مەنىڭ ارمانىم، مەنىڭ ۇمىتتەرىم مەن سەنىمدەرىم
بايارستانوۆا ەكاتەرينا
مەنىڭ ارمانىم، مەنىڭ ۇمىتتەرىم مەن سەنىمدەرىم
ءبىلىم الۋ – باتىلدىلىق ، ونى تولىقتىرۋ – دانالىق ، ال شەبەر قولدانا ءبىلۋ - ونەر!
«باقىت» دەگەن ءسوز ايتۋعا وڭاي. وعان جەتۋ شە؟ «ارمان» دەگەن ءسوز دە ايتۋعا وڭاي. الايدا بۇل ءسوزدىڭ ءمان – ماعىناسىنا كەز كەلگەن ادام سيا ما؟
«ارمانسىز ادام – قاناتسىز قۇسپەن تەڭ» - دەگەندەي، ۇستاز بولۋ مەنىڭ مەكتەپ قابىرعاسىن العاش اتتاعاننان باستاپ ارمانىم بولدى. قازاق ءتىلى مەن ادەبيەتكە دەگەن قۇشتارلىق جاستايىمنان بايقالاتىن. ۇيىرمەلەرگە قاتىسىپ ءجۇرىپ كوپتەگەن زاتتاردى ۇيرەنىپ، ۇستازدارىما قىزىعا قارايتىنمىن. ولاردىڭ ءجۇرىس-تۇرىسى، سويلەۋ مانەرى، ولەڭ وقۋ شەبەرلىكتەرى مەنى بەي- ءجاي قالدىرمايتىن.
ءبىرىنشى سىنىپتان ساناما سىنگەن قوڭىراۋ ءۇنىنىڭ سىلدىرى مەن سىڭعىرى جارىسا 45 مينۋتتىق ءبىلىم ساعاتىنا شاقىرىپ تۇرادى. ءقازىر بولسا، سول ءوزىم كورىپ جۇرگەن ويلى دا ساليقالى ۇستازدارىمنىڭ كەيىپىن كيۋگە اسىقپىن. ءبىر اڭدىعانىم – ۇستاز بولۋ اسقان جاۋاپكەرشىلىك پەن وراسان ەڭبەكتى قاجەت ەتەر كۇردەلى ماماندىق ەكەنى ءسوزسىز ەكەن. سوندىقتان دا ۇستازدىق جول تۇسىنگەن جانعا اۋىر، ءارى جاۋاپكەرشىلىكتى كوپ قاجەت ەتەتىن جۇمىس ەكەنى داۋسىز. سەبەبى بالا كوڭىلى كىرشىكسىز تازا، جىبەكتەي نازىك. بايقاماي جارالاپ الساڭ، ونى قالپىنا كەلتىرۋ الدەقايدا قيىن، ءارى بالانىڭ تاعدىرى سەنىڭ قولىڭدا.بۇل جاي عانا كەزدەسە بەرەتىن قاراپايىم قۇبىلىس ەمەس، ونىڭ تاساسىندا ادام تاعدىرى جاتقانىن جان-تانىممەن ءتۇسىنۋ كەرەكسىن..
جاستايىمنان ولەڭ وقۋعا اۋەس بولىپ ءوسىپ، وسى ۇناتقان ماماندىق بويىنشا ءبىلىمىمدى تەرەڭدەتىپ، ارمانداعان ارمانىما قول جەتكىزۋ مەن ءۇشىن ۇلكەن مارتەبە. وسىلايشا ءبىلىم الىپ ءجۇرىپ ەگەمەندى ەلىمنىڭ ءبىر ۇلاعاتتى ۇستازى بولۋعا بەل بۋىپ، قازىرگى ۇستازدارىمنان تالىم-تاربيە الىپ، اتا-انامدى قۋانتۋعا اسىقپىن.سوندىقتان دا ءاربىر ساناۋلى ۋاقىتىمدى بوسقا وتكىزبەي، ۇيىرمەگە كەلىپ ، شىعارماشىلىعىمدى شىڭداۋعا تىرىسۋدامىن.
