ءتىل،
جاساعان ەلىڭ، ءوز - حالقىڭ.
وتان – ولەڭ، وتان - جىر،
كوتەرگەن كوككە ەل داڭقىن.
ايگەرىم: وتان – سەنىڭ اتا - اناڭ،
وتان – دوسىڭ، باۋىرىڭ،
وتان – ولكەڭ، استاناڭ،
وتان – اۋدان، اۋىلىڭ.
اقبوتا: وتان – وسى دوستارىم،
كوڭىلگە مۇنى تۇيە ءبىل!
«وتان» دەپ ءوس جاس قاۋىم،
ونى ارداقتاپ سۇيە ءبىل!
ديار
ەل بولدىق ەرىك الدىق استانالى
ەندى كىمنەن قازاعىم جاسقانادى؟
تاۋەلسىز مەملەكەتتىڭ شەجىرەسى،
نۇرسۇلتاننىڭ اتىمەن باستالادى.

ايزادا: «ءۇش باقىتىم»
ءمۇعالىم: — يا، بالالار، ەلىن، جەرىن سۇيەتىن ازامات بولىپ شىعۋ ءۇشىن قانداي بالا بولۋىمىز كەرەك؟
ءوز ەلىنىڭ تاريحىن، سالت - ءداستۇرىن قۇرمەتتەيتىن ءبىلىمدى، ونەرلى، اقىلدى، ەڭبەكسۇيگىش بالا بولۋىمىز كەرەك. ءار ادام ءوز ەلىنە وزىنشە ەڭبەك ەتىپ ءوز ۇلەسىن قوسۋ كەرەك.
- سونداي - اق جازعى برازيليا مەملەكەتىندە بولعان سپورت جارىسىندا ءبىزدىڭ وتانداستارىمىز 17 مەدال الىپ كەلدى. ياعني بۇل سپورتشىلارىمىزدى ناعىز پاتريوت دەۋگە بولا ما؟ نەگە؟
- ال ونداي بولسا سەندەردىڭ پاتريوت ەكەندەرىڭدى دالەلدەۋ ءۇشىن سەندەرمەن 20 عاسىر كوشباسشىسى ويىنىن وينايمىز.
ءبىزدىڭ وتانىمىز – قازاقستان رەسپۋبليكاسى. سان عاسىرلار بويى اتا - بابالارىمىز جەرىن جاۋدان قورعاپ، بۇگىنگى ۇرپاق، بىزگە جەتكىزدى. قازاقستان جەر كولەمى بويىنشا 9 ورىندا تۇر. قازاقستاندا ۇلكەن قالالار كوپ. ولار: الماتى، استانا، قاراعاندى، شىمكەنت، كوكشەتاۋ، قوستاناي، اقتاۋ، پاۆلودار، اقتوبە، تاراز، قىزىلوردا، وسكەمەن، سەمەي، تالدىقورعان. بۇلار – ادەمى قالالار.
استانا - وتانىمىزدىڭ باس قالاسى، استاناسى. ول ەسىل وزەنىنىڭ جاعاسىندا ورنالاسقان. استانا قالاسىن ءقازىر بۇكىل ەل بىلەدى.
قازاقستان - تاۋەلسىز، ەگەمەندى، كوپ ۇلتتى مەملەكەت. وندا قازاقتار، ورىستار، ۇيعىرلار، وزبەكتەر، كورەيلەر، ۋكرايندەر جانە تاعى باسقا ۇلتتاردىڭ وكىلدەرى تۇرادى. ولار تاتۋ - ءتاتتى، بىرلىكتە ءومىر ءسۇرىپ جاتىر.
اۋمالى - توكپەلى زاماندى باستان كەشكەن قازاق حالقىنىڭ وزىندىك باسقارۋ جۇيەسى بولعان. ەل قامىن جەگەن ەرلەرى، ءسوزىن سويلەپ، حالىق جاعدايىن جاساعان شەشەندەرى، ءبىلىمپاز بيلەرى، ءار ەلدە، ءار اۋىلدا ءسوز تىڭدار اقساقالدارى بولعان. قازاقتا اتى اڭىزعا اينالعان قازىبەك بي، ايتەكە بي، تولە بي سياقتى بي - شەشەندەر وتە كوپ.
مەملەكەتتىك ءتىل - قازاق ءتىلى. قازاق ءتىلىن ءبىلۋ - ءاربىر قازاقستاندىق ازاماتتىڭ بورىشى.
ايزادا: «تۋعان ءتىلىم»
سونداي - اق مەملەكەتىمىزدىڭ ءوز اتا زاڭى بار. 1993 جىلى 28 قاڭتاردا ق ر تۇڭعىش كونستيتۋسياسى قابىلداندى. 1995 جىلى 30 تامىزدا ەلىمىزدىڭ جاڭا كونستيتۋتسياسى قابىلداندى. ادامنىڭ ءومىرىن، دەنساۋلىعىن، تىنىشتىعىن مەملەكەتىمىزدىڭ اتا زاڭى قورعايدى.
1992 جىلى ق ر مەملەكەتتىك رامىزدەرى قابىلداندى. ولار: تۋ، ەلتاڭبا، گيمن.
قازاقستان رەسپۋبليكاسىنىڭ مەملەكەتتىك تۋى.
ورتاسىندا شۇعىلالى كۇن، ونىڭ استىندا قالىقتاپ ۇشقان قىران بەينەلەنگەن تىك بۇرىشتى كوگىلدىر ءتۇستى ماتا. التىن كۇن، قىران جانە ويۋ - ورنەك ءبىزدىڭ حالقىمىزدىڭ اشىق كەلەشەگى مەن بەرەكەسى، تىنىشتىق پەن بايلىقتىڭ بەلگىسى.
مۇحاممەد:
كوك اسپانداي كوكپەڭبەك،
قازاقستان جالاۋى.
كوك ەمەس ول تەكتەن - تەك،
ەلدىڭ اشىق قاباعى.
قازاقستان رەسپۋبليكاسىنىڭ مەملەكەتتىك ەلتاڭباسىندا كوگىلدىر ءتۇس اياسىندا شاڭىراق بەينەلەنگەن. شاڭىراقتى اينالا كۇن ساۋلەسىندەي تاراپ، ۋىقتار شانشىلعان. بەس جۇلدىز، قاناتتى تۇلپار بەينەلەنگەن. بيداي ساباقتارى توقشىلىق، مولشىلىقتى بىلدىرەدى.
نازىم:
ەلتاڭباسى ەلىمنىڭ،
نەتكەن ءايبات، ادەمى
تۇنىعىنداي كوڭىلدىڭ
ورتادا اسپان الەمى.
كەز - كەلگەن مەملەكەتتىك رامىزدەردىڭ ەڭ ماڭىزدىسى - گيمن. گيمن مەملەكەتتىك ءان. ول حالىقتى ايگىلى ەتەدى. ونىڭ سوزدەرىندە حالىقتىڭ مىڭداعان جىلعى تاريحى، بۇگىنگى ءومىرى مەن كەلەشەك ارمانى ايتىلعان.
ەلنۇر: وتتاي جانىپ جانارىڭ
ودان قۋات الامىن
ءانۇران ول — تىنىسى
كەڭ جازيرا دالامنىڭ.

