مەنىڭ تۋعان جەرىم
پاۆلودار وبلىسى لەبياجى اۋدانى ايتەي اۋىلى
لەنين جالپى نەگىزگى ءبىلىم بەرۋ مەكتەبىنىڭ
2-سىنىپ وقۋشىسى كادىرحانوۆ دوسىم
جەتەكشىسى: اۋباشيەۆا بايان ەگەۋوۆنا
تۋعان جەردەي جەر بولماس،
تۋعان ەلدەي ەل بولماس.
مەنىڭ تۋعان جەرىم ايتەي باتىر اۋىلى. تۋعان جەرىمنىڭ تابيعاتى وتە سۇلۋ.
مەنىڭ اۋىلىم وتە جاقسى، باتىسىندا قالىڭ توعاي، شىعىسىندا كەڭ جازىق دالا. اعىپ جاتقان ەرتىس وزەنى بار. توعايدا بۇلدىرگەن مەن قاراقات وسەدى. بىلتىر سوڭعى قوڭىراۋ مەرەكەسىنەن كەيىن سىنىبىمىزبەن جينالىپ تابيعاتقا ساياحاتقا شىقتىق. تابيعات اياسىندا ءمۇعالىم بىزبەن ءارتۇرلى ويىندار، جارىستار وتكىزدى. قىزدار باقباقتىڭ سارى گۇلىنەن باستارىنا گۇلكەستە جاسادى.
جاز ايىندا ەرتىس وزەنىنە شومىلىپ، بۇلدىرگەن، قاراقات تەرىپ ۇيگە قايتامىز. مەن دوستارىممەن وزەككە بالىق اۋلاۋعا باردىم. بىلتىر ەرتىس وزەنى قاتتى تاسىپ شالعىندىقتى سۋ باسىپ كەتتى. ءبىز وعان قۋاندىق. ەگەر سۋ مول كەلسە، وزەكتەردە بالىق كوپ بولادى. ءسويتىپ بىلتىر بالىقتى كوپ اۋلادىق. كۇز كەزىندە ءبىز توعايدان يتمۇرىن تەرۋگە بارامىز. يتمۇرىننىڭ ادام دەنساۋلىعىنا پايداسى مول. توعايعا بارعاندا ءارتۇرلى قۇستاردىڭ داۋىستارىن ەستىدىك، ءبىراق قۇستاردىڭ تۇرلەرىن اجىراتا المادىق. ءبىز توقىلداقتى كوردىك. ول اعاشتىڭ دىنىنە جابىسىپ، اعاشتى توقىلداتىپ تۇردى.
بىزدە قىس ايى وتە قاتتى بولادى. بورانى مەن ايازى بىرگە جۇرەدى. قالىڭ قار تۇسەدى. ويدىڭ استىنا بارىپ شانامەن سىرعاناق تەبەمىز. بەتى-قولىمىز سۋىقتان دومبىعىپ، توڭعاننان كەيىن ۇيگە قايتامىز. مەن تۋعان جەرىمنىڭ تابيعاتىنا سۇيسىنە وتىرىپ، جىلدىڭ قاي مەزگىلى بولسىن قۋانىشپەن قارسى الامىن. مەنىڭ تۋعان جەرىمنىڭ تابيعاتى وسىنداي.
You Might Also Like
-
قاراعاندى وبلىسى بۇقار جىراۋ اۋدانى «كالينين جالپى ءبىلىم بەرۋ ورتا مەكتەبى» كمم 5 «ا» سىنىپ وقۋشىسى قارسىباي رامازان جەتەكشىسى: مىرزاكانوۆا توگجان مەييرجانوۆنا
-
سوڭعى جىلداردىڭ ىشىندە مەكتەپتە جاڭا تەحنولوگيالاردى كەڭىنەن قولدانۋ ورىن الىپ وتىر. قازىرگى وقىتۋ ءۇردىسىنىڭ ماقساتى وقۋشىنى جان جاقتى قالىپتاسقان، باسەكەلىستىككە بەيىم جەكە تۇلعا تاربيەلەۋ. وسىنى ...
