InfoHub Logo

مەن بايتەن اينۇر داۋلەت قىزى 1994 جىلدىڭ 28ء-ىنشى جۇلدىزى كۇنى وقو تۇركىستان قالاسىندا قاراپايىم وتباسىندا دۇنيەگە كەلدىم.اكەم مەن انام قاراپايىم جۇمىسشىلار. ءومىردىڭ قيىنشىلىعىن از كورمەدىك. اللاعا شۇكىر اكەم مەن شەشەم ەشكىمنەن كەم قىلماي ءوسىردى.بەس بالامىز وتباسىمىزدا.قيىنشىلىعى مەن قىزىعى بىرگە جۇرەتىن وسىناۋ ومىردە قالاي كۇرەسۋى كەرەك ەكەندىگىن ۋيرەتتى.بىرەۋدىڭ اق جولىن اتتاماۋدى،ەشكىمگە جاماندىق جاساماۋدى،جاقسىلىققا جاقسىلىق ىستەۋدى،تاسپەن ۇرعاندى اسپەن ۇرۋدى ۋيرەتتى.ەسىمدە بالا كۇنىمىزدە بەسەۋمىزدى قاتارعا ءتىزىلدىرىپ قويىپ،جەتى اتامىزدى،رۋىمىزدى،ءجۇزىمىزدى ۋيرەتەتىن اكەم.اللاعا شۇكىر سول كۇندەگى بەرىلگەن تاربيەنىڭ ناتيجەسى بۇگىندە ءۇش ۇلدىڭ اناسى بولىپ باسقا ءۋيدىڭ ءتۇتىنىن تۇتەتيپ وتىرعان جاعدايىم بار.اللاحىم ءناسىپ ەتىپ"قىزدىڭ ەڭ باستى مىندەتى تۇرمىسقا شىعىپ بالا ءسۇيۋ"-بولسا سول باقىتتى ەسەلەپ بەردى.جۇرەگىندە يمانى بار ۇرپاقتىڭ اناسى بولۋ،ءوزىنىڭ وتباسى ءۇشىن جان-تانىمەن تىنباي جۇمىس ىستەپ جۇرگەن جاننىڭ وتباسىندا وتىرعانىم قانداي باقىت.وتاعاسىن جۇمىستان كۇتىپ وتىرىپ،كۇلىمدەپ اس-اۋقاتىن بەرىپ،اتا-اناسىمەن باۋىرلارىنا سىيلاستىق كورسەتيپ وتىرعاننان اسقان باقىت جوق سياقتى.مەن ءۇشىن ەڭ ۇلكەن باقىت اتا-اناممەن باۋىرلارىمنىڭ اماندىعى،وتباسىمنىڭ دەندەرىنىڭ ساۋلىعى دەپ بىلەمىن.ءومىردى سۇرە بىلسەڭ كورە بەرەسىڭ دەگەن.ءومىر دەگەن اعىپ جاتقان ءبىر وزەن سياقتى.بىردە ءموپ-مولدىر تازا بولسا،كەيدە لايلانىپ بارىپ قايتا تۇنىق بولاتىنى بەلگىلى.سول وزەننىڭ سۋىنداي تازا،جانى جايساڭ،اقكوڭىل ادامداردا كەزدەسەدى،جانى جاماندىققا تولى،تاكاپپار،مەنمەن،جالقاۋ جانداردا ارامىزدان تابىلىپ جاتادى.ەشقاشان بىرەۋگە جاقسىلىق جاساۋدان جالىقپاۋ كەرەك.بىرەۋ ساعان جاماندىق جاساسا جىلاما،رەنجىمە،قايعىرما.باستى كوتەرىپ تەرەڭىرەك دەم الىپ مىنا ءومىردىڭ تەك جاقسى شاقتارىن ەسىڭە ال.ءومىر ءبىر ورىندا توقتاپ قالمادى،جالعاسا بەرەدى،جالعاسا بەرەدى.ەگەر ءومىرىڭىز سىناقتارعا تولى بولسا جاسىماڭىز.سىناق كەلدى دەگەنشە قۋانىڭىز.اللا ءسىزدى ەلەۋسىز قالدىرمادى.ەشقاشان سىناققا قارسى تۇرۋدان قورىقپاڭىز.سىناقتى بەرگەن اللا،ودان شىعاتىن جولدا بەرەدى.ەگەر سەنگەن ادامىڭىز سەنىمىڭىزدى اقتاماسا،جاقسىلىق جاساعان ادامىڭىز سىزگە جامانشىلىق جاساسا،امانات جاساعان ادامىڭىز قيانات جاساسا كىنانى وزگەدەن ەمەس وزىڭىزدەن ىزدەڭىز.ءوزىڭىزدىڭ كىناڭىزدى كورۋ ارقىلى ومىرگە ايقىن قاداممەن،جاڭا كوزقاراستارمەن قاراي باستايسىز.ءومىردىڭ كەيبىر ساتتەرىندە كۇيبەڭ تىرلىكپەن ءجۇرىپ اكە-شەشەمىزدى ۇمىتىپ كەتىپ جاتامىز.جو جوق ولاي بولمايدى.ءاربىر ءتىرى پەندە ءۇشىن ومىردە ءبىرىنشى ورىندى اكە مەن شەشە الۋى كەرەك.ءبىزدى وسىناۋ جارىق دۇنيەگە كەلۋىمىزگە،كورۋىمىزگە سەبەپشى بولعان ول اكە مەن انا.سول كىسىلەردىڭ ءقادىرىن ۇعىنباساق،تۇسىنبەسەك ەرتەڭ ءبىزدىڭ الدىمىزعا كەلمەسىنە كىم كەپىل.ءتىرى كەزدە قادىرىنە جەتپەسەك،ولگەننەن سوڭ وكىنۋدىڭ قاجەتى جوق...

---