InfoHub Logo

وشپەس ءۇمىت

زارلىكوۆ مەرلان رۋستەم ۇلى

مەن بالا كۇنىمنەن مەنىڭ كۇشىگىم مەن مىسىعىم بولسا دەپ ارماندايتىنمىن. ءبىراق مەن قانشالىقتى ارمانداسام دا مەنىڭ ارمانىم ورىندالمايتىنى ءسوزسىز ەدى. سەبەبى مەنىڭ اتا –انامنىڭ  ءۇي جانۋارلارىنا  قىشىماسى بولاتىن.

         ءسويتىپ  كۇندەردىڭ كۇنىندە كورشى تۇراتىن ءۇيدىڭ جانىندا ءبىر مىسىق تولدەگەن ەكەن. ونىڭ بالالارى سونداي سۇيكىمدى، ءبىراق قاراۋسىز ەدى. اتا-انام جۇمىسقا كەتكەننەن كەيىن دالا  مارعاۋلارىنا تاماق اپارىپ، تاماقتاندىرىپ، بىرگە وينايتىنمىن. ال كەشكىلىك سول مارعاۋلاردى ۋايىمداپ، پانالايتىن جەرلەرى جوقتىعىنا مازاسىزداناتىنمىن. ءسويتىپ قاراۋسىز قالعان مارعاۋلاردى  كۇندىز قاراۋىلداپ، تۇندە ۋايىمداپ، ەرتەسىنە اتا-انامنىڭ جۇمىسقا كەتكەنىن كۇتىپ، ولاردى ۇيگە  كىرگىزىپ، قايتا تاماقتاندىرىپ، جۋىندىرىپ، ءاربىر كۇنىمدى قىزىقتى وتكىزەتىنمىن. سول مىسىقتار مەنىڭ ومىرىمنەن ۇلكەن ورىن السا كەرەك. ولاردى الپەشتەپ كۇتۋ مەن ءۇشىن ۇلكەن جاۋاپكەرشىلىك.

         اتا-انام  مەنى ۇنەمى جالعىز قالدىراتىن. سول جالعىزدىقتان  شارشاعان مەن وسى مارعاۋلاردى سەرىك ەتىپ، دوستاسىپ الدىم. ولاردىڭ مەنىڭ ومىرىمدەگى ورنى ەرەكشە ەدى. ءبىراق ول مەنىڭ ۇلكەن قۇپيام بولاتىن.

ءسويتىپ كۇندەردىڭ كۇنىندە جاز مەزگىلى اياقتالىپ، كۇزدىڭ قارا سۋىق  كۇندەرى دە كەلىپ جەتتى.اتا-اناممەن دەمالىستا قالادا بولعان ەدىك. سول كەزدەگى مەنىڭ ۋايىمىم اۋزىما جەتتى. ءبىراق امال نەشىك. مەنىڭ قولىمنان ەشتەڭە كەلمەدى. سول  مارعاۋلاردى  كەلگەننەن كەيىن، قايتا كورگەنىم جوق.

         كۇندەردىڭ كۇنىندە جايدارلى جاز مەزگىلى دە كەلىپ جەتتى. مەنىڭ ءۇمىتىم وشكەن ەمەس. سول كوزدەرى مولتىلدەگەن ەكى مارعاۋدى ۋايىمداپ، جۇدەپ ءبىتتىم. ءبىراق سوندا دا ولاردىڭ جانىمدا جۇرەتىنىن ىشتەي سەزەتىنمىن.

         ءبىر كۇنى كورشى ءۇيدىڭ كىشكەنتاي قىزى  سول مارعاۋلاردى ەكى قولتىعىنا قىسىپ، جۇگىرىپ كەلە جاتقانى كوزىمە وتتاي كورىندى. مەنىڭ قۋانعانىم سونشا كوزىمە جاس كەلىپ «ايتەۋىر امان ەكەن» دەپ ءبىر كۇرسىنىپ، قۋانىپ، قۋانىشىم كوككە جەتتى.

         سونداعى تۇيگەنىم دالا مىسىقتارىن كەلەسىدە قايتا كورسەم،  ونى ەشكىمنەن جاسىرماي، بىردەن شىندىقتى اتا-اناما ايتىپ پانالاتۋ مەنىڭ مىندەتىم ەكەنىن ءتۇسىندىم.

---