جالعاننىڭ جارتىسىنداي جالپاق دالام،
كەۋدەڭ - ىرىس، التىن تاق - ارقاڭ ماعان!
قوزعالساڭ قويىنىڭنان ءدان ساۋلاعان،
كاۋسار دالام، باس ءيدىم، گاۋھار دالام!
جەسىر ەم، جەتىمەك ەم جاۋتاڭداعان،
ىرىسقا كەنەلتتىڭ-اۋ، پارتيا انام!
كەزىمدە السىرەگەن، قانسىراعان،
سەن بولدىڭ الدىمەن كەپ حال سۇراعان.
سەنەن كەپ سۋ سۇراعام، نان سۇراعام،
كەزەڭدە ەكى تالاي سانسىراعان.
و، مەنىڭ جان سىباعام، ار سىباعام،
ماڭگىلىك قىزىعىم بوپ، قالشى دالام!
جاراستىق جاقىندىقتىڭ داستارقانى،
كىم سەنىڭ پەيىلىڭنەن باس تارتادى،
اق وتاۋلار تىگىلسىن، قوستار تاعى،
تولتىرىڭدار نىعىزداپ بوس قامبانى،
جەر بەتىندە كوبەيسىن دوستار تاعى،
مەنىڭ جەرىم دوستىقتىڭ اسقار تاۋى!!!
وشاعىن دا، وتىن دا قازا قىلماي،
قايناپ جاتقان ىرىستىڭ تاي قازانىنداي.
جايناپ تۇرعان ماڭگى دوستىق بازارىنداي،
قازاعىڭداي دوسىڭ بار،قازاعىڭداي.
قاشانداعى تانيتىن جازا بۇرماي.
تويىما كەل، دوستارىم، تارتىنباعىن،
پەيىلىمە ساي پەيىلمەن جارقىلداعىن.
التىندارىن ساپىرعان التىن ءدانىن،
الىپ وداق وسىرگەن اياسىندا،
دوسىڭ بارىن، قازاقتاي، حالقىڭ بارىن،
ەسىڭە الىپ، تويعا كەل،جارقىندارىم!
سونبە ماڭگى!
دوستىقتىڭ وتى لاۋلا!
دۋمان-توي، ءسان-سالتانات جاتىر الدا.
جايايىق ميللياردتىڭ مول داستارقانىن،
الاتاۋ، التاي، ارقا مەن اتىراۋعا!

---