مەنىڭ ەلىم - ماڭگىلىك ەل
اقتوبە قالاسى
№49 جالپى ءبىلىم بەرەتىن ورتا مەكتەبىنىڭ
3 «ب» كلاسس وقۋشىسى انىبەكوۆا كۇنىمجان
جەتەكشىسى: وتەشوۆا راميزا
تاۋەلسىزدىككە قول جەتكىزگەن ساتتەن باستاپ، ءوز ەلىن جارقىن بولاشاققا جەتەلەگەن كوشباسشىمىز نۇرسۇلتان نازاربايەۆ. قازاق ەلى از ۋاقىت ىشىندە تاريحتا بۇرىن-سوڭدى بولماعان تابىستارعا قول جەتكىزدى. بۇگىنگى قازاقستاننىڭ باستى ماقساتى - ەكونوميكانى دامىتۋ، ەڭ دامىعان 30 ەلدىڭ قاتارىنان كورىنۋ، ماڭگىلىك قازاقستان جوباسى وسى ماقساتقا جەتكىزەتىن ۇلى باستاما. ماڭگىلىك ەل بولۋ- ءبىزدىڭ ءوز قولىمىزدا. ول ءۇشىن ءوزىمىزدى ۇنەمى قامشىلاپ ۇدايى العا ۇمتىلۋىمىز كەرەك. بايلىعىمىز دا، باقىتىمىز دا بولعان ماڭگىلىك تاۋەلسىزدىگىمىزدى كوزدىڭ قاراشىعىنداي ساقتاي ءبىلۋىمىز كەرەك. ماڭگىلىك ءسوزى اتا- بابالاردان كەلە جاتقان ماڭگى ولمەيتىن اسىل قازىنا. ول انا تىلمەن دە تىعىز بايلانىستى. انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولادى. ەلىمىزدىڭ ەرتەڭى - جاستاردىڭ قولىندا. سوندىقتان دا ءبىز ەلباسىن قولداپ، ساباعىمىزدى جاقسى وقىپ ەلىمىزدىڭ وركەندەپ وسە بەرۋىنە ءوز ۇلەسىمىزدى تيگىزۋىمىز كەرەك. ماڭگىلىك ەل - اتا-بابالارىمىزدىڭ سان مىڭ جىلدان بەرگى اسىل ارمانى. قازاقستان 2050 ماڭگىلىك ەلگە باستايتىن ەڭ ابىرويلى ەڭ مارتەبەلى جول دەگەن پرەزيدەنتىمىز. ولاي بولسا ماڭگىلىك ەلدىڭ ونىمەن قاتار جاساپ بىرگە دامىعان ماڭگىلىك ءتىلى بولۋى دا شارت. ول مەملەكەتتىك ءتىلى قازاق ءتىلى. قازىرگى كەزدە مەملەكەتتىك ءتىلدى دامىتۋ جونىندە شارالار جۇزەگە اسىرىلۋدا. قازاقتىڭ ارمانسىز ادام قاناتسىز قۇسپەن تەڭ دەگەن دانالىعى بار. ءبىزدىڭ اتا-بابالارىمىزدىڭ باستى ارمانى تاۋەلسىزدىك بولعانىن ەشكىم جوققا شىعارا المايدى. بىلىكتى مىڭدى جىعار دەگەندى ءومىردىڭ ءوزى دالەلدەۋدە. سوندىقتان دا وركەنيەتتى ەلدەردىڭ قاتارىنا ەنۋ ءۇشىن ساپالى ءبىلىم الىپ، ونى ەل مۇراتىنا پايدالانا ءبىلۋىمىز كەرەك. بۇل ءبىزدىڭ، ياعني، وقۋشىلاردىڭ الدىنا قويعان ماقساتى. ولاي بولسا انا ءتىلىمىزدى دە ماڭگىلىك ءتىل ەتۋ - ءوز قولىمىزدا. سوندىقتان دا رۋحى بيىك ەل بولايىق! ەلدىگىمىز بەن تۋعان ءتىلىمىز ماڭگىلىك جاساي بەرسىن!
You Might Also Like
-
ايتۋلى وقيعا سەربيانىڭ استاناسى بەلگرادتا ورىن الدى. قازاقستان قۇراماسى بۇل تۋرنيرگە العاشقى رەت قاتىسىپ وتىرعانىنا قاراماستان، قولا جۇلدەنى جەڭىپ الدى. ەۆروپانىڭ ازۋلى كوماندالارىن شاڭ قاپتىرىپ، ب...