«ناعىز ءمۇعالىم ءومىردىڭ اششى شىندىعىن كورسەتپەيدى، ءتۇسىندىرىپ جەتكىزەدى» دەمەكشى مەنىڭ ۇستازدارىمنىڭ ۇستازدىق ەڭبەك جولىندا قانشاما قيىندىققا تاپ بولىپ جاتسا دا، وسى ماماندىقتىڭ بەرەرى كوپ ەكەنىن تالماي ءتۇسىندىرىپ جەتكىزىپ، كۇندەلىكتى بەرىلىپ وتىرعان تاپسىرمانى جاۋاپكەرشىلىكپەن ورىنداۋعا، ىزدەنىسكە شاقىراتىنى راس. سوندىقتان دا وسى ۇستازدارىمنىڭ بەرگەن ءاربىر ءبىلىم ءنارىن الداعى ۋاقىتتا ءوز جەتىستىگىممەن كورسەتىپ، ۇلاعاتتى ۇستاز دەگەن اتاققا يە بولۋدى ارمانداپ، سەنىمدەرى مەن ۇمىتتەرىن اقتاعىم كەلەدى.
ءوزىمنىڭ بالالىق كەزدەرىمدى ەسكە الا وتىرىپ، جىبەرگەن قاتەلىكتەرىمدى سىنىپتاستارىما ايتا ءجۇرىپ، دۇرىس جولعا سالىپ، باعىت -باعدار بەرە ءجۇرىپ، اياۋلى ۇستازدارىمنىڭ جەمىسىن ۇلكەن ارمانىممەن جۇزەگە اسىرماقپىن.
مەنىڭ وقىتۋشى ۇستازدارىم ءار جاعدايدا وزدەرىنەن اسىپ ءتۇسۋدى سۇرايدى.سەبەبى «ۇستازىنان اسىپ تۇسۋگە تىرىسپاعان شاكىرت بەيشارا»دەدى دە ءبىزدى شابىتتاندىرادى، قاناتتاندىرادى.
سول ۇلكەن قاناتتاندىرۋ مەن شابىتتاندىرۋدىڭ ارقاسىندا مەنىڭ ارمانىمنىڭ ورىندالاتىنى ءسوزسىز. ەندىگى ارمانىمنىڭ جالعاسىن تابۋعا شابىت بەرگەن ۇستازدارىمنىڭ ارقاسىندا ۇلكەن بەدەلدى اقىن-جازۋشى، تانىمال ءتىلشى، ۇلاعاتتى ۇستاز بولسام دەگەن ءۇمىتىم مەن سەنىمدەرىم بار. وسى سەنىمدىلىك مەنى ۇمىتتەندىرەدى. سەبەبى مەن ءاردايىم جەتىستىككە جەتىپ وتىرسام، ۇستازدارىمنىڭ ءۇمىتى اقتالادى دەگەن سەنىمدەمىن.
«جۇمىس جاساعان كەزدە شابىتتانىپ جاساۋ قاجەت، شابىت كەلۋى ءۇشىن سەن ءوز ءىسىڭدى ءسۇيۋىڭ قاجەت» دەيتىن ۇلاعاتتى ۇستازدارىمىز. ەندەشە كەز كەلگەن ادام بالاسى ومىرگە كەلگەننەن باستاپ، جانىنا جاقىن ءىستى تاڭداۋى قاجەت. مەن ءوز تاڭداۋىمدى جاسادىم. ەندىگى ءۇمىتىم ۇلاعاتتى ۇستازدارىمنىڭ سەنىمىن اقتاۋ!
You Might Also Like
-
سالىمدەردىڭ اۋىلى قالادان قاشىق ەمەس. ءبىراق ول قالاعا ءالى ءبىر رەت تە بارىپ كورمەپتى. سوندا تۇراتىن تۋىستارىنىڭ بالاسى ەرمەك تالاي ماقتانعان. قالادا حايۋاناتتار باعى، سيرك، سۋبۇرقاقتار بار دەيدى. تە...
-
قازاق حالقى ءوزىنىڭ باتىل ۇل-قىزدارىن ءارقاشان ەر دەپ باعالاي بىلگەن. ەۋرازيانىڭ ەن كەڭىستىگىندە كوشپەلى ءومىر كەشكەن بابالارىمىزدىڭ جەرى مەن ەلىن قورعاۋ جولىندا ايانباي قان توككەنىنە كونە تاريح ...