قورىتىندى
ساباعىمىزدى جاقسى وقىپ، ەلىمىزدىڭ ادال، ەڭبەكقور ازاماتى بولايىق. ەر جەتىپ ەلىمىزدىڭ ودان ءارى كوركەيۋىنە، گۇلدەنۋىنە ءوز ۇلەسىمىزدى قوسايىق.
وقۋشىلار تاقتاعا شىعىپ، كەلەسى ارىپتەردى كوتەرەدى.
ب - ءبىلىمىمدى ارنايتىن
و - وتانىمدى قورعايتىن
ل - لاڭكەستىكتى داتتايتىن
ا - ادالدىقتى جاقتايتىن
ش - شۋاعىمدى شاشاتىن
ا - اسۋلاردان اساتىن
ع - عارىش سىرىن مەڭگەرگەن
ى - ىنتىماقتى تەڭ كورگەن
م - مەنمەندىكتى جەك كورگەن
ق - قازاققا قىزمەت ەتەتىن
ا - ارمانىنا جەتەتىن
ز - زاڭدى جاقسى بىلەتىن
ا - العا قاراي جۇرەتىن
ق - قايىرىمدى ەلىمنىڭ
س - سالتاناتتى جەرىمنىڭ
ت - تولىقتىرام سەنىمىن
ا - ابىرويىن، جىگەرىن
ن - نامىسىن قولدان بەرمەيتىن

ءبارى: مەن بولامىن ەڭبەكقور،
بولاشاعى ەلىمنىڭ!
ءان «كوك تۋدىڭ جەلبىرەگەنى».
قورتىندى: — مىنە، بالالار، بۇگىن وزدەرىڭدى تاۋەلسىز ەلىمىزدىڭ بولاشاعى ەكەندەرىڭدى، ياعني، ناعىز ازامات ەكەندىكتەرىڭدى كورسەتە بىلدىڭدەر. بەلگىلى اقىن اتامىز ج.
مولداعالييەۆ:
وتكەنىڭدى ەسكە الساڭ،
وسكەنىڭنىڭ بەلگىسى.
وتكەنىڭدى ۇمىتساڭ،
وشكەنىڭنىڭ بەلگىسى،
— دەگەن ەكەن. سوندىقتان، حالقىمىزدىڭ بۇگىنگى ۋاقىتقا دەيىنگى جەتكەن جەتىستىكتەرى وزدەرىڭە امانات. سونداي - اق، ەلىمىزدىڭ ەگەمەندىگىن تانىتاتىن رەسمي ەرەكشەلىك بەلگىلەرى: انا ءتىلىمىز، ەلتاڭبامىز، تۋىمىز، اتا زاڭىمىز، ءانۇرانىمىزدى بويىنداعى بويتۇمارىنداي ساقتاپ قانا قويماي، قاشاندا ەلىمىزدىڭ، جەرىمىزدىڭ ەركىندىگىن ساقتار مىقتى ۇرپاق، مىقتى ازامات بولاتىندارىڭا سەنىمىم مول. جولدارىڭ اشىق، جارقىن بولسىن، تاۋەلسىز ەلدىڭ ازاماتتارى!