قازاقستان قۇراماسى - فۋتزالدان ەۆروپانىڭ قولا جۇلدەگەرى
ايتۋلى وقيعا سەربيانىڭ استاناسى بەلگرادتا ورىن الدى. قازاقستان قۇراماسى بۇل تۋرنيرگە العاشقى رەت قاتىسىپ وتىرعانىنا قاراماستان، قولا جۇلدەنى جەڭىپ الدى. ەۆروپانىڭ ازۋلى كوماندالارىن شاڭ قاپتىرىپ، ءبىزدىڭ قۇراما جۇرتشىلىقتىڭ ەرەكشە ىقىلاسىنا بولەندى.
ەستەرىڭىزگە سالا كەتەيىك، بۇعان دەيىن شيرەك فينالدا ءبىزدىڭ كوماندا ەۆروپا چەمپيونى يتاليانى 5-2 ەسەبىمەن تىزە بۇكتىرگەن بولاتىن. وكىنىشكە وراي،جارتىلاي فينالدىق كەزدەسۋدە الەم چەمپيوندارى يسپاندىقتارمەن وتكەن تەڭ ويىندا 3-5 ەسەبىمەن جەڭىلىپ قالدى. الايدا، 3-ورىن ءۇشىن وتكەن ماچتا قازاقستاندىق ويىنشىلار تاماشا ويىن ورنەگىن كورسەتىپ، الاڭ يەلەرى سەربيانى 5-2 ەسەبىمەن جەڭدى. قازاقستاندىقتار ساپىندا گولداردى دۋگلاس(3 گول)، جامانقۇلوۆ جانە قاقپاشى يگيتا ءبىر-بىر گولدان سوقتى. توپتىق كەزەڭدە رەسەي مەن حورۆاتيا قۇرامالارىنىڭ اراسىندا 2 - شi ورىندى يەلەنگەن بولاتىنبىز. قازاقستان باپكەرى برازيليالىق كاكاۋدىڭ پىكىرىنشە، بۇل جەتىستىك - ەلىمىزدە وسى سپورت ءتۇرىنىڭ دامۋىنا سەرپىن بەرەرى ءسوزسىز. سونداي-اق، شابۋىلشى سەرىك جامانقۇلوۆ تۋرنيردە 6 گول سوعىپ، پورتۋگاليالىق ريكادينومەن بىرگە، جارىستىڭ ۇزدىك شابۋىلشىلارى ءتىزىمىن باستادى. بۇگىن فينالدىق كەزدەسۋدە يسپانيا مەن رەسەي قۇرامالارى كۇش سىناسادى
You Might Also Like
-
تەكەلى قالاسى «№ 5 ورتا مەكتەپ» كمم-سىنىڭ
