InfoHub Logo

پاۆلودار وبلىسى لەبياجى اۋدانى ايتەي اۋىلى
لەنين جالپى نەگىزگى ءبىلىم بەرۋ مەكتەبىنىڭ
2-سىنىپ وقۋشىسى تەميرحانوۆا سابينا
جەتەكشىسى: اۋباشيەۆا بايان ەگەۋوۆنا

جەردەگى بار تاعامنان
انا ءسۇتى ءنارلى ەكەن.
بۇل جالعاندا انامنان،
سۇيىكتى ادام  بار ما ەكەن؟

ف. وڭعارسىنوۆا               

ءار ادام جارىق دۇنيەگە كەلگەندە مەيىرىمدى، جۇرەگى جىلى جاندى كورەدى. ول – انا. بالاسىن قاناتتىعا قاقتىرماي، تۇمسىقتىعا شوقتىرماي باۋىرىنا باسىپ، ءبىز ءۇشىن جانۇشىرا شىرىلدايتىن دا – انا.  ءاربىر انا باقىتتى ءومىردى، تىنىشتىقتى تىلەيدى. انا – تىرشىلىكتىڭ گ ۇلى، وتباسىنىڭ بەرەكەسى، بۇكىل ادامزاتتىڭ تاربيەشىسى. دۇنيەدە اناسىز ادام جوق. جازۋشى دا، دانىشپان عالىم دا، ەل باستاعان كوسەم دە، ءسوز باستاعان شەشەن دە انا كوكىرەگىنەن ءنار العان. انا – بارلىق ءومىردىڭ باستاۋى. ول ءوز ءسابيىن ماپەلەپ وسىرەدى، جاقسى بولۋىن قالايدى. ادام بويىنداعى بارلىق جاقسى قاسيەتتەر انانىڭ اق سۇتىنەن داريدى. انا – ۇلى ادام، قاسيەتتى جان. انا ءبىر قولىمەن بەسىك تەربەتسە، ءبىر قولىمەن الەمدى تەربەتكەن دەگەن. 

مەن انامدى قاتتى جاقسى كورەمىن. سىيلايمىن، اماندىعىن تىلەيمىن. ءبىراق كەيدە ونى رەنجىتىپ الىپ جاتامىن. مەن ءوزىم تەز اشۋلاناتىن مىنەزىم بار. كەيدە اناما بۇلدانىپ، قارسى سويلەپ قالاتىنىم بار. ءبىراق اشۋىم قايتقان سوڭ «بەكەر ايتتىم» دەپ وكىنىپ قالامىن. ءبىراق انام كەشىرىمشىل، اقىلدى، بايسالدى ادام. وسىنداي ساتتەردە مەن اناما بارىپ، كوڭىلىن تابۋعا تىرىسامىن. بەتىنەن ءسۇيىپ، جىلى سوزدەر ايتامىن.  

انام اۋىرىپ قالعان كەزدە مەن انامنىڭ اماندىعىن تىلەيمىن. بۇل ومىردە دوستارىم، تۋىستارىم قانشالىقتى كوپ بولعانىمەن، ولاردىڭ جانى انامداي اشىمايتىنداي بولادى. اناشىم – وتباسىنىڭ تىرەگى. بارلىعى جاسى ۇلكەن-كىشى تۋىستارىم ءبىر ءىستى باستاردا نەمەسە باسقا دا جاعدايلاردا مەنىڭ اناممەن اقىلداسادى. ول بارلىق ماسەلەنىڭ شەشىمىن تاۋىپ رەتتەيدى، كەڭەس بەرەدى. انام – اجارلى كىسى. انامدى قاتتى جاقسى كورەمىن. اناشىم مەنى تۇسىنەتىنە كۇمانىم جوق. انام اۋىرماي ۇزاق ءومىر جاساسا ەكەن دەپ تىلەيمىن. اناسىز ءومىر نە بولماق؟! انام امان بولسىنشى! انامىزدىڭ كوڭىلى شات، ءجۇزى جارقىن، دەنى ساۋ بولۋىن ءارقاشان تىلەيمىن.

بارلىق بالالاردىڭ انالارى امان بولسىن!

---