كىرپىككە كىر جۋىتپاي،قۇنداقتاعان.
مىنا ءومىر، مىنا ءداۋىر قىمبات ماعان.
بۇل عاسىر، ءسىرا، مەنىڭ جۇرەگىم-اۋ،
تىنىسىن قىبىر ەتپەي تىڭداپ باعام.
بۇل عاسىر - مەنىڭ جۇرەك-ساعاتىمداي،
تامىرىم بىرگە ونىمەن سوعاتىنداي.
امالسىز،ابايسىزدا قالعىپ كەتسەم،
عاسىرىم بىرگە ۇيىقتاپ قالاتىنداي.
مىنا ءداۋىر مەنىكى،مىنا عاسىر،
مينۋت سايىن كەرەمەت ۇلان-اسىر.
ماڭگىلىككە عاسىرىڭ بارا جاتسا،
بىرگە كەتپەي قالايشا تۇرا الاسىڭ.
تىنىم الماي تىڭدايمىن سىرلاسىمدى،
تىنىسىن باعام...
مەنەن نە سىر جاسىردى!؟
...ءسىرا، ءبىزدىڭ ۇرپاققا قيىن بولار،
ماڭگىلىككە جونەلتۋ بۇل عاسىردى...
(ءبىزدىڭ ۇرپاق سول شاقتى كورەر مە ەكەن؟.
كەلەر-كەتەر،عاسىرلار كەلەر-كەتەر.
ءوزىم جىرلاپ قالايىن عاسىرىمدى،
كەلەر ۇرپاق وزىنشە ولەڭدەتەر...

---