مەنىڭ انام
«انا، ماما» ءسوزىنىڭ كەرەمەتتىلىگىن ەشكىم تۇسىنە بەرمەيدى. ول سوزگە يە بولۋعا كەز –كەلگەن ايەل ادامنىڭ قولىنان كەلمەيدى. نەگە دەيسىزبە؟
مەن ەس بىلگەننەن بالالار ۇيىندە بولدىم. ءقازىر مەن ۇيدەمىن. مەنىڭ انام، اكەم بار. مەن وتباسىندامىن. اعام ەكەۋمىز بالالار ۇيىندە بولعاندا اتا-انامىزدىڭ بولعانىن قاتتى قالايتىنبىز. مىنە، سول تىلەگىمزدىڭ ورىندالعانىنا 4 جىل بولدى.
انا. ول كەرەمەت جان. انام ءبىزدى قۇشاقتاپ يىسكەگەندى جاقسى كورەدى. بارلىعى انامدى جاس دەيدى. ول كىسىنىڭ جاسى ءبىزدى العاندا جيىرما التىدا عانا بولعان. «ءبىز وسكەن سايىن بىزبەن وسكەندەي بولامىن»، - دەيدى اناشىم. ول كىسىنىڭ قولى بىزگە مامىقتاي كورىنەدى. اناشىمنىڭ داۋسى تاڭعى قۇستاردىڭ انىندەي، ال ونىڭ شاشىنىڭ ءيىسى تاۋدان اققان سۋدىڭ يىسىندەي ەرەكشە.
اناشىم ەرتەگىدەگى حانشايىمدار سەكىلدى. ەرتەگى الەمىندە جۇرگەن پەرىشتە سەكىلدى. تاڭ اتقانىمەن تىرپىلداپ ءبىز ءۇشىن اس دايارلاپ، ءبىزدى نازىك داۋسىمەن وياتىپ، جۇمىسىنا اسىعادى. اناشىم- ءبىزدىڭ ومىرلىك ۇستازىمىز. ول - بىزگە عانا ەمەس بارلىق مەكتەپتەگى وقۋشىلارعا دا ۇستاز. ول – ءمۇعالىم. بارلىق بالالار مەنىڭ اناشىمدى جاقسى كورەدى. اناشىمدى بارلىعى قۇشاقتاۋعا اسىعادى، كەيدە مەنىڭ ىشتەگى قىزعانىشىم ويانىپ كەتەدى.
اكەمىز اناشىمدى «اللانىڭ بەرگەن ماقتاۋى» دەيدى. سول ماقتاۋدى ەشقاشان جوعالتپاي قۇرمەتتەي ءبىلۋىمىز كەرەك دەيدى. ول قۇرمەتتىڭ بەلگىسى اكەمىزدىڭ دە انامىزدى قاتتى قۇرمەتتەۋى. جاقىندا تاعىدا وتباسىمىز تولىقتى. ءوزىمىز سياقتى تاعى ءبىر بالانى وتباسىمىزعا الدىق. ماعان وسى كەزدە ۇناعانى انامىز بەن اكەمىزدىڭ بىزبەن اقىلداسا وتىرىپ شەشىم قابىلداعانى. انام ءار كەز بىزگە اقىلداسۋدى، اقىل سۇراۋدى ۇيرەتەدى. ول سۇراعاننىڭ ۇياتى جوق دەيدى. اناشىمنىڭ وسى سوزدەرىن ويلاي وتىرا مەن انامدى ۇلى قازاق اقىنى اباي اتامىزداي ەلەستەتىپ سانايمىن. اناشىمىز - ءبىزدىڭ عۇلامامىز.
ارينە ءبىزدىڭ دە انامىزدى كوپ رەنجەتىن كەزدەرىمىز بولادى. اناشىم رەنجەگەن كەزدە «مەنىڭ جۇرەگىم تورلى داپتەر سياقتى، سىزدەر مەنى رەنجەتكەن سايىن ول بويالىپ، جاقسى كورۋگە ورىن قالماي قالادى. ال سىزدەر مەنى قۋانتقان سايىن ءار بويالعان توردىڭ ورنى وشىرىلەدى»،-دەيدى. سوندىقتان انامىزدىڭ جۇرەگىنە داق تۇسپەۋى ءۇشىن مەن جانە مەنىڭ اعاتايلارىم انامىزدى ءار قاشان قۋانتامىز دەپ ۋادەلەستىك. سول ۋادەمىزگە جىلدار وتكەن سايىندا تۇراتىن بولامىز. سەبەبى انامىزدى قۋانتۋ ارقىلى ءبىز تەك وزىمىزگە عانا ەمەس، باسقادا بۇرىنعى ءبىز سياقتى مولدىرەگەن كوزدەرى بار بالالارعا جۇرەگى كەڭ اشىلىپ، بارلىعىدا انالى بولۋىن قالايمىز.
وسىنى وقىپ وتىرساڭىز اناشىم، ءبىز ءسىزدى جاقسى كورەمىز. ءسىز ءبىزدىڭ الەمىمىمزدىڭ جارىعىسىز. ال وسى جۇرەكجاردى ەسسەمدى وقىپ وتىرعان وقىرماندارىما انالارىڭىزدى سىيلاڭىزدار. ول - اللانىڭ سىزگە بەرگەن سىيىنىڭ، ماقتاۋىنىڭ ەڭ نەگىزى.
جارقىراعان كۇنىمىز سەن –انا،
جۇلدىزى مول ءتۇنىمىز سەن –انا،
ءومىردىڭ مانىمەنەن قىزىعى سەن –انا.
You Might Also Like
-
اۋەستىك، يننوۆاسيا جانە سيقىر تۋرالى...
-
ءبىر ءۇيشى جۇمىسىمەن كوپ مال تاۋىپ تۇرسا دا، سونشا ازبەن قاناعات ەتىپ، از جۇمساپ تۇرادى ەكەن. ءبىر كۇنى كورشىسى سۇرادى:
